عطني رايك لو سمحت

[ahmedok]

السلام عليكم ورحمة الله وبركاتة
ارغب في خيمة سهلة النصب والفك وصغيرة الحجم عند التصفيط وشفت خيمة التنهات بس ماعرف عنها شي هل تنصحون فيها او اي خيمة تنصحوني فيها ولكم الشكر

[خالد الخطير]

موضوع الخيام معقد لوجود تنوع واختلاف

لكن لكل خيمه عيوب ومميزات

ولعل الاخوان يفيدونك بهالموضوع

مع اني تمنيت يكون فيه موضوع شامل للخيام وانواعها ومميزاتها بحيث يكون مرجع للجميع

[جلعاد]

يعتمد على عدد المتسخدمين للخيمة
اتفق اغلب الكشاته ان اسهل خيمة للبناء والتسفيط هي خيمة البيرق من القاضي
تجي ثلاث احجام
3*3 و 4*4 و 5*5

[ahmedok]

شكراً علىى الرد السريع والجميل الاعدد انا واثنين من عيالي صغار
خيمة القاضي اسعارها غالية على ماشوف في المنتدى ولا رحت لمحلهم بس خيمة التنهات شفتها منصوبة بس مادري عن حجمها بعد التصفيط ومدى قوتها

[جلعاد]

شف وانا اخوك كانك بتطلع بها طرف نهار ومنت بايت بالبر ترى فيه حلول ارخص واوذف
تقدر مثلاً تاخذ مضله وفيه منها انواع شف القاضي عندهم واحده وشفت عند السنيدي واحده تحطها مع رواق وتقضي اللزوووم

وتقدر تاخذ معها خيمة المبيت كبيره اللي تجي 3*2 عشان لو جاكم هواء والا بغا ينام احد من الصغيرين ينام بها ....

وانت ابخص بحاجتك ياخوي احمد

[ahmedok]

شف وانا اخوك كانك بتطلع بها طرف نهار ومنت بايت بالبر ترى فيه حلول ارخص واوذف
تقدر مثلاً تاخذ مضله وفيه منها انواع شف القاضي عندهم واحده وشفت عند السنيدي واحده تحطها مع رواق وتقضي اللزوووم

وتقدر تاخذ معها خيمة المبيت كبيره اللي تجي 3*2 عشان لو جاكم هواء والا بغا ينام احد من الصغيرين ينام بها ....

وانت ابخص بحاجتك ياخوي احمد
جزاك الله خير اخوي العزيز عندي رواق وعندي مظلة ومظلة مشبوكة بالسيارة بس زي ماقلت ابي خيمة للصغار عن الهواء

[ذيب القفار]

السلام عليكم أخي العزيز
إذا ترغب في خيام صغيرة و تقضي حاجتك مر محل السنيدي و عندهم تشكيلات بحول ٥٠٠ريال على خبري تقضي اللزوم و مر على محل القاضي و بتلقى عندهم تشكيله مختلفة أيضاً
الله ييسر لك أمرك و تلقى مبتغاك