استفسار لخبراء واصحاب التجربه بااجهزة القارمن

[شراع]

السلام عليكم ورحمة الله وبركاته

ابسالكم يااخوان عن افضل اجهزة القارمن

و 70% استعمالي لها بيكون بالبر

ياليت تفيدوني بافضل الانواع ويكون سعرها منااسب

[abdalalh]

انا اشوف ماتفكر ابجهاز الجارمن العقيم بدل ماتحط المبلغ الغالي فيه اشترك أيباد وسو لة جليبريك ونزل برامج الملاحه الي تعجبك اذا تبية للبر نزل
?- برنامج النفتال
?-ساجك
?مابس ميل
وذا للمدينة
?-جوجل مابس
?-أي جوه
?-في عشر طعش برنامج موجوده بالأب ستور ..
وبعدين تقدر تستخدم الأيباد للأمور الثانية فيديو يوتيوب وشياء كثير بس قبل كل شي اهم شي يكون فيه شريحة للبيانات العادي مايقبل ينزل برامج الملاحة هاذي وجهت نظري ..

[متعب الفرسان]

انا اشوف القارمن ماله بديل نهائي كل برامج الجوال تعتبر برامج ضعيفه وعديمه الفائده
اذا انت راعي برافضل قارمن باختصار مونتانا650
واذا داخل المدن عليك بي نوفي 3597lmt وعيش حياتك بدون تعقيدات

[ريف النشاما]

البرامج تؤدي الغرض المطلوب

ولكن صراحة ما يعتمد عليها بعد الله مثل الاجهزة المتخصصة


أما في المدن فهي تكفي بلا شك مع وجود خدمات قوقل الرائعة


على كذا خذلك جهاز عملي حق بر يكفيك والمدن كما ذكرت البرامج تكفي

الايقو ماله مثيل حتى في القرى والهجر كل شي عندك طرق محطات وغيرها
بل بالطرق جربته هو أفضل شي موجود


وإن كان تبي تطرب حالك خذ جهاز دار موجه الجديد لكن بشرط أنه يشغل خرائظ الشرق الاوسط

[هارون97]

حذ لك نوفي 3597LMT ترتاح بر ومدينة مجرب

[منصور ع]

حذ لك نوفي 3597LMT ترتاح بر ومدينة مجرب
لاتتعداه عزالله انه يطربك وممتاز جدا ديره وبر

[المكحل/ابو]

عليك بنوفا
265
او
205
سعر مناسب ويودي الغرض بالبر والمدن وبحصيبة السفر لخارج المملكة

[التويبع]

اذا انت مستخدم عادي فخذ نوفي 52

واذا تحب تكشخ خذ 3597

[aboriyadh]

اذا انت مستخدم عادي فخذ نوفي 52

واذا تحب تكشخ خذ 3597


اوافقك الراي 100%

اذا تبي جهاز خرائط للبر و المدن وفيه كل مميزات أجهزة جارمن للخرئط
عندك نوفي 52 سعر رخيص و شاشة كبيرة و سرعة استقبال عاليه ولمس ممتاز و عملي جدا

و اذا تبي جهاز له نفس المواصفات السابقة و يشغل بلوتوث و يعرض صور و له استخدام متعدد
خذ نوفي 3597