مشكله تهريب زيت على الاقمشه الخلفيه

[hilux2]

السلام عليكم ورحمه الله وبركاته

عندي مشكله تهريب زيت على الاقمشه الخلفيه والفرمله احيان تزحلق ماتمسك زين
مع العلم ان علبة الفرمله ماتنقص مادري التهريب من وين

السياره هايلوكس 2002

[الحربي 591]

اخوي شيك على الكليبر

[برادو2007]

اعتقد ليات زيت الفرامل بجانب الاقمشة

[MSAN]

احتمال التهريب من سلندر القماشات

بالتوفيق

[رفيع المقام]

مثل ما قالو الاخوان ..
كذلك ممكن يكون تهريب من زيت الدفرنس ، وسببه اهتراء صوفة العكس .
ويمكنك التفريق بين زيت الدفرنس وزيت الفرامل ...

[1824]

اذا العلبة ما تنقص احتمال شديد انه من الدفرنس شيك على صوفة العكس الخلفية وريحة زيت الدفرنس تجيك قوية اذا حاولت تشمها بالتوفيق لك

[hilux2]

مشكورين جميعا وجزاكم الله خير
بالنسبة لزيت الدفرنس قبل ساعه ونصف فحصت الزيت وطلع تمام

بالنسبة لسلندر القماش هذا وين لان التهريب يجي من اتوقع اصلاح الفرمله (من حوالين الجلد اللي تغطي الحديدة اللي على شكل اسطوانهتجي جلدتين وحدة يمين ووحدة يسار)

[MSAN]

(من حوالين الجلد اللي تغطي الحديدة اللي على شكل اسطوانه تجي جلدتين وحدة يمين ووحدة يسار)
هذا سلندر (اسطوانة) القماشات

[م س س]

اذا كان يوجد تهريب بزيت الفرامل ستلاحظ ان دعسة الفرامل تهبط اكثر عند الضغط عليها وبما ان زيت الدفرنس عايرته ولم يكن ناقص قد تكون بداية تهريب زيت الدفرنس ولا يبين معك النقص الا اذا اهملت اصلاح الخلل قد تكون صوفة العكس تسرب زيت من الدفرنس ومع المشي والفرملة انتشر على كامل الأقمشة وتاكد من رمان العكس وعامود العكس اذا فيه فضاوة لن تستفيد من تغيير الصوفة فقط اذا كانت الصوفة خربانة ..... سلندر الفرامل تجده فوق العكس اسطواني عليه جلدتين من اليمين واليسار .