تهريب بالمكينه من عند القير (( فزعتكم )) توني شاري الباترول

[ابو عيد ا]

سلام عليكم
عندي تهريب بصوفه الخلفيه للباترول 95
وش السواه ياجماعه تراني ما اعرف شيء ابد والموتر توني شاريه

فيه ناس قالو نزل المكينه افضل من انك تنزل القير .. وش رأيكم ؟؟
وابي ورشه شغلها حلو بالرياض غير ابو صالح ؟؟
ووش اغير دامني فكيت هالمنطقه ؟؟

ياجماعه توني شاري الباترول ولاني بعارف شيء ابد
ولا لي الا الله ثم انتم لا تبخلون علي بمعلومه تفيدني

نوروني الله ينور دربكم يارب.

[Gassimy]

وعليكم السلام عليكم ورحمة الله وبركاته.
هون عليك الامر سهل نزل المكينه. وشيك على الدزق والكلتش والفحمه.
وغير رقع الماء الي تحت الحذاف على الطريق:D:D وانا اشوف اجدع الرقع كلها اصليه الوحد بثلاثه ريال. وتاكد من كراسي المكينه. واذا تبي ورشه راسلني على الخاص :director:

[ابو عيد ا]

وعليكم السلام عليكم ورحمة الله وبركاته.
هون عليك الامر سهل نزل المكينه. وشيك على الدزق والكلتش والفحمه.
وغير رقع الماء الي تحت الحذاف على الطريق:D:D وانا اشوف اجدع الرقع كلها اصليه الوحد بثلاثه ريال. وتاكد من كراسي المكينه. واذا تبي ورشه راسلني على الخاص :director:





هلا اخوي قصيمي
وش قصدك رقع الماء ؟
ماهو راضي يرسلك خاص

[الا سير]

هلا اخوي قصيمي
وش قصدك رقع الماء ؟
ماهو راضي يرسلك خاص
رقع الماء يعني طبات الماء

[ابو عيد ا]

طيب وين الورشه الي شغلها حلو بالرياض غير ورشه ابو صالح التركي ؟!

وهل اخليه يرفع المكينه ولا القير افضل ؟؟

[ابو عيد ا]

يا جماعه المشاهده قريب 200 ولا فيه الا رجالين الي علموني بيض الله وجيهم

الي عنده علم ينورنا

[ابوتركي1010]

ارفع المكينة افضل من تنزيل القير

[صاروخ الغطغط]

وضح ياخوي تهريب ما ولازيت التهريب من الطبه والى الصوفه اذ كان زيت فهي صوفة المكينه الخلفيه واذ كان تهريب ما من الطبه بس اتوقع فيه طبه عسره في المكينه من خلف لازم تنزل المكينه

[سارق الكحل]

سؤال : لمبة الريوس شغالة عندك اذا عشقته

[آخر العنقود]

تنزيل المكينه صعب وتنزيل القير اصعب انصحك تنزل المكينه وتشيك علي دربك علي طبات المويه والدزق والكلتش والفحمه وطبات المويه انصحك انك تغيرهن لأن فيه طبه بنهاية المكينه جنب صاج الطبلون ولازم تنزل المكينه عشان تغيرهن وانصحك لا تاخذ الا قطع اصليه فقط بالذات الطبات والصوفه بالتوفيق.

[ابو عيد ا]

وضح ياخوي تهريب ما ولازيت التهريب من الطبه والى الصوفه اذ كان زيت فهي صوفة المكينه الخلفيه واذ كان تهريب ما من الطبه بس اتوقع فيه طبه عسره في المكينه من خلف لازم تنزل المكينه

هلا اخووي
التهريب طال عمرك زيت ماهو بمويه

[ابو عيد ا]

سؤال : لمبة الريوس شغالة عندك اذا عشقته



لا يالغالي ماهي بشغاله

بس وش دخلها هذي يالغالي ؟

[ابو عيد ا]

تنزيل المكينه صعب وتنزيل القير اصعب انصحك تنزل المكينه وتشيك علي دربك علي طبات المويه والدزق والكلتش والفحمه وطبات المويه انصحك انك تغيرهن لأن فيه طبه بنهاية المكينه جنب صاج الطبلون ولازم تنزل المكينه عشان تغيرهن وانصحك لا تاخذ الا قطع اصليه فقط بالذات الطبات والصوفه بالتوفيق.




اكيد يالغالي بغير كل شيء وبحط اصلي
بس المصيبه كل واحد يقولي كلام
الي يقول وجهه غطاء البلوف
والي يقول غطاء البلوف تعبان يبيله تغيير
والي بقول صوفه خلفيه

فقعو راسي ورجعت البيت ووقفت الموتر لين يحلها ربك وألقاء محل وواحد فاهم

وياليت تدلوني على ورشه غير ابو صالح التركي
موتري باترول 95 بالرياض

[سارق الكحل]

لا يالغالي ماهي بشغاله

بس وش دخلها هذي يالغالي ؟

ممكن يكون حساس الريوس عندك خربان فيهرب زيت
حاول تتاكد منه
موقعه فوق القير اذا رفعت السيارة بتشوف الزيت نازل من فوق لو تحط يد فوق جرم القير يبين واضح معك اذا هو السبب

وتغيريه يلزم تنزيل القير شي بسيط ممكن ياخذون عليك 200 ريال شغل يد
وانا غيرته بـ 150 ريال شغل يد وسعر الحساس بـ 65 ريال