عندي سلوقي ابو سنتين ما يركب السيارة

[طير حوران 999]

عندي سلووقي ما يركب السيارة نقز ولكن يحط ايديه ويبيك اتشيله وش الحل
فيه يا اخوان
تكفون
ومزاجي ما يجي كل الاوقات
واذا هديته اخاف ادعمه لانه يجي قدام السيارة ؟؟

[(خوي المقناص)]

لا تخاف بيرد عليك هاوي السلق وإنشاء الله بتلقى حل

[قناص الجوف]

شوف اخوي بسرعه عمره سنتين ولايركب صعب تعليمه السلق هو كبير

لكن اخوي

اربطه بحبل و اركب في حوض السياره واسحبه قول ((اركب))((فوق))

واذا ماطاعك اسحبه بقوه وكرر الطريقه كل يوم لو تسويها ثلاث مرات في اليوم تكفي

لكن حاول تكرر عليه و لا تضربه لاكن اسحب الحبل بقوه حتى يركب


اما من ناحيه يركض امام السياره فهذا بصراحه شي طيب

وحلو من السلوقي انه يركض امام السياره


تحيه طيبه

[شعوان السعدي]

ارحب يالله حيه ,
شفاخذ السلوقي ومسه لين يلعن الشيطان وبعدها بتشوفه يبي يركب (يفضل يكون معه كلب يعرف يركب )
وبعد ما تتعب الكلاب بتشوفها تبي تركب خل الكلب المدرب يركب واذا ماركب كلبك خله يولي ومسه زياده لين يتعب وليا تعب نزل المتدرب وخله يركب قدام كلبك وقله اركب واذا لا عد الكرة لين ما يموت من التعب وبعد هذا نزل الكلب المدرب وخله يركب قدام كلبك وبتشوف كلبك يركب واذ عيا رح به بعيد وامسك حبله واركظ به باتجاه السيارة واجبره على الركوب
على هالموال الى ان تشوفه يركب
ورد لي خبر

[راعي منوه]

هذا يا طويل العمر عندي واحد نفس الشي بس اللي عندي عمره قريب السنه
واذا قلت له اركب راح للحوض ويحط يديه على الحوض نفس اللي عندك
والحين بعدما خليته يشوف السلق تركب مسكته وخليته جنب الحوض وقلت له اركب
وعطيته كم محطه على الفخذ وصار الحين يركب مضبوط
اما بالنسبه للمشي قدام السياره شي زين بس اذا صار يمشي قريب من السياره
اصدمه صدمه خفيفه وبعدها يصير ينتبه للسياره بس لا تصدمه صدمه قويه وتخوفه من السياره
هذا من واقع التجربه <<<<<فلسفه
والله اعلم

[هاوي سلق]

هلا فيك اخوي طير حوران999 وبالاخوان جميع


والكلام اللي قالوه مافيه :no: خلاف الا اني حبيت اضيف عليهم الطريقة هذي
1- تجوع السلق الين تشعر انه يبغى الاكل
2- جبل اكله وخله يشم ريحته بتلاحظ انه يبغى يسوي المستحيل على شانه
3- حط الاكل له في السيارة في الحوض طبعا وهو يشوفك
4- عطه شي بسيط من الاكل بسيط مره وقله فوق او اركب في كل مره يركب فيها
5- :no2: لاتخليه ياكل الاكل كله
6- بعد 3 ساعات تقريبا تعيد له الكره مره ثانية وثالثه وبتلاحظ الفرق
والسلام

[ابو السلق]

عطنية انا ادربة لك ورجعة مدرب مليون بالمية

[القحطاني505]

هلا اخوي اول شي لازم انك تجيب جنبه سلق متعلم وتربطه وتخليه يركب بالحبل وتسحب ذيخك لين مايركب ثاني شي لو انك تجوعه وتحط اكل يكون اسهل ثالث شي انك تجريه مع السياره لين يتعب وقل للسلوقي اللي معه فوق وهو من التعب بيركب والله سهل انشاء الله

[ابو بندر2755]

السلام عليكم ورحمة الله بركاته

انا كان عندي سلوقي مايركب ولا ينزل عمره 3سنوات الحل عندي قالو حط الاكل في الحوض مانفع
ولاكن اللي ينفع وانا اخوك الضرب اضربه وجرب خله جوعان لاياكل شي واضربه عند الحوض وشووووووووووووووف



تقبل تحياتي

[صياد الوعل]

السلام عليكم و رحمة الله وبركاته

انا اعتقد ان هناك اسباب عده لعدم ركوبه بالسياره و عن تجربه منها :-

اما سقوطه من السياره و تكونت لديه عقده نفسيه .
او شخص ركبه بالسياره و من ثم قام بضربه ( مسه ) .
او انه لم يتدرب او ارتفاع السياره الزائد وعدة اسباب .
الحلول :-

من الخطأ و الخطأ الفادح ضرب السلوقي بصفه عامه .
ارجو ان يعلم الجميع ان الكلاب تفهم و تعرف رغبتك في تعليمها و تعلم ان كنت تحبها و خلافه .
بالامكان استخدام اغلب الطرق المشار اليها من المشاركات السابقه ما عدا ضربه ( مسه ).
او مسكه من سبتة حلقه و احضاره من بعيد و تقريبه من السياره و حمله للركوب .
فيما يخص مشيه امام السياره , فمعروف انه نهاية 90% من السلقان تحت عجلات اصحابها , و ارجو الحذر ,,

و اخيرا لو لم تنفع جميع الطرق السابقه وعدم امكانية القنص به اليك الحل :-

(زيارة اقرب سكن كوريين و اهداءه لهم ليقومو بعمل كبسه عليه ,,بالعافيه .

[طير حوران 999]

شكرا للجميع
وبحاول وبعلمن انشاالله