افضل المحلات في الرياض

[ابومعاذ86]

السلام عليكم ورحمه الله وبركاته

اخواني افضل محلات لوازم الرحلات بالرياض وين موقعها وشكراً

[ابو-محمد]

وعليكم السلام ورحمة الله وبركاته

طبعاً أكبر شي السنيدي

موقعه بين مخرج 12 ومخرج 13 باتجاه الجنوب

وفيه برق الحيا على شارع انكاس بين طريق الملك عبدالله وطريق الإمام

وفيه محل لهم ثاني بمخرج 15 باتجاه الشرق يجي على يدك اليسار

ويجي كم محل على يدك اليمين بس ما اذكر اساميهن

وفيه محل البريه موقعه بعد مخرج 14 وانيت ماسك الخدمه باتجاه الشمال تروح يمين مع أول شارع سايدين

وتمشي باتجاه الشرق ومع اول اشاره تديور ويجيك في ثاني أو ثالث عماره على نفس الشارع

[خالد الخطير]

كلمة افضل محل مافيه !!

لكن افضل بضاعه معينه في محل معين اتفق معك !!

كل محل تلاقي فيه شي مميز عن غيره !!

انت اعطنا ايش الاشياء الي تبيها بالظبط

وحنا نساعدك بالتوجه للبضاعه الجيده في المكان الجيد

مثال /

خيام للمبيت - (القاضي و برق الحيا)

رواق - (البرية)

سكاكين - (السبالة)

وهكذا بالتوالي

انت حدد الاشياء الي تبيها بالظبط وحنا نوجهك للمكان المناسب بالسعر المناسب

هذا والله اعلم

[ابومعاذ86]

الله يجزاكم

والله انا ادور موقد بريموس

قلت يمكن القاه بالرياض بحكم تواجدي اليوم

[راعي الطلعات]

وعليكم السلام والرحمة

افظل محلات بكل امانه وبأختصار ولا تقصير بالمحلات الاخرى هم السنيدي و الرماية الي في الرياض طبعاً وجزاهم الله خير منزلين جميع منتجاتهم في تطبيق الانستقرام شوف الي انت تحتاجه ورح لهم ويختصرون عليك عنا البحث وهذا من تجربتي وبالتوفيق.

[خالد الخطير]

الله يجزاكم

والله انا ادور موقد بريموس

قلت يمكن القاه بالرياض بحكم تواجدي اليوم

لا بريموس السويدي و لا الصيني

انت تتكلم عن شي مقطوع من السوق !!

موقد البريموس تلاقي عروضه بمكشات قسم البيع والشراء او تشتري او توصي احد يشتري لك من مواقع اجنبيه .

و الاسعار للمواقد السويديه غاليه

وفيه البديل التكسبورت ووكيله بيتي والرحله بـ 260 ريال وهو صيني يمشي الحال ولكن لا يرتقي للسويدي

[قلب الداهية]

محل الكشاته مافي افضل منه مخرج 15باتجاه الشرق قبل اشارة المقبره على يمين