وشذا البرد يا أخوان الي بالرياض؟؟!!

[صقر بني تميم]

برد يكسر الوجية ويخليها كحيلة وممشقة والله يا إن البرد صفقني في وجهي تصفيق:D

صرت ما عاد اشوف والله العظيم إن الجو في الرياض ما ينطاق يوم برد ويوم حر!!

أقصد دفاء وشكلي ابهاجر حتى تلاحظون إن فيه حزمة من السحب كانت جاية وبقوة علينا لكن

مع الرياح الشديدة تشتت ..


الى على طاري الامطار الخليج هالسنة وخاصة (( قطر_الإمارات)) جاهم حيا طيب الهم لاحسد

والى الآن والأمطار متواصلة عندهم وفي الشرقية أيضا وجاني إتصال الأثنين يقول إن إمارة

دبي عليها امطار قوية وإنهم بدأو بلبس الملابس الشتوية وهي اول مرة في تاريخ الإمارة

الهم إرزقنا بمنخفض جوي وامطار تسقي العباد والبهائم إنك على كل شيء قدير



شباب المنتدى تتوقعون إن البرد بيستمر الى متى وخاصة الرياح الشمالية؟؟!! وماهو سبب توقف

الأمطار فجاة بعد الله سبحانة وتعالى؟؟


ولماذا جنوب الرياض قليل الأمطار؟؟ هذا التفسير عجزت أحللة..

بإنتظار ردكم محبكم العضو الجديد صقر بني تمــيـم

OOOOOOOOOOOOOOOOOOOOOOOOOOOOOOOOOO

[فتى الدهناء]

سبحان الله


والله ياهو برررررررررررد

صقيع

على فكرة تساؤلاتك بالصميم

[ابوتركي$]

الحمد لله

الجو عندنا في جدة معتدل

وان جاء شويت هواء بارد قلنا برد قوي

وهو عندكم دفا

الله يعينكم عالبرد

[هواوي2006]

انا من اهل الطائف والصراحة اليوم برد لا يوصف وامس بعد لكن اليوم البرد وسم والله ...



لكن الله يجيب الأمطار علينا ويرزقنا من واسع فضله ... إنه سميع مجيب الدعاء.



اللهم اسقنا غيثاً مغيثاً هنيئاً مريئاً غدقاً مجللاً عاماً نافعاً غير ضارٍ عاجلاً غير آجل ... اللهم إسق عبادك وبهائمك و أنشر رحمتك و أحيي بلدك الميت اللهم اسقنا الغيث ولا تجعلنا من القانطين.



آمين يا حي يا قيوم يا بديع السماوات والأرض.

[ابوسعود99]

اللهم آمين .

[ابوعبدالمجيد]

بسم الله الرحمن الرحيم

الحمد لله على كل حال تزايد شدة البرد وكثافة في "الجهام" بحيث حجب الشمس تماما الى الآن الساعة 1.40مساء اللهم لنا نعوذ بك من "جهنم" هذا ما وجه به النبي المصطفى عليه السلام ان نتعوذ با الله من "جهنم" في حال شدة البرد " الزمهرير" وشدة الحر "السموم" لانهما نفسا "جهنم" في الدنيا والعياذ با الله منها اللهم اجرنا ووالدينا وكل مسلم من عذاب جهنم اللهم آمين اللهم آمين اللهم آمين وصلى الله على محمد وآله وصحبه

[صمان1]

عليكم بسمر المدينه علشان يدفيكم

[صمان1]

http://www.pme.gov.sa/aToday.asp 15

[جال القلايل]

الله يرزقكم الغيث والدفى ياهل نجد ، في الحقيقة جوكم غريب وعجيب !

بردكم يكسر العظم وحرّكم يصلخ الوجه ، وانا جربت الإثنين !!

عندنا في الدوحة الجو جميل جداً ، في النهار يناوش الـ 20 درجة ، وفالليل حده 12 أو 11 كحد أدنى ،،

وبخصوص الإمارات فقد من الله عليهم بالخير الكثير منذ ساعات الصباح الأولى ، ومازالت الأمطار للآن ، وقد سقطت الأمطار على المناطق الغربية عندهم وعلى العين بعد طول انتظار ،،

الله يغيثنا وياكم وجميع المسلمين ،،

[عريدان]

.الحمد لله على كل حال:rolleyes:

[ابوفهد5599]

البارح برد غير طبيعي يطلع حبوب الشباب 0 يوم الاثنين الموافق 20 0 11 01427 الضاهر ان المربعانيه كشرت عن انيابها 0 لكن تدفو وخصوصا الرجلين اعزكم الله0 :j

[ابوفهد5599]

يا الصلف تراك تتكلم عن الدوحه مو عن جنيف 0:confused:

[عريدان]

اللهم طهرنا ونجنا من الحسد والجحد. الحسد معروف أما الجحد فهو جحد الزكاة. وأكثرو من الاستغفار بنية صادقه والتوبة إلى الله من جميع الذنوب والمعاصي. وانا ناصح لنفسي قبل أن أنصحكم

[خيال الغلبا]

والله ياهو برد .........................

[تنوم]

يقولون الاولين السنة الدافيه جافيه وهذي اسمها نسسسسسريه

[الكونترولCONTROL]

درجات الحرارة أمس و اليوم في الرياض كانت عجيبة جدا و متناقضة ... فسبحان الخالق الحكيم ..!!
الفجر 16 درجة
الظهر 14 درجة
المغرب 15 درجة
الساعة 10 ليلا 10 درجات
اليوم الفجر 13 درجة
===============
و في كل شيء له آية ****** تدل على أنه واحد
=========================================

[الحسكولي]

الشتاء وجه ذيب ماتدري متى يلتفت عليك

[قلب الداهيه]

اي بالله والله البرد الله يعين ويحمانا ان شاء الله

از از ازا ز از از از از از از از از والله البرد اللي على طول بالعظام

تدفوا زين ودفوا عيالكم وأهم شيء الآذان والرجلين الله يكرمكم

[عالي الشان]

يازين البرد والله
كل شي ولا هذاك الحر اللي يصلخ الجسم

[فدغم]

يازين البرد والله
كل شي ولا هذاك الحر اللي يصلخ الجسم

وانت الصادق اخوي البرد ولا حر

[غالي]

هذي المربعانيه طال عمركم
واتوقع والله اعلم ان هالسنه بيطول البرد فيها مهيب مثل كل سنه يجي اسبوع او اسبوعين ويروح
الله يعين بس ويستر

والله الله لا اوصيكم الي عنده صغار او كبار السن
تراكم مسئولين عنهم في اللبس والدفا ........... وترا الجلطات ماتكثر الا بالشتاء اسأل الله الصحه والعافية
والله الله بالانتباه يااخوان من النوم عند الفحم او السمر
لا قدر الله ينكتم النائم او تطير جمره وتشعل الغرفه ......... الله يستر
وحتى الدفايات تراها خطره لاتستهينون فيها
ياانها تحرق الفرش او يحتر سلك الكهرباء ويميع ......... خصوصا الي مهيب اصليه
ويمدحون دفاية الزيت
لكن انا شخصيا والله ماجربتها .............
ـــــــــــــــــــــــــ
سامحوني على الكلام الكثير بس ....... نصيحه لوجه الله وانتم اخواني واهلكم اهلي
والله يسعدنا بالخير والامطار والرزق الفضيل من عنده سبحانه ........ في امان الله

[أقلط]

الحمدلله على فضله وأحسانه

اي والله البرد ولا الحر خصوصا في المناطق الصحراوية..

الله يلطف بالمسلمين

[رفيق الطير]

الله يعين على ذا البرد بس ازين من الحر

[اخونوره]

افا والله صفقك البرد ؟؟؟؟؟
هههههههههه الله يرجك بس
على العموم الله يحييه (البرد) في اي وقت ،على الاقل البرد له حل اما شبة سمر ولا فروه واذا ما حصل لك
لا شبة سمر ولا فروه فترى الدفايه تزبن ، لكن اذا جاك الصيف وش بتسوي حر يشوي العصافير يادافع البلا
عسى الله يمن علينا بفضله

الا على طاري البرد ما فيه شي يطلع درجة الحراره يركب في السياره ؟؟؟؟

[××العايذي××]

عليك بالزنجبيل تراه يمشي الحال اشربلك بريق ال بريقين وان شاء الله يتيسر امرك

[صقر بني تميم]

شكرا للجميع على المرور واليوم الحمدالله دفينا مو زي البارح الله يا كافي

تصدقون لو فصلنا سلك الفريزير حق اللحم ما خاس!! :p الأخوان بالخليج قطر والإمارات

جوكم روعة لكن لاتقولون لأحد:no2: خخخخخخخخخخخ :D ترانا حسدان شوي

والحقيقة إن جوي هو جو الخليج المعتدل والله يبعد البرد عنا ماوراه الى المرض...

الله يرزقنا يارب


آخر سؤال/ لماذا جنوب الرياض قليل الأمطار؟؟ هذا التفسير عجزت أحللة..

[عاشق البيئة]

الحبيب صقر
سؤالك هذا يشبه سؤال: ليه هذا غني وليه هذا فقير
على قولة البنغالي : سيم سيم :)
يا أخي هبة من رب العالمين
نسأل الله أن يعمر بلاد المسلمين بالغيث النافع

[عاشق الضلعان]

تعال عندنا بحايل

أضمن لك إنك راح تقول جوكم دفا وإلا حر

[wazan]

المشكلة البرد يضر الماشية والمزروعات عندنا بالزلفي 280 كم ش الرياض ماتت الأغنام وخاصة الصغير والضعيف منها وما زال البرد بأوله أما الأمطار فهي عامة والحمدلله على الخليج كله وهذا فضل من الله .