16 طول و16.5 عرض مثلوث او وافي ؟

[عدد وحدد]

السلام عليكم كل عام وانتم بخير اتمنى انكم بصحه طيبه
سؤالي كما هو ما في العنوان اتمنى منكم الأجابه ولكم كل التقدير والشكر

[ابوناشي511]

وش نوع الطير اذا كان حر فهو وافي

[ِ ابوفهد ِِ]

الحر 16 تام و17 وافي

[ودي وماودي]

وعليكم السلام ورحمة الله
16 في 16 مثلوووووث
حتى لو عرضة 16.5 لانه قصير الطير

متى يكون تام في حالة هاذي المقاسات؟ اذا كان عرضة 16.5 وبوزة وارضية الطير وافية وكبيرة ممكن يكون تام ويكون لونة ريشتة ( لونة عادي )اما اذا لونة حلو وزين >>>مستحيل يخلونة الشريطية وافي عشان مايغلى عليهم

[عدد وحدد]

جزاكم الله خير شكرا لمن رد وقرا ومر الموضوع

[القصير111]

عليكم السلام ورحمة الله وبركاته

يعتبر وافي ﻷن القياس المهم هو العرض

[راعي مختار]

قياسا ١٦ ونص وافي .. عرض طبعا .. الوفاء مو القياس وبس البوز واليد .. بعضها ١٦ او ١٦ ونص بس مغلطاني بوزه صغير وتلقا عيونه بارزه ويد صغيره

[.راعي الطير]

السلام عليكم الحر التام 16 ونص عرض واللي قياسه 16/16 هذا يسمى مغلطاني

[راعي الطييب]

السلام عليكم ورحمة الله وبركاته

بالنسبه لطير الي 16 ب 16 هذا مثلوث

والطير الي 16 ب 16 ونص يعتبر شيخ مثاليث او تام وﻻ يتممه الا كفه ومنسره وراسه واذا كفه ومنسره عاديه يعتبر شيخ مثاليث

وبخصوص الطير الي 16 ونص ب 16 ونص هذا كامل وﻻ فيه شكوك

[شهاب 5]

انا اعتقد ان المقاس من ١٦ وفوق اذا كانت ارضيته وبوزه تامه فهو تام بدون شك. البعض يسميه مغلطاني ولكنه يتمم.
انا عندي طيرين نفس المقاس ١٦/١٦ واحد ارضيته وبوزه صغيره وهذا المثلوث
والثاني نفس المقاس وارضيته وبوزه تامه وهذا التام او المغلطاني.
لكن الشريطيه سووا منها باب يترزقون الله منه. والا التام تام البوز والارض لو مقاسه ١٦ طول وعرض.

[مغرم مقناص]

والله ياخوي على عرفي ان الطير من 16 وفوق ينقال له تام واللي اصغر من 16 ينقال له مثلوث

الا اذا تغيرت المسميات مع بعض الصقارين الجدد الله اعلم

لان كفوف او ارض الطير وخاصة الحر من 16 تكون كبيره وومكن تحصل ارضه او كفوفه نفس كفوف اللي مقاسه

17

وسلامتك

[خالد العطااوي]

والله ياخوي على عرفي ان الطير من 16 وفوق ينقال له تام واللي اصغر من 16 ينقال له مثلوث



الا اذا تغيرت المسميات مع بعض الصقارين الجدد الله اعلم


لان كفوف او ارض الطير وخاصة الحر من 16 تكون كبيره وومكن تحصل ارضه او كفوفه نفس كفوف اللي مقاسه


17



وسلامتك








هذا الكلام ..

[عدد وحدد]

جزاكم الله خير شكرا لمن رد وقرا ومر الموضوع الحمد لله وسبحاة الله ولا اله الا الله

[الفيصلْ]

16/16

يتممه بوزه وارضه اذا وافيه اعتبروه تام