المساعد الشخصي الرقمي

مشاهدة النسخة كاملة : اهداء الى اخوي Hamad18 .. عز وشموخ


قنيص الفكر
13/11/2014, 02:38 PM
يا الحر يلي تكفخ المجد تكفيخ
كم خرب لا شافك يكوبر او يدوخ

تقنص من علوم المراجل تواريخ
وتنال م العربان تقدير مطنوخ

طبعك حشيم وذرب وافي تقل شيخ
متواضع ونفسك سمت عز وشموخ

يا منوخ الطولات بالفكر تنويخ
والراي عندك صلب ما هوب مشروخ

عطني من شباك التفاكير لو ليخ
اركب به السنبوك في عزوة شيوخ

ع ــزام
Hamad18
13/11/2014, 09:35 PM
القافيه سهــله ولو هـــي مســـابيـــخ
زرعت فيها اللوز والتين والخـــوخ
لاتمتـــحني مـــدح وتعـــــلق السيخ
كم حاولو قبلـــك قرانـــيس وفروخ
لاتركـــض اْركابك بدان ومرابيــخ
اللي شحمها فوق والبطن منــــفوخ
اْحذر تصيدك في الشمال الكواويخ
تعــال من فوق الطواريح صاروخ
الحر مثلك فوق ياصاحبي شــــيخ
ولا الردي ومخوته طز صـلـبوخ
قنيص الفكر
14/11/2014, 01:48 PM
المدح ماهو طلب حاجه من الشيخ
نبغي نقزرها سوالف يا مطنوخ

الشعر دايم يطرب الكيف ويشيخ
لأن المشاعر عز يا قرم وشموخ

من قال مرسله قصيدي كتفخيخ
عليه من الأعذار مقدار باذوخ

معزته مثل الجبال الشواميخ
اقدره تقدير سلطان وشيوخ

ودام الأصيل يعرف معنى التوابيخ
قله ترى صاحبك ماهوب منسوخ

والشهم من دنياه ما حتاج له جيخ
لو قص يده ما طلب قطعة الجوخ
Hamad18
14/11/2014, 07:56 PM
صح لسانك يامبدع
قوافي ( أم نهار )
15/11/2014, 07:01 PM
السلام عليكم ورحمة الله وبركاته

ماشاء الله

صح لسانك بل السنتكم جميعاً

امتعتمونا بجمال حروفكم وما خطت ايديكم

حفظكم الله

تحياتي وتقديري واحترامي