مشكله دخان فتك 2002

[سفاري 95]

سلام عليكم ورحمه الله وبركاته

غيرت زيت وسيفون للسياره والزيت هو بترومين الترا سفن 20-50 من بعد ماغيرت الزيت طلع لي دخان ازرق واذا دعست للموتر وهو واقف يطلع دخان ازرق بعدين ابيض واشم ريحه بنزين مع الدخان .رجعت للبنشري وقاس الزيت يقول مزبوط المهم اني مريت علي ميكانيكي فاهم وقال الزيت عندك زايد لازم تنقصه مع العلم اني عبيت 7 علب ونص المهم اني نقصت الزيت لين صار العيار على الشرطه اللي تحت حرف H وبعد هذا كله لسا نفس الدخان يطلع بس اهون من اول
ما ادري وش العله مع العلم اني مامشيت كثير بعد ماغيرت الزيت
اللي عنده خبر او مرت عليه هالمشكله يعلمني ولاهنتم

[راعي البرهـ]

والله اعلم ان الزيت ماله دخل بالدخنه الااذا انه انسكب على القزوز

[فتك08]

قياس زيت الفتك6.8لتر مع السيفون
و 6.5لتر بدون السيفون
و اللي حط لك سبع علب و نصف مايعرف الفتك من الستاندر يحسب كل الباترولات سوا
دام موترك مافيه دخان من اول فمابه خلاف
شيك على عيار الزيت بعد وقوف10دقايق اذا تمام و باقي دخان
لو تشوف بلف تبخير الزيت تنظفه
و تاكد لاتكون معبي بنزين مغشوش بديزل او سائل بترولي اخر
او مثل ماقال اخونا لايكون زيت منسكب على القزوز

[سفاري 95]

يعطيكم العافيه جميع
انا من سنتين تقريبا اعبي ٧ علب بدون سيفون و٧ونص مع السيفون ومافي اي مشاكل ماعدا المره هذه فقط

معليش اخوي فتك 08
وشهو بلف تبخير الزين ووين موقعه لاهنت

[فتك08]

يعطيكم العافيه جميع
انا من سنتين تقريبا اعبي 7 علب بدون سيفون و7ونص مع السيفون ومافي اي مشاكل ماعدا المره هذه فقط

معليش اخوي فتك 08
وشهو بلف تبخير الزين ووين موقعه لاهنت

فك غطا المكينة البلاستيك و وجهك للمكينة على الجهة اليسرى بتحصل
لي اسود راكب بغطاء راس المكينة مشدود بقفيز..ارخ القفيز و اسحب
اللي و بيبين لك البلف و اسحبه للخارج و نظفه و رجعه و اذا هو خربان
و فاتح على طول غيره و سعره70ريال تقريبا

[سفاري 95]

الله يعطيك العافيه اخوي

اليوم ان شاء الله اشيك عليه واعطيكم خبر

[عاشق الغضا]

عندك بلف التبخير فاتح اغسله ببنزين او غيره

[سفاري 95]

الله لايهينكم
انا رحت للميكانيكي وشرحت له الوضع وقال عندك البلوف . مع اني قلت له شيك على بلف التبخير بس ماعرفه وقال لا مو من بلف التبخير وانا للحين ماني مقتنع بكلامه
وللاسف اني ماعرفت مكان البلف بالزبط لانه فيه اثنين ليات خارجه من جنب المكينه ولاني عارف اي واحد بالزبط

[ابوسند9]

وعليكم السلام
سبع علب واجد بالحيل
والقياس الصحيح كما ذكر اخونا فتك 08
اما بلف التبخير استبدله افضل ومكانه ,, يسار غطاء زيت المكينه بالجنب طالع منه لي اسود وشابك بالثلاجه
وتاكد لاتكون معبئ من محطة بنزين مغشوش البنزين فيها وحصلت كثير ها المشكله وهنا يدخل البنزين على المكينه وتحصل العيار زائد
وانت لا تستعجل اصبر احينا مع الوقت تختفي المشكله

[سفاري 95]

لاهنت اخوي ابو سند
انا ان شاء الله راح اغير بلف التبخير وانتضر عليه شويات وان شاء الله يصلح
وراح اعلمكم بأذن الله بالحاصل

[710]

انا صارت معي نفس المشكله قبل اسبوع وانا استخدم زيت الترا سفن


ونصحني ميكانيكي قال غير نوع الزيت وجرب

غيرت نوعية الزيت وخفت المشكلة كثير

بس باقي البلف راح اغيره واشوف

[سفاري 95]

لاهنت اخوي 710 وش نوعيه الزيت اللي غيرته وكم عياره

[710]

نوع الزيت الي غيرته سوبر جي تي ٢٠-٥٠

طبعا لاتنسى تغير السيفون

[العطاوي a511]

الزيت اللي انت حاطه ثقيل ويضر المكينه

خذ العلم الاكيد زيت مكينه الفتك 5-30 هاذا اللي مسجل بالكتالوج عدد العلب 6 ونص بدون سيفون بالسيفون 7 الا شوي ودايم خل العيار بينك وبين اهل تغيير الزيت لانهم يقولون 7 ونص ولو تسحب العيار تلقاه اكثر من الازم ممشى الزيت العادي معروف 4 الى 5 الاف كيلو لاكن عندك زيت مثل موبيل 0-40 يمشي 15 الف وهو افضل للمحركات الجديده وفيه شركات اخرى توفر نفس النوعيه لزوجه عاليه لاكن غالي بالحيل

واذا جيت تعاير زيت الفتك عايره وهو بارد اقل شي ساعه ثم عاير يبين العيار مضبوط

والخطا الشايع الان كل واحد يفتي يقول افضل زيت الشركه الفلانيه مع احترامي لك كل زيت له لزوجه ومناسب لمحركات معينه وقد لايطابق محرك سيارتي اشتري الزيت لسيارتي عشانك مدحته ؟؟؟؟؟؟؟؟؟؟

الافضل اللزوجه المناسبه لمحركك وكل الشركات اراها مناسبه اهم شي التطابق مع المحرك

[ابوسند9]

اخوي العطاوي
انا من عرفت نفسي ما اغير اللى التر سفن اللي يجي علبه بلاستيك لونه فضي او رصاصي وكل زملائي نفس الشي,, واذا كنت راحم المكينه اغيره على 9000 كيلو واحينا اوصل فيه 12000 الف كيلو والسياره ما شاء الله قربت تكمل نص مليون كيلو وزي الحلوه وتراني كاتل السياره كتل ولا ارحمها ,,
اللى اذا التر سفن اتغير في الاوان الاخيره هذا شي ثاني
وما ذكرته اعلاه يذمتي يوم الحساب

[سفاري 95]

سلام عليكم ورحمه الله

اول شي الف شكر لكل من رد على مشكلتي والصراحه منكم نستفيد

انا غيرت بلف التبخير اصلي وقيمته 75 ريال وغيرت الزيت (احتياطا)بدون سيفون سبع علب الا ربع زيت الترا سفن والحمد لله للحين الدخان راح وريحه الكربون اختفت ورجعت الريحه الطبيعيه للمكينه

من جديد الف شكر لكم ولاعدمناكم ان شاء الله

[فتك08]

سلام عليكم ورحمه الله

اول شي الف شكر لكل من رد على مشكلتي والصراحه منكم نستفيد

انا غيرت بلف التبخير اصلي وقيمته 75 ريال وغيرت الزيت (احتياطا)بدون سيفون سبع علب الا ربع زيت الترا سفن والحمد لله للحين الدخان راح وريحه الكربون اختفت ورجعت الريحه الطبيعيه للمكينه

من جديد الف شكر لكم ولاعدمناكم ان شاء الله

وعليكم السلام و رحمة الله و بركاته
الله يبشرك بالخير و الحمدلله 75ريال فكتك من هاللي مايفهم و لايخاف ربه و يتعلم
على سيارات المسلمين والا نيته بفك الراس
مشكلتك كانت بالبلف او الزيت مغشوش

[الكاسر1434]

الله يوفقكم ويصلح لكم النيه والذريه