أفضل الأماكن لرؤية سماء مليئة بالنجوم خارج الرياض

[DevilzNeverCr]

السلام عليكم و رحمة الله وبركاته

أنا عضو جديد و شدّني المنتدى بشكل كبير و خصوصاً هذا القسم


أخوكم من حديثي سكان الرياض ، و مخططين أنا ومجموعة شباب لـ طلعة من العصر الى آخر الليل تقريباً

الطلعة:

هدفها الأول هو تصوير النجوم في سماء خالية من الضوضاء و خارج مدينة الرياض "بكل تأكيد"

و هدفها الثاني هو شبة النار و الشوي


ياريت من اللي يعرفون يفيدويني بأفضل الأماكن خارج الرياض "ولو بعيدة شوي مو مشكلة"

سمعت فقط عن مكان اسمه Edge of The World "أوحافة العالم" وهو بعد وادي لبن بمسااافه


لكن ياريت الله يسعدكم تفيدوني بأماكن أخرى أفضل لهذا الغرض وهو التصوير و بعيداً عن ضوضاء المدينة تماماً

والتركيز سيكون على وضوح النجوم تماماً للتصوير من بعد الغروب حتى منتصف الليل ك هدف أساسي

لأنو الطلعه حتكون عصر يوم الجمعة من هذا الأسبوع والى الآن ما أعرف أي مكان خارج الرياض


مثال:

http://media1.s-nbcnews.com/i/streams/2013/November/131119/2D9734380-131119-milkywayphoto-hmed-1025a-files.jpg

يمكن فيه خارج الرياض مثله "في الخلاء اقصد"

يسعدكم ربي و أشكركم مقدماً على المساعدة

:heart:

[A_al Tamimi]

صباح الخير خوي
بالنسبة للتوقيت الطلعة لتصوير النجوم غير ملائم بحكم أن القمر مكتمل ولن تشاهد النجوم بشكل واضح
انسب وقت نهاية الشهر او بداية الشهر

[راعي الطلعات]

وعليكم السلام والرحمة

يالغالي عندك شمال الرياض طريق الرياض القصيم بعد نقطة التفتيش ثالث كبري، كبري طويق الجديد تأخذ يمين وكلما تمشي اماكن شاسعة وبعيدة عن المدن ونورها و ازعاجها وهادئة وسبق لي تصوير البروق فيها العام الماضي.

او جنوب الرياض من صوب نفوذ نساح او شعيب الاوسط وهو اكثر هدؤ من نفوذ نساح ان بغيته نفوذ او بحص.

بس كل الوجهتين يبيلهم خروج مبكر يعني الساعة 3 في البر علشان تشووفون مكانكم المناسب ولا تنسو ذكر الاذكار وبالتوفيق ولا تنسانا من الصور الطيبة :good2:

[ابومشعل3]

اخي الكريم الموقع المذكور نهاية العالم يبعد عن الرياض 80 كيلو 60كيلو اسفلت 20 ك ترابي ومتعرج ويفضل سيارة دفع رباعي الموقع غرب العيينة ويفضل اول الشهر لكون القمر غائب ===ابعد عن الرياض وعن الاضواء المحيطة وستكون السماء كما احببت 0000تحياتي :f:director:

[ابو محمد 276]

انا أرى انك تروح لم الدهناء افضل بس بداية الشهر

[ودي وماودي]

تبي افضل موقع ابحث عن منطقة مرتفعة عشان يكون تصويرك للنجوم من كل زاوية وتفرق بصورك عن كل من سبق وصور النجوووم

واكيد في اخر الشهر وبالتوفيق

[khawaji]

السلام عليكم و رحمة الله
طيب مع المناظر هذي لازم من كاميرا لتصويرها بليز دلوني على وحدة جيدة و سعرها معقول

[علي الشهري]

السلام عليكم

حياك الله أخي الكريم

بالنسبة لخشم فهرين (حافة العالم) فالمكان غير مناسب لتصوير النجوم

لأن إضاءات الرياض والعيينة وسدوس من الجنوب والشرق والشمال

وإضاءات حريملاء وضرماء من الغرب.

أيضا هذه الليالي مقمرة فغير مناسبة.

أفضل مكان قريب امسك طريق الشرقية واحسب 100كلم تقريبا من كوبري الثمامة

إلى أن تصل كوبري سعد (طريق خريص الأحساء)

لف يمين مع الكوبري وامش تقريبا 10 كلم تأتيك مناطق مناسبة لتصوير النجوم

[Fantab]

اعتقد والله اعلم ان وجود الهواء والتحركات الترابيه تحجب الرؤيه ,, ربما ان افضل توقيت هو بعد يوم ماطر والسماء صحو والهواء ساكن في اول شهر او آخره بعيد عن المدن والاضواء في عمق الصحراء كالصمان مثلا.. وقد يحالفك الحظ انشاءالله لرؤية حلقة درب التبانه الجميل ونجم الشعرى الساطع و سحابات السدم . لكن لا تبعد عن الاسفلت كثيرا حتى لا تتوه .بالتوفيق انشاءالله..

[حبيتر]

اخوي علشان تجد الزمان والمكان بلاضافه لصفا الجو تحتاج جهد الله يعينك فانصحك تتابع احوال الطقس نهايه كل شهر لمعرفه تقلبات الجو وسرعه الرياح فاذا ناسب الجو اختر اخر الشهر واختر مكان بعيد فانسب مكان لك الدهنا لبعدها عن جميع المدن حاول يكون بعدك عن اي مدينه 80 كيلو بنسبه لي انا افضل مكان لي عاليه نجد جنوب شرق المدينه وتنعدم فيها الاضواء والمدن بسبب وعوره ارضها وتراكم الححم البركانيه

[aseed12]

انا أرى انك تروح لم الدهناء افضل بس بداية الشهر