الفزعه يارجال شاب راسي من هذا الفتك

[mmgarni]

السلام عليكم ورحمة الله وبركاته
اخواني الكرام لدي سفاري 2006 كلمه جديد قليله في حقه ماشي حدود 120 الف
المشكله وان ماشي في امان الله ولعت لمبة المكينه وضعف عزم الموتر بشكل ملحوظ جداااا
مريت كهربائي صديق وغير لي كتاوت ازرق حق الدعسه بين الرفرف الايسر وقربة الهواء وظبط الموتر تماما وغيرت الكتاوتات كامله حسب نصيحه الكهرباي لانها معدومه بالفعل غيرتها وضبط الموتر
بعد يومين رجعت نفس المشكله تماما علما بانني غيرت بين الكتاوتات وظبط يومين ورجعت ايضا
مريت ع كمبيوتر قال الدعسه لازم تتغير وكذلك ظفيرة السياره لازم تتغير يعني طلع لي حسبه فوق 15000 الف الفزعه يارجال احس المشكله بسيطه جدا انتظر ردودكم

[فتك08]

شيك على حساس الهوا ولو تنظفه افضل بمنظف الكترونيات
و نظف فلتر الهوا
و شيك على الخرطوش الاسود الموصل من اللهاة الى الفلتر لايكون به شق او شي
و نظف اللهاة او البوابة مثل مايقولون لان دايم يجتمع بها كربون و يضعف عزم الموتر
و كل هالحاجات تعتبر صيانة دورية للسيارة و تسويها انت بنفسك
اهم شي تفصل اصبع البطارية السالب اذا بتنظف الحساس و اللهاة

[ابوسند9]

وعليكم السلام
اضافه على الكلام الجميل من اخونا فتك 08
شيك على فيش حساس الهواء اللى في الفلتر ,,ممكن فيه كربون ,,او متوسعه الاسنان,, او فيه سلك منفصل
كذالك على فيش الدعسه نفس كلامي اعلاه
اذا كلووو ه سليم
تبغى اصلاح الدعسه والتشييك على اسلاك الظفيره كامله

[mmgarni]

اشكركم اسعدكم الله اذا كان ذي صيانه دوريه فالله المستعان صياناته في النماص كامله

[mmgarni]

ياشباب الموتر بالكاد وبالقوة يمشي 80

[ونه 511]

اخوي اذا غزم الموتر ضعيف وعلى كلامك مايوصل 80 كلم شيك على دبة الكربون احتمال تكون متسدده

[talal999]

السلام عليكم ورحمة الله وبركاته
جرب تفصل روس البطارية افصلها من الليل واذا اصبحت اشبكهن وباذن الله تضبط
صارت معي من اول ونفس مشكلتك بالظبط
حاول ان زانت خير وبركه وان مازانت مانت خسران شي

[عاشق الغضا]

المشكلة عندك حساس الهواء الي عند الفلتر افصله واشبكه مره اخرى وان كان ونظف الفلتر ويضبط ان شاء الله , والافضل تفصل البطارية

[ابو فهد ألعزي]

وعليكم السلام
اضافه على الكلام الجميل من اخونا فتك 08
شيك على فيش حساس الهواء اللى في الفلتر ,,ممكن فيه كربون ,,او متوسعه الاسنان,, او فيه سلك منفصل
كذالك على فيش الدعسه نفس كلامي اعلاه
اذا كلووو ه سليم
تبغى اصلاح الدعسه والتشييك على اسلاك الظفيره كامله

انا ااكد لك كلامه صحيح

صارت معي نفس المشكله ورحت كمبيوتر كهربائي مكانيكي
وﻻ فائده ثم رحت لكهربائي في ابها انا اعرفه من زمان
مريت عليه وضبطه من والي كانت المشكله في اﻷفياش ماهي ماسكه تمام
والحين الحمدلله من احسن مايكون

واذا عندك القدره للوصل عنده وتبغاني ادلك ابشر

[mmgarni]

الله يحييكم جميع ولا يهينكم
تم فحص الاسلاك والافياش الخاصه بحساس الهواء والبوابه وكذلك الكتاوت وبعد الفحص اليوم في اكثر من محل فحص كمبيوتر يظهر لنا حساس الدعسه البوابه
وتم تغييرها ب1700 وبعد التغيير البرمجه ماتقبل ايضا والمشكله لازالت مستمره للاسف
ممكن توصفني الكهربائي اللي في ابها يالغالي

[ابوسند9]

اخوي
دامك غيرت الدعسه الله يعوضك وانصحك رجع الاولى واللي انت اشتريتها بيعها افضل لك
وما دام انك فحصت كل شي باقي عندك طرمبة البنزين ممكن الخلل منها وضعيف دفعها وقبل تغييرها غير اول صفاية البنزين بعد شوف ورشة تقيس ضغط الطرمبة
لان سبق صارت المشكله لاحد الزملاء وطلعت المشكله من الطرمبة
والحساس لاتخسر ثانيه وتغير ولو تشوف حد معه اي موديل للفتك وتاخذ الحساس وتجرب مع العلم انه نادر جدااا اعطاله

[mmgarni]

الله يحييك يابو سند قست ضغط الطرمبه وممتاز الموتر الموتر يظبط يوم يومين ويرجع مسكات غللط من حاله اليوم ضبط من حاله ورجع نفس الكلام الله حسبي عليه
المصيبه بعد مارجعت الحركه نفس الكود يطلع حساس الدعسه

[ابوسند9]

طيب انت جرب غير صافية البنزين
وشيك على خرطوش القربه الكبير اللي بين القربه والمكينه ولو تلف عليه تيب عريض افضل خوفي يكون فيه شق
كذالك شوف فيه دبة سوداء بلاستيك خارج لها خرطوش من خرطوش القربه وراكبه بصدر البديشيك عليها لاتكون فيها كسر
طيب الكتاوتات اللي انت غيرت هل هي نفس شد بلد ؟وهل غيرت الثلاثه كامله ذات اللون الازرق؟
اذا اعلاه سليم
فا الله يعينك لابد من فني محترف يفحص اسلاك وافياش الحساس والدعسه والظفيره وقاعدة الكتاوتات وانت بعيد عنا واللى ابشر بعزك

[mmgarni]

الله يرحم والديكم اليوم اعطيكم العلوم بشيك للتاكيد

[ابو فهد ألعزي]

اسمه محمد الجاوه
معروف في صناعيت ابها
كهربائي بمشيئة الله انه يضبطها
وماتلقى منه اﻻ الكلام الطيب