المساعد الشخصي الرقمي

مشاهدة النسخة كاملة : جيب VXR 96 بخاخ


أبوعبدالله900
09/11/2014, 10:50 AM
السلام عليكم ورحمة الله وبركاته
اخواني الاعزاء حبيت أستفسر عن مشكلها لها فتره معي مهبله فيني وعجزت أعرف السبب
المشكله يا اخواني الموتر vxr96 بخاخ يطفي فجأه وخااااصه المشارير الطويله يعني بالسفر اذوق الويل
يعني قبل يومين جاي من القصيم الي الرياض ويوم وصلت محطه العتش وقفت ابصلي اول ماوقفت عن المسجد وسحبت الجلنط طفى وبعدين طفيته غير شكل يعني لو انك مطفيه مع السويج ماطفى بذا السرعه ماتدري انه طفى الا تشوف الامبير طايح ومولعه لمبات الطبلون وتقعد لك 5 دقايق ماأشتغل ثم فجاه يشتغل تمشي ويقعد يقطع فيك ربع ساعه ثم يضبط كأن مافيه شي ابدد وبعض المرات في الديره يعطيك قطعتين على الماشي
نصحوني بعض الشباب بتغيير طرمبة البنزين ولاكن انا الي اعرفه طرمبة البنزين ماتجامل تخرب على طول لاكن البعض قال لي وهذا شي بصرحه أقنعني الي هو ان طرمبة البنزين تحتر واذا احترت تقطع
فأرجو من مرت عليه هالمشكله يفيدني وجزاكم الله خير الجزاء
ابوراكان تبوك
09/11/2014, 11:55 AM
نظفت الثروتل؟؟؟؟؟؟؟؟
ابو غسان2009
09/11/2014, 12:17 PM
اتوقع انهت طرمبة البنزين اذا سخنت تبدا تقطع واذا بردت تشتغل زين وتمشيك الين تحتر مرة ثانية وهكذا غيرها وارتاح ونظف بخاخات والبوابة يصفي معك الموتر موفق خير
cadillac911
09/11/2014, 12:39 PM
ما أظن انها الطرمبة لانها تكون بالبنزين فما أظن شيك على المرحلات والفيوزات اللي عند المكينه


اذكر الله تكسب حسنة
أبوعبدالله900
09/11/2014, 10:47 PM
نظفت الثروتل؟؟؟؟؟؟؟؟




اخوي ابوراكان بيض الله وجهك
لاكن الثروتل مالها دخل ابد بالطفيه لها دخل بتفتفه اوصفواة
أبوعبدالله900
09/11/2014, 10:49 PM
اتوقع انهت طرمبة البنزين اذا سخنت تبدا تقطع واذا بردت تشتغل زين وتمشيك الين تحتر مرة ثانية وهكذا غيرها وارتاح ونظف بخاخات والبوابة يصفي معك الموتر موفق خير



اخوي ايوغسان مشكور وجزاك الله خير
وانا مثلك متوقع كذا اما تنظيف البخاخات مادام الموتر صافي لاتحرك تبلش
أبوعبدالله900
09/11/2014, 10:51 PM
ما أظن انها الطرمبة لانها تكون بالبنزين فما أظن شيك على المرحلات والفيوزات اللي عند المكينه


اذكر الله تكسب حسنة



اخوي cadillac911 الف شكر لك لتفاعلك معي
وانا شيكت على جميع الكتاوتات والفيوزات ولاحصلت اي شي
cadillac911
09/11/2014, 11:06 PM
كيف عزم الموتر معاك طايح ولا كويس


اذكر الله تكسب حسنة
ابوراكان تبوك
10/11/2014, 01:23 AM
اخوي ابوراكان بيض الله وجهك
لاكن الثروتل مالها دخل ابد بالطفيه لها دخل بتفتفه اوصفواة

لا له علاقه وخصوصا اذا هديت فجأة

طرمبة البنزين بموترك عاديه ولا كهرب

اذا كهرباء قيس ضغطها واذا كانت عاديه وطفى معك الموتر وعيا يشتغل طق الطرمبه على خفيف وخلي واحد يدق سلف

طرمبة الكهرب يبين خرابها بقياس الضغط لكن العاديه تبدأ تعكس معك لين تودع

عموما فيه فروقات ومسببات أخرى لكن يجب توضيح نظام السياره اذا كان كويلات ولا ديلكو الكتروني
حمزةعبدالمطلب
10/11/2014, 04:29 AM
اخوي تأكد من سلك السالب اللي جاي من السلف للبطارية
لايكون متآكل او محلول
قبل كل شئ
أبوعبدالله900
10/11/2014, 10:27 AM
اخوي تأكد من سلك السالب اللي جاي من السلف للبطارية
لايكون متآكل او محلول
قبل كل شئ



حياك الله أخوي حمزه
كلامك مضبوط لو كان الموتر يرمي لانه هو يقطع بس مايرمي ابد
مثلا اليوم وانا رايح لدوام هبلبي يطفي تشوف الاربي ام على صفر ثم يشتغل من نفسه بحكم انه بنمره كنك ناتعه
وسالت عن الطرمبه قبل شوي عند الضحيان ب665 😭
أبوعبدالله900
10/11/2014, 06:57 PM
لا له علاقه وخصوصا اذا هديت فجأة

طرمبة البنزين بموترك عاديه ولا كهرب

اذا كهرباء قيس ضغطها واذا كانت عاديه وطفى معك الموتر وعيا يشتغل طق الطرمبه على خفيف وخلي واحد يدق سلف

طرمبة الكهرب يبين خرابها بقياس الضغط لكن العاديه تبدأ تعكس معك لين تودع

عموما فيه فروقات ومسببات أخرى لكن يجب توضيح نظام السياره اذا كان كويلات ولا ديلكو الكتروني



الله يجزاك الله خير ياابوراكان
بس انا خابر ماله دخل بطفيه بهذي الطريقه الموتر اذا جاه خط ولا صار له فتره وهو شغال طفى ولا ماشاءالله تبارك الله صاااافي
والطرمبه كهرباء وداخل التانكي وهو ماهو كويلات الكويلات ب 2003 وطالع
وانا مشكك 90٪ الطرمبه لاكن طرحة الموظوع لعلي اجد من حصلت له المشكله
ولقى لها حل

وبيض الله وجهك لتفاعلك معي ورحم الله والديك🌹
ابوراكان تبوك
10/11/2014, 07:43 PM
الله يجزاك الله خير ياابوراكان
بس انا خابر ماله دخل بطفيه بهذي الطريقه الموتر اذا جاه خط ولا صار له فتره وهو شغال طفى ولا ماشاءالله تبارك الله صاااافي
والطرمبه كهرباء وداخل التانكي وهو ماهو كويلات الكويلات ب 2003 وطالع
وانا مشكك 90٪ الطرمبه لاكن طرحة الموظوع لعلي اجد من حصلت له المشكله
ولقى لها حل

وبيض الله وجهك لتفاعلك معي ورحم الله والديك🌹

الكويلات من 2000 وطالع لكن المقصد من سؤالي بعض المكاين مغيره كويلات وكذا

عموما مشكلتك حسب وصفك حول الطرمبه افحص افياشها وقيس الضغط وكل طرمبه لها قياس مكتوب ع الكرتون مو كل السيارات مثل بعض اذا ماني غلطان اقل من 40 تعتبر ضعيفه جدا
يالبى الهلا
10/11/2014, 08:04 PM
مشكلتك من الطرمبة اذا نقص البنزين تحتر لانة دفعها ضعيفة وتشد تعوض الناقص من البنزين وكل ماكان التانكي فل تبرد اكثر لان البنزين يبرد حرارة الموتور الداخلي للطرمبة ومن اسباب خراب الطرمبة نقص التانكي البنزين
حاول لايقل عن الربع في جميع الاحوال حتي لانخرب الطرمبة
الوسم
10/11/2014, 11:46 PM
اخوي تأكد من سلك السالب اللي جاي من السلف للبطارية
لايكون متآكل او محلول
قبل كل شئ

أنا أتوقع إن المشكله هي كلام الأخ حمزه
لذلك إفحص وتعال علمنا وش يصير معك
أبوعبدالله900
12/11/2014, 10:11 AM
مشكلتك من الطرمبة اذا نقص البنزين تحتر لانة دفعها ضعيفة وتشد تعوض الناقص من البنزين وكل ماكان التانكي فل تبرد اكثر لان البنزين يبرد حرارة الموتور الداخلي للطرمبة ومن اسباب خراب الطرمبة نقص التانكي البنزين
حاول لايقل عن الربع في جميع الاحوال حتي لانخرب الطرمبة



أخوي يالبى الهلا👍👍👍
عزالله انك جبتها وهذا شي انا ملاحظه فوق النص ماتقطع ابد تحت الربع تهبل فيني
جزاك الله خير هذي النقطه الي انا متوقع منها ولقيت من يأيد كلامي بالضبط
أبوعبدالله900
18/11/2014, 07:11 PM
تم تغيير طرمبة البنزين الجمعه الماضيه وجلس الموتر حتى اليوم واليوم رجعت علته القديمة وطفى
وبأذن الله سوف أجد العله وسوف أطلعكم عليها
والسلام عليكم
ابوراكان تبوك
18/11/2014, 07:26 PM
تم تغيير طرمبة البنزين الجمعه الماضيه وجلس الموتر حتى اليوم واليوم رجعت علته القديمة وطفى
وبأذن الله سوف أجد العله وسوف أطلعكم عليها
والسلام عليكم

ليتك قست ضغطها قبل التغيير لكن ماهي خساره بموترك


اخوي تأكد من سلك السالب اللي جاي من السلف للبطارية
لايكون متآكل او محلول
قبل كل شئ


حياك الله أخوي حمزه
كلامك مضبوط لو كان الموتر يرمي لانه هو يقطع بس مايرمي ابد
مثلا اليوم وانا رايح لدوام هبلبي يطفي تشوف الاربي ام على صفر ثم يشتغل من نفسه بحكم انه بنمره كنك ناتعه
وسالت عن الطرمبه قبل شوي عند الضحيان ب665 ��

شوف رد الاخ حمزه كنت بأكتبه لك وجزاه الله خير ذكر لك سبب يطفي الموتر يمكن السلك مرتخي وتحتر دقمة السلف وتقطع كهرب + افحص الكويل اللي بالرفرف اليسار ( طالع منه سلك صغير ) الكويل اذا به اي مشكله يحترررررررررر ويطفي الموتر لكن الصدق قليل جدا خرابه من الاحتياط ذكرته لك حتى تفحصه لانه اذا ضعف الكهرب يسبب تقطيع ويطفي السياره اذا طفى الموتر او قطع ووجدت الكويل حار صب عليه ماء وجرب تشغل



موشرط الكهرب لازم ترمي السياره كثير حصل معي مشاكل في الكهرب ولاترمي اكثر مايرمي الموتر من اسلاك البواجي اذا التمست او السيارات النظام القديم ام ديلكو عادي وبليتين وبويبينه


اعيد عليك افحص اسلاك السلف بنفسك اذا قير عايدي تكون جهه اليمين واذا تماتيك يسار لو انك حولي بتبوك كان افحصه لك بنفسي لانه واضح المشكله سببها تافه

لاقفلت جميع الحلول لابد من فك الديلكو وفحصه


مووووووووفق
سعيد الصبحي
18/11/2014, 11:35 PM
السلام عليكم أخوان .. عزيزي اتصور مشكلتك ما تطلع من مشكلة في الكهرباء بسيطة .. احتمال تكون غيرت البطارية قريب والبطارية الجديدة ضعيفة هذا احد الاسباب الشائعة لمثل هذي المشكلة .. قليل من الكهربائيين يعرفلها .. الاحتمال الثاني البلكات اضن انكم تسموهن (بواجي) قديمة أو محترقة او ان اسلاكها فيها عطب .. افحص البلكات بتشعيل السيارة ونزع كل مرة سلك .. السلك اللي نزعه ما يأثر على اشتغالة السيارة هوه العطلان او البلك ماله .. دمتم بحفظ الله
هيبتي بكلمتي
19/11/2014, 12:42 AM
السلام عليكم
أخوي تأكد من الكويل وأسلاكه اللي بالرفرف لأنها صارت معي بجيب شاص 2004 السياره اذا احترت مع المشي تطفي واذا بردت تشتغل وطلعت الشغله فيش الكويل ملتمس .
هذا والله أعلم
بو حجل
19/11/2014, 01:17 AM
مشكلتك اذا ماكانت من الطرمبة راح يكون من كتاوت الطرمبة تأكد منة

أهم نقطتين بعد تركيب الكتاوت دبل سلك (الماص) ــــ من البطارية خذ لك نص متر حق مكاين التلحيم يسمونة شعر تحصلة عند اغلب محلات العدد والمفكات و وصلة فى شاص الموتر او البدي

تفضل هالرابط راح يفيدك كثييييرررر

http://www.mekshat.com/vb/showthread.php?t=488912
بو حجل
25/11/2014, 03:56 PM
بشر ياراعي (الاند) وش سويت وش صار عليك ننتظر ردك
أبوعبدالله900
20/02/2015, 10:09 PM
السلام عليكم ورحمة الله
للاسف ياشباب رجعة نفس العلة يعني لان له ٣ اشهر من غيرت الطرمبة وكان مضبوط طفى معي بعد اسبوع من تغيير الطرمبة مرة وحده بس ثم أشتغل معي تمااااام الين البارح شغلته يحتر الصبح وفجأة طفى شيً غريب
لاكن لاحظت حاجة أذا طفى وجيت أشغله فيه لمبة أسمها fuel tank يعني خزان الوقود هذي المبة اذا فتحت السويج تولع جميع لمبات الطبلون الا هي ماتولع واشغل مااافيه امل يشتغل ثم احاول كم مرة ثم تولع اللمبة اذا ولعة نص نقرة ويشتغل الموتر
وانا متأكد ان هي العلة بس مدري وش معناااها ياليت تفيدوني
يالبى الهلا
20/02/2015, 11:48 PM
هذي اللمبة حق خزان اﻻحتياطي تولع مع زر ا حتياطي مملها دخل بتشغيل السيارة عندك خط الرجوع البنزين بة مشكلة وتاكد من حساس TPS ومن العلبة السوداء حق الغازات تكون بها سدد
أبوعبدالله900
21/02/2015, 12:21 AM
هذي اللمبة حق خزان اﻻحتياطي تولع مع زر ا حتياطي مملها دخل بتشغيل السيارة عندك خط الرجوع البنزين بة مشكلة وتاكد من حساس TPS ومن العلبة السوداء حق الغازات تكون بها سدد



اخوي الغالي يالبى الهلا
اشكر تفاعلك معي ولاكن انا متأكد ان هذي المبة لها دخل اذا ماأشتغلت معي توليعت لمبات السويج ماوالله يشتغل الموتر ثم بعد كم محاوله تولع هذي المبة ثم احلف ان يشتغل الموتر وفعلا نص نقرة ويشتغل وبعدين انت تقول هي لمبة التانكي الاحتياطي انا اضغط زر التانكي الاحتياطي ماتطلع لي هذي المبة بس تولع زر التانكي ويحول البنزين لتانكي الكبير
أبوعبدالله900
21/02/2015, 12:25 AM
يعني كلمة fuel tank الي هي خزان الوقود فيه مشكله سواء سدد او تهريب او ضغط زايد فيه مشكله انا هذا اعتقادي والله اعلم
ابن مهيل
21/02/2015, 01:50 AM
كانت معي نفس القصة تقريبا والسبب هو الثروتل ؟؟؟؟؟؟؟؟
ونظفته بخاخ اسي ديلكو وهو شغال وادوس له على خفيف لين صار مثل المرايا ..
تقدر تنظفه بنفسك .
ابوعبدالله172
21/02/2015, 06:23 AM
السلام عليكم احد الا خوه كان معه مثل موترك وكان يعاني نفس مشكلك وراح على فلبي كهربائي فلبيني با لخبراءبالقصيم وحل المشكله بسعر بسيط حوالي 200 ريال
أبوعبدالله900
21/02/2015, 08:15 PM
اخوي ابوعبدالله واخوي ابومهيل
أشكر تفاعلكم معي وان شاءالله راح انظف الثروتل وابلغكم بالجديد
الغريب في الامر ان الموتر مافيه مشكله بالخط عادي ادوسله بواحد واثنين الين الخامس تمام ماشاءالله لاكن اذا هديت او وقفت عند اشارة يطفى يعني اذا الاربي ام على دورة بطيئة تجي مشكلته
ateeq7
22/02/2015, 11:51 AM
السلام عليكم
استفسار يا بو عبدالله سيارتك تنفحص كومبيوتر او لا اذا تنفحص كومبيوتر ليش ما تجرب تفحصها
A6LAL
22/02/2015, 01:08 PM
مشكلتك أخوي من حساس الكرنك ..

والله أعلم..
أبوعبدالله900
23/02/2015, 11:06 AM
والله يااخواني تعبت البارح طالع من الغاط امشي 140 مثبت عليها الموتر ماشاءالله تماام يوم وصلت محطة المجمعه هديت وعشقت الرابع ومار يطفي وانا امشي 120 ويالله امسك بريك ونمرة وحالتي حاله واشغله ومافيه امل وبعد 10 دقايق اشتغل وعبي بنزين فل واحط رجلي 160 الي بيتنا في الرياض وزي الحلاة ماطفى ولاحاجه
والله شي غريب الموتر وهو يمشي يعني ماسك خط 140 وفوق والار بي ام 3 وفوق الموتر تمام تهدي فجأه ولاترفع رجلك تبي تاقف يطفى
ateeq7
23/02/2015, 12:19 PM
افحص كومبيوتر محلات الفحص مشكلة السيارة كهربائية واذا تريد تتأكد اول ما تطفي عليك السياره خل العدة في السيارة و افتح البواجي كلها وقف في مكان ضل اذا انته في النهار و ركب البلكات كلها في الوايرات او الاسلاك وخلها على بدي المحرك تلامس و دق سلف هل يوجد كهرباء من البلكات اذا لا يوجد يعني المشكلة ليس لها دخل بمضخة البنزين التي انته اصلا غيرتها هاي مشكلة يا انها من كويلات او من الديلكو اعتقد الكتروني او فيه ارتخاء في حاجه كهربائية تقطع الكهرباء اذا صار التماس
ومش متاكد عندك دعسة الريس عندك سلك ولا الكتروني وهل عانيت اخوي من قبل في مشاكل في علبة الفيوزات تحرق لوحدها مره صاحبي كان يقولي عن نيسان باترول كان مبهدلة كثير مشاكل الكهرباء و لما قرر يركب مكينة فتك فكو علبة الفيوزات و وجدو تحت العلبه ويرات محروقه متلاسة و هو مش داري عنها
أبوعبدالله900
01/03/2015, 02:08 PM
ياشباب المشكله الموتر وهو مستمر يعني ماسك خط مايطفي انا كل مافكرت بشي وتذكرت انه مايطفي وهو ماااشي
تغيرت فكرتي
بو حجل
30/03/2015, 03:22 AM
ياشباب المشكله الموتر وهو مستمر يعني ماسك خط مايطفي انا كل مافكرت بشي وتذكرت انه مايطفي وهو ماااشي
تغيرت فكرتي

اذا كانت مشكلتك وانت مشغل المكيف هذة من حساس الدعسة وشيك علية حتى لو كانت بدون مكيف

تاكد من واير الدعسة ونضافتة وسلامتة

تاكد من بوابة الهواء للثلاجة (الثروتل) حساس الكربون كلها تقدر انت تنضفها ببخاخ اي سي ديلكو للسيارات البخاخ

والاهم منها كلها سلامة خراطيش الهواااااء من الفلتر الى مدخل الثروتل ثلاجة المكينة
الوقيدي
30/03/2015, 03:29 PM
قد تكون مشكلتك من حساس منشط الكمبيوتر وهو تحت الثلاجه وتشاهده فوق السيفون أو من الكويل شرارته ضعيفه أو سلك الكويل أبو جلده حمراء الموصل للديلكو .
وين الصيد
31/03/2015, 11:34 AM
طرمبة البازين مافيها كلام ومع مرور الوقت تتضاعف عندك المشكلة
كونجرس الشمال
01/04/2015, 04:43 PM
مشكلتك في دوره البنزيم اهم شي شيك عا الصفايه لا تغيرها نظفها وركبها تبين معك اذا كانت مسدده واجهتني المشكله في فورد غيرت صفايه معدومه ونضفت الباب حق البخاخات كان معدوم وغيرت بواجي كلها كانت متسخه والحمدلله صفى صوت السياره وبطلت تطفى
حسين السبيعي
04/04/2015, 02:59 PM
عسئ انحلت المشكله
أبوعبدالله900
08/04/2015, 11:21 AM
عالسلام عليكم ورحمة الله وبركاتة
في البداية أحب أن أشكرجميع من تعاون وأجتهد معي في حل مشكلتي وجزاهم الله عني خيررر الجزاء ووفقكم الله جميعا لما يحبة الله ويرضاة وأبشركم أني وجدت مشكلت سيارتي والتي والله ثم والله أني كنت متوقع انها تااافهه وفعلا طلع تااافهه والحمد انتهت مشكلة أكثر من ٨ أشهرر
واما كيف عرفت فألكم القصة كنت مسافرلديرة لحالي وفجاءت كلعادة طفى وحاولت فيه مارضى يشتغل نهااائي ادق سلف يدق ماعندة مشكلة لاكن مايشتغل في الطبلون الا انبير الزيت وانبير البطارية فقط حاولت مافية امل تقريبا ساعه قلت الحمدلله الحين اقدر اعرف العله مادامة عيا يشتغل نهائيا وفي اخر دقه اشتغل قل الحمدلله ومشيت قبل اصل الديرة ومار يطفي وعيا يشتغل نهااائيا ومار افتح الكبوت وافك سلك من الواجي وافك البوجي اشبكة بالسلك وأدق سلف وثارية مايجية كهرب نهائيا قلت ممتاز عرفنا العلة الحين وهي كهرب واكيد ان فية سلك منجرح اومنفصل ومار ادق السلف اخر طقه وابدء احرك الاسلاك مافية سلك ماحركة وبقووة الين وصلت مجموعة الاسلاك الي مربوطة بمسمار ١٢ على اصبع الكهرب بالبطارية يوم حركتة وانا اسمع صوت الكتاوت يوم شبك واطير اناضر وثاري اللمبات اشتغلن الي هن لمبة المكينة شك انجن ولمبة تانكي البنزين الي هي FUEL TANK قلت معقولة منة وارجع اتأكد احركهن واسم الكتاوت ياما شبك ياما فصل وانا اقوم وشغل الموتر ومار يشتغل واروح واحرك الاسلاك واسمعه يقطع ويترتر واحركهن بقوه ومار يطفي قلت الحمدلله واقول في نفسي بس وهذا المشكلة الي مهبلة فيني كل هالوقت ومااطلع مفتاح ١٢وافك مسمار ال ١٢الي في الاصبع واشوف الاسلاك وثاريها سليمة وادقق واثاري سلك الدقمة مصدي ولايوصل صح وثر معي قطعة صنفرة الحمدلله ومار اصنفرة واربطة واشغل واحرك الاسلاك ثانية ابتأكد وماشاءالله ماطفى ولاتغير والحمدلله الذي أرشدني وعلمني مالم اعلم
واااسف على الاطاله والسلام عليكم
الوسم
08/04/2015, 10:23 PM
يعني صارت من كيابل البطارية اللي قلنا لك

الحمد لله اللي انحلت المشكلة وشكرا لك انك عقبت على الموضوع بالحل
ابوراكان تبوك
08/04/2015, 11:45 PM
الحمد لله ع انتهاء المشكله تصدق نسيت موضوعك وكل يوم اشوفه مرتفع بالموقع قلت خلتي اقرا اخر مستجداتك
سبب تافه جدا وانت ماشاء الله عليك طولت بالك عليه لين جبت راسه :) سبق واشار له الاخ حمزه جزاه الله خير وعقبت لك عليه
والسلك اللي انفصل معك اساسا هذا سلك كهرب الطبلون لكن كانت حركاته غريبه جدا مافلت معك السلف ومنكم نستفيد


ليتك قست ضغطها قبل التغيير لكن ماهي خساره بموترك





شوف رد الاخ حمزه كنت بأكتبه لك وجزاه الله خير ذكر لك سبب يطفي الموتر يمكن السلك مرتخي وتحتر دقمة السلف وتقطع كهرب + افحص الكويل اللي بالرفرف اليسار ( طالع منه سلك صغير ) الكويل اذا به اي مشكله يحترررررررررر ويطفي الموتر لكن الصدق قليل جدا خرابه من الاحتياط ذكرته لك حتى تفحصه لانه اذا ضعف الكهرب يسبب تقطيع ويطفي السياره اذا طفى الموتر او قطع ووجدت الكويل حار صب عليه ماء وجرب تشغل



موشرط الكهرب لازم ترمي السياره كثير حصل معي مشاكل في الكهرب ولاترمي اكثر مايرمي الموتر من اسلاك البواجي اذا التمست او السيارات النظام القديم ام ديلكو عادي وبليتين وبويبينه


اعيد عليك افحص اسلاك السلف بنفسك اذا قير عايدي تكون جهه اليمين واذا تماتيك يسار لو انك حولي بتبوك كان افحصه لك بنفسي لانه واضح المشكله سببها تافه

لاقفلت جميع الحلول لابد من فك الديلكو وفحصه


مووووووووفق
ateeq7
09/04/2015, 07:42 AM
مبروك يا بوعبدالله و سنيارنا مسافر و توكل بالله
فالك البيرق و السيف
اصدق الواحد سعات تكون عندة سيارة متعلق فيها و يحبها مثل ما يحب صاحب الجمال جماله ولاكن تطلع له شغلة تنقص من راحته وبعد ما يفقد الامل يأتي الفرج من عند الله ولو شوي الواحد ولع في السيارة من الضيق بس الحمدلله ربك كبير
أبوعبدالله900
10/04/2015, 10:22 PM
أخوي الوسم واخوي أبوراكان واخويateeq7
أشكركم من كل قلبي والحمدلله على أنتهاء المشكلة
وفعلا السبب تافة ووالله كهرت السيارة في اخر الوقت حتى صرت اجلدها جلد بالصحراء وبالخط وصلت مرحلة قلت خله يخبط
والحمدلله ان الله ارشدني وحليت المشكله
وفي النهاية أشكركم من كل قلبي يااعضاء مكشات العريق
والسلام عليكم ورحمة الله وبركاتة