ثوب الفروه 2

[maftoon]

بسم الله الرحمن الرحيم
مساء الخير على الجميع
أحبتي العام الماضي محلات عجلان وإخوانه طرح في السوق ثوب الفروه وكتبت عنه هنا في الموقع وصار عليها إقبال شديد من الكشاته لدرجة انه في غضون اسبوعين انتهت الكمية كامله ( الله يرزقهم ويزيدهم )
كان سعر الثوب في البداية 140 ريال وبعد الإقبال رفعوه 160
السنه هذي نزلوه ولكن بسعر مبالغ فيه 200 من وجة نظري غالي مقارنه بسعر العام
ماذا اختلف فيه لم يختلف شي في الثوب
سوى اقبالنا عليه واستغلال رغبة الكشاته في اقنائه
حتى انه انزل منه مقاس اولاد وبسعر 180 ريال

هل تتوقعون لو قاطعنا المنتج وخصوص ان موقع مكشات يمثل نسبه عاليه من اهل الكشتات على مستوى المملكه والخليج سيضطر إرجاع السعر السابق 140 ريال

اترك النقاش لكم أحبتي

[الشمروخي]

شرط ان اللي شروه لبسوه مره وحده وبس

[مكشاتي111]

هذا اسلوب التجار يخفض السعر في البداية
واذا شاف الاقبال عليه رفع السعر

[نجدي اصيل]

ياشباب عجلان واخوانه تراه سارق التصميم

اعرف الشايب القصيمي شخصيا صاحب التصميم الاصلي
مصممه واستعمله 5 سنوات قبل يسرق التصميم وينزله عجلان واخوانه
وفوق ذا كله يرفع السعر

المقاطعه الي ان ينزل سعره 140 ريال

[سالم الجبيل]

الاستغلال بهذه الطريقة يعتبر استغفال للمستهلك .. ومفروض مقاطعة عني انا باقاطعه

[ذيب القفار]

الصراحة لاقين ناس تشتري و قبل مده أحد الزملاء يتكلم عنه و يبغى يشتريه و كنت متحمس معه بس ما تخيلتهم رافعين السعر لهذي الدرجة أنا معكم في مقاطعتهم و أذكر أنه الأخوان قالوا إنه يتفصل في القصيم بسعر رخيص ياليت من يجيب لنا معلومه عن تفصيله.

[أبو شيري]

لم ينجح هذا الثوب

وأنما الاغلب شراء وتوهق فقط جربه ولا عاد لبسه مره ثانيه

اعرف مجموعه من الزملاء في الطلعات لبسوهـ مره وعليها
والبعض لبسه بالليل وعند النوم رماهـ

ما مثل بيجامه طيبه والحمد لله

[تزبطي]

فاشل جدا جدا

يقولك الشي اذا زاد عن حده
انقلب ضده
انا اشوف ان بجامه دروش وشرابك وثوب الصوف مع كوت مضبوط
كفيله بدفئ ممتاز حتى الفروه مالها سنع
وتتحكم في درجة الحراره عن طريق فصخ ولبسه

هالخملق والخربشه الزابده ماتنفع الشي اذا ماصار مﻻصق جسمك مثل البجامه والكوت ترا مايدفي
جسمك يشغلك وبس

والله يوفق الجميع

[جلعاد]

يابن الحلال ما مثل بجامة الصوف صناعة انجليزيه

[بدران الدوسري]

من وجهه نظري


ان فكرته ردية

ان توسخ مالك الا غسلة بخار وعلى الاقل ياخذون على غسله 60 ريال الشغل الزين

وان غسلته غسل عادي يخرب عليك

[خالد الخطير]

انا ضد الثوب فروة

وهذا رأيي الشخصي

احسه يقيد حركتك !!

بالاضافه الى ان الجو يتقلب

احياناً يدفى الجو شوي و تبدى تحتر

هل وقتها بتشيل ثوبك !!!

انصح بالفروه او بشت او جاكيت بالطو طويل لو تفصله تفصيل !!

وتصير متحكم بدفى جسمك !!

هذا والله اعلم

[maftoon]

اشكر الجميع على تفاعلكم ومشركاتكم
وكلامكم كله على عين والرأس

������

[قصيمي1405]

انا البارح لقيته بسعر 230
ورفض ينزل ريال واااحد

ولكن هالثوب قلته لخويي
قلت له يخلي الواحد رخمه هههههه
اذا لبسه بيصير ثقيل في تحركاته

انا نويت اشتويه وماتوقعته كذا ابدا

علللله ونقله

عموما سعر مرتفع جدا

[ناصر]

الواحد يطلع ..يبي يتنفس ويحرك جسمه ويتنشط
ولا يقيد نفسه وحركته ببطانيه متنقله
البرد بالنسبه لي بجامه فقط ..ونار ماتطفي ومشروبات ساخنه :)

[جديعان]

عليك بثوب مغربي قريب للفروه ويجي معه طاقيه ودفي وقيمته ١٢٠ ريال تنقص او تزيد منتتااااااز

[999ابوصالح]

السعر مبالغ فيه يازين الفروه إذا احتريت أو ركبت موترك شيلها وانتهينا
أما إذا سخنت ونت لابس هذا الثوب مدري وش بتسوي ..؟
تحط الثوب أو تجلس تطبخ :hot: تقول غلاية

[أبوسعد111]

عليك بثوب مغربي قريب للفروه ويجي معه طاقيه ودفي وقيمته 120 ريال تنقص او تزيد منتتااااااز

صدقت
والميزة انه دافي وخفيف وقت الحركة
بس نقطة ضعفه
أنه يتأثر بسرعه بشرار النار
يعني
لاتلبسه وتقرب من شبة النار

موفقين

[المضلي]

اقول يالربع الثوب مايستاهل تدفع فيه فوق المية ريال
وغير مريح وغثيث

[مطر وسم]

الفروه العاديه قيمتها 70 ريال فيه محلات فروات بالرياض سوق الزل بالديره تشريها منهم وتخليهم يخيطونها من الامام تتسكر تصير زي الثوب بالظبط وتعطيهم عشره على الخياطه وتطلع لك ب 80 ريال فقط

مو كذا احسن من فروة العجلان ؟

[الفريح1]

يابن الحلال ما مثل بجامة الصوف صناعة انجليزيه
سبقتني البجامه ما مثلها ثوم الفروه ثقيل صدقوني ويضايقك .

[ذيب الديماكس]

استغلال عججيب من التجار
-
انا اوول المقاطعيين
-
ومثل ماقالوا الاخوان الثوب المغربي جيد . لكن يعيبه ثقل الحركه بعض الشي . لهذا خلنا ع قشنا الاول ابررك . صديريه وبشت الخ 8__8
-
تحيااتي

[الحزوبر]

لاقيه ب250 ونا معكم اقول انه غير عملي ويساعد على الرباده ههههه

[ابوصالح3]

الفروة بشكلها الحالي مقبولة ومعروفة وطبيعي لبسها ومتعودين عليها

لكن ثوب فروة هذا فاشل مره ولايصلح ,,,وازيدكم من الشعر بيت

منزلين خامه اسمها قصة البشت ,,زي البشت وهي خامة تفصلها ثوب عادي لقيتها بالمعيقلية

ومنزلين بشت من خام ماهو من وبر ,,,من خام واسمه هربد هههههههههههههه

[موادع 1]

انا من الناس اللي شروه ب 140 ريال
الثوب يدفي ولكنه بيخرع كتوفك بالثقل
فيه ثقل غير طبيعي والثوب منتفخ
يخليك اكبر من حجمك الطبيعي

لبسته مرتين وهذاك هو معلق من العام
حتى الكشات يبي شي عملي وخفافي

هذي تجربتي ووجهة نظري الشخصية

[ابو البر]

انا شريته
وطول طلعة البر اشغلني عن الحركه
ثقل علي بخلاف الفروه
تروح وترجع لها عند اللزوم

[حبيتر]

نعم للمقاطعه

[فتى الوادي]

فيه قماش من داخل فرو .... تفصله تفصيل عند الخياطين

[هارون97]

ياشباب جربو لبس ثوبين فوق بعض الصراح وناسه ماتحس في البرد مجربة لي كم سنة

[صخب]

شفته على واحد من الاخوان
منظره صراحه مضحك متشبص كنه بطريق
لبسه مره او مرتين وبعدها جدعه والسبب ثقله ويعيق الحركه غير التعليقات المضحكه ونظرات الاستغراب له
انا اشوف انه فاشل ولايستاهل خمسين ريال

[لامبالي]

انا كنت ابغى اشترية
وايضا ابغى انصح بشرائه
لكن بعد التجارب من الشباب صرفت النظر عنه
مشكورين على نقلكم لتجاربكم

[راعي الجيوب 1]

اجدادنا الاولين ما خلو لنا شي ؟؟؟
ما يعرفون فروه ولا شي !! دبل ثوبين وما مثله شي هذا عن تجربه سنين

[ريحه الخزامى]

استغلال الله يهديهم

[ابو سديم 1]

الناس مع التطور يقلوون الوزن
هذا كل ماله يزود وزنه

ولو تلاحظون لبس الناس الي في الاقطاب الشمالي و الجنوبي لبسهم كان ننقد على انفسنا
.. طبعا هم 20 تحت الصفر
حنا في الدهنا ان كثرة 3 تحت الصفر و تلبس لبس مهب طبيعي
لاكن اهم شي البس شراب صوف و قبع و بجامه شرط ان تدفى لو بدون ثوب

[maftoon]

يعطيكم العافيه شباب على الإبداع في الردود
وبصراحه استخدمته العام الماضي ولا باس به حتى من استخدمه من إخوان وزملائي ارتاحو من سالفة نزل الفروه البس الفروه حتى وانت تغسل المواعين ماله داعي تفسخه تشتغل وانت لابسه

السنه هذي فصول للصغار وأتوقع انها ممتاز لهم في البر ما تشيل هم لبس فروته واذا نام ترتاح لبس شي يدفيه بعد الله سبحانه

[Ushaiqr]

عزالله الشي اذا زاد عن حده انقلب ضده
أشوف أنه فيه ثقل زايد وحاجته قليلة

[كايد]

ياشباب جربو لبس ثوبين فوق بعض الصراح وناسه ماتحس في البرد مجربة لي كم سنة

صراحة احسن طريقة فيه ثياب نوم في الديرة والمعيقيلة قطن كم طويل شتوي ب60ريال
البسه فوق ثوبك الشتوي .....صدقني راح تنسى البرد .

[maftoon]

فكره حلوه الثوبين ولكن اتوقع تعيق اكثر في الحركه
وجه نظر

[خالد الخطير]

اقول للبرد خلك فيه حلين

١/ للي يحبون الثوب :

طق البجامه تحت الثوب

وقبع تحت الشماغ بديل للطاقيه

وشرابات لليدين و الرجلين

وهذي للشباب

اما الشيبان شوي زي حقين مكشات :D

فعليك بالبجامه + (بشت او فروه) + شرابات يدين ورجلين

٢/ للي مايحبون الثوب :) :

فاقول بجامه و لبس ترنقات وبدل صوفيه و بلوفرات و شرابات يدين ورجلين و قبع :D


وبصراحه انا مع رقم ٢ لانه اكثر دفى

بس بما اني شايب كبر الارض فافضل البشت عليهم كلهم بس الاصلي و عزالله انه دوى البرد لان الفروه قصيره ولابد تبرد اطراف السيقان ويلحقها شوي ضوق ، اما البشت تتلحف فيه عادي

عليكم يا رجال بالبشت :D

[محب الجهاد]

حلووووووووة بطريق وصف لا يشق له غبار
الحقيقة سعر غير مقبول بتاتاً واستغلال غير مبرر

[جعباص]

كلام سليم ..ارتفاع غير مبرر