الفزعه الباترول جنني

[talal s]

السلام عليكم ورحمة الله
عندي باترول موديل 93
يارجال الباترول ماهو صافي غيرت الكبليتر على كلام ميكانيكي اثق فيه والموتر صافي وهو واقف لكن اذا مشى قومته ضعيفه بالحيل واذا دعست له يكتم شوي وبعدها يمشي طبيعي وبالصدفه نقص ماء الاديتر وارتفعت الحراره تحت النص بشوي ويصير عزمه أحسن بكثير منه وحرارته طبيعيه
رجعت للميكانيكي قال الكبليتر والديلكو تمام مشكلتك كهرب رحت لكهربائي قال مشكلتك وزن ديلكو
واحترت يارجال احيان امشي بعد ماشغل بنص ساعه والموتر يالله يمشي احسه بارد والحرارة على الخط الاول يعني طبيعية لكن المشكلة هذي بعد الكبليتر الجديد الياباني ابو كرتون احمر
افزعوا يارجال بالحل لاتخلوني

[طير الطنايا]

رجع كلبليتره اﻻول وجرب

[ابوصالح666]

شيك على البواجي واسلاك البواجي والبليتين يمكن يبي وزن

[حطاب الشمال]

اخوي طلال في شغله سوها وهي بسيطه يمكن يظبط
عنديك ليات الكلبيتر الصغار حقت الهواء اللي طالع واللي داخل
افصلها وسدكل واحد بمسمار يعني اكتم الكلبيتر
وامسك خط
اذا ظبط معناته يبيلك ترتبها كل واحد مكانه الصحيح
واذا ماظبط طلع الفلتر حق الهواء وجرب مره ثانيه
واذا ما ظبط ((( اعذرني وانا خوك)))
بس انا متأكد ان مشكلتك بسيطه
لاتنساني من الدعاء تكفا

[بو حجل]

اذا الحرارة ترتفع عندك والموتر يصير ثقيل لابد من وزن الديلكو بالمسدس

وتأكد من وزن بلوف المكينة وبعدها شيك على صفاي (فلتر) البنزين وفلتر الهواء والبواجي واسلاكها

وعلى طريقك شبك ليات الهواء للكلبليتر فية واحد فى المنتدى قد حط موضوع كامل لليات هواء الكلبليتر

وان شاءالله تزين اموررررك

[SGL]

السلام عليكم ورحمة الله
عندي باترول موديل 93
يارجال الباترول ماهو صافي غيرت الكبليتر على كلام ميكانيكي اثق فيه والموتر صافي وهو واقف لكن اذا مشى قومته ضعيفه بالحيل واذا دعست له يكتم شوي وبعدها يمشي طبيعي وبالصدفه نقص ماء الاديتر وارتفعت الحراره تحت النص بشوي ويصير عزمه أحسن بكثير منه وحرارته طبيعيه
رجعت للميكانيكي قال الكبليتر والديلكو تمام مشكلتك كهرب رحت لكهربائي قال مشكلتك وزن ديلكو
واحترت يارجال احيان امشي بعد ماشغل بنص ساعه والموتر يالله يمشي احسه بارد والحرارة على الخط الاول يعني طبيعية لكن المشكلة هذي بعد الكبليتر الجديد الياباني ابو كرتون احمر
افزعوا يارجال بالحل لاتخلوني

وعليكم السلام ورحمة الله وبركاته
الكربريتر هذا ماينفع نادر تلقى واحد ركبه وسلك معه ﻻكن إنت تأكد من وزن الهوا والليات مثل ماقالوا لك الرجال وتأكد من البليتين وإذا ماتغير شي أبيك تفك قربة الفلتر كامله وتروح تفك سخانة الكربريتر السوداء الدائريه وتفركها يمين عشان الشراقة أو اللهات حقته تنفك بعدين شد عليها أبيك تخلي هالشراقة مفتوحة معلقه وجرب موترك إذا ماتحسن رد كل شي مكانه مثل أول بنفس الميزانية

[talal s]

طير الطنابا-ابو صالح666-حطاب الشمال-بوحجل-sgl
الله يبض وجيهكم ويرحم والديكم واحد واحد ماقصرتوا يالنشامى
بسوي الاشياء اللي نصحتوا فيها وارد لكم ان شاء الله وش يصير

[AASEM]

الموتر زي اللي يدق دقه قويه اذا كان وانت تمشي زي اللي يدق فكانت عندي وكان الكويل عندي تجاري بدلته باصلي قيمته ١٣٠ ولا راحت المشكله خفت بدلت اسلاك البواجي ب ١٥٠ وضبط طبعا ما سويتها في ورشه اشتغلتها انا لانها سهله ولا تشتري التجراي مع الحراره يحمى

[AASEM]

انا كنت وانا امشي يكتم ويفتح

[stcsend]

اخوي طلال بدل البواجي الى بواجي راسين ويضبط معك ويزين عزمه مجرب وناجح

[talal s]

AASEM-stcsend
الله يبيض وجيهكم
AASEM انا كنت شاك بالكويل لأن اللي بالموتر كويل ددسن اصغر من كويل الجيب لكن بغيره ان شاء الله واعطيك النتيجة
لكن الغريب ان الكهربائي يقول مافيه فرق ابد بين الاثنين

[العطاوي a511]

مالومه يجننك قديم ويبيله صيانه كامله

93 وحنا الان على مشارف 2015

يعني 22 سنه

[talal s]

والله يالعطاوي لو اقدر على 2015 ماقعدت ارقع باللي له 22 سنه
لكن يالربع اللي عنده حل لايبخل علينا بنجرب كل الحلول بابو22 سنه

[الاشهب 507]

مالومه يجننك قديم ويبيله صيانه كامله

93 وحنا الان على مشارف 2015

يعني 22 سنه
يخوي اعذرني بس باقول راي
ذلحين انت كلامك صح شوي صغيره بس
وهو انه لزم صياينه كامله هذي صح
بس حبه حبه إلى يخرب تبدله
واذا بدلته يخدم معك اقل شيء 10 سنوات
معى الاستعمال الوسط إلى لاهو جور ولاهو ركاده مره
لكن تعال في 2015 وبدل فيه من متى وعن نعرف شيء
اسمه حساس الدبل يخرب ولا شيء اسمه الدبل يعلق مايفصل
ماسمعناها إلى في 2006 وفوق لكن تعال على موتر قديم
راعيه محافظ عليه تلقاه يجلس معه اكثر من 25 سنه
وباقي يطق سلفه من اول لمسه وتلقى كلن يبيه في المعارض
ويدورون له دواره والجديد في إلى يرغبونه ماننكر
لكن القديم كد ومد وجلد ويعيش وسعره معقول
مهو فيابر وكرتين بمبلغ اقدر ابني فيه بيت على او اشتري به
اقل شيء شقه محترمه فاي احسن موقع ابغاه
ومبغى اطول بس الحق ينقال وكل واحد له مميزات
وعيوب وما انكره لكن الضروف تحكم والستخدام
واهذي مجرد وجهة نضر واتمنا ان تتقبله بصدر رحب
الأشهب 507

[حطاب الشمال]

ياطلال ياليت تعلمن وش صار معك

علشان نستفيد وانا خوك

[اليامي قطر]

مالومه يجننك قديم ويبيله صيانه كامله

93 وحنا الان على مشارف 2015

يعني 22 سنه


كلام مفروغ منه وغير مقبول

ولا له اي فائده والقديم اللي تتكلم عنه صناعه بشر

يجدد ويصان ويعيش مع من يملكه ولايمكن يتعطل مادامت الحياه

شغاله وموجوده فالدنيا

[العطاوي a511]

كلام مفروغ منه وغير مقبول

ولا له اي فائده والقديم اللي تتكلم عنه صناعه بشر

يجدد ويصان ويعيش مع من يملكه ولايمكن يتعطل مادامت الحياه

شغاله وموجوده فالدنيا


كلن له اجل مافي دايم غير الله سيارات السبعينات ماتت ماعاد شفناها والثمانينات شبه ماتت قليله نشوفها

[AASEM]

علمنا بعد تغير الكويل ايش يصير والافضل تغيره بنفسك تراه سهل وانا اتوقع المويل او اسلاك البواجي واحد من اثنين

[talal s]

ابشر ياحطاب الشمال بعلمكم بكل شي بالتفصيل
AASEM الكويل شريته بكره بركبه وبجرب اسلاك البواجي وبكره ان شاء الله اعطيكم العلم كامل

[طير الطنايا]

على الجرح يا اﻻشهب 507
ﻻ وبعد تدق حرمه جديده
وتردد ياليل ما اطولك هههههههههه
مجرد مداعبه

[talal s]

السلام عليكم
غيرت الكويل والبواجي واسلاك البواجي ولله الحمد سلك الموتر
بيض الله وجيهكم

[حطاب الشمال]

ماشاء الله
الله يوفقك