أصيل حجازي فزعتك مشكله مالقيت لها حل ولايهونون الأعضاء

[Osama.4]

السلام عليكم،،.
مشكلتي في يوكون 2005 بدون دبل وسبق أن نزلت موضوع عنها وماقصروا الأخوان لكن مالقيت جواب واضح وصريح ،،،

عندي يوكون 2005 ماشي 255 ألف طلع عندي صوت طقطقه متواصله بالمكينه بدون مقدمات ورحت أكثر من ورشه وكل واحد يقول لي كلام ،،،
إللي يقول توظيب وإللي يقول تكايات وإللي يقول طرمبة زيت وإللي يقول غير زيت القير مع الفلتر لأن لي مده ماغيرته ،،.
المهم إن ضغط الزيت عندي ع النص وأنا واقف لكن اليوم رحت سويت غسيل مكينه وغيرت زيت وفلتر مع إن الزيت الأول باقي جديد والزيت أغير من أول 10-30 وزيت الغسيل طلع نظيييف ،،،
بعدما غيرت الزيت خليت السياره شغاله وهي واقفه وبعد مده لاحظت عداد الزيت تحت النص بشرطتين وأحس في السياره تفتفه خفيفه مع تذبذب إضاءة السياره مع التفتفه ،،،
والطقطقه مستمره وواضحه وتزيد مع الدعس وماتروح أبد ،،.

أرجو مساعدتي لأن المشكله هذي مسببه لي قلق وأزمه ،،.

جعلكم ووالديكم في الجنه قولوا آمين ،.

[الحربي 591]

وعليكم السلام ورحمة الله وبركاته

بالنسبه للصوت هو صوت التكايات الزيت مايوصل لها زين
والمشكله ما تبعد عن الطرمبه او زيت السياره ويمكن المواصير مسدوده
غير الزيت باللي مسجل في الغطا حق الزيت..
و نظف الطرمبه وكارتير الزيت بأسرع وقت ولا بتخرب عليك لانك غسلت المكينه وتجمع الوسخ فيها
و التفتفه اذا ما اثرت على العزم غير البواجي وشيك على الكويلات اذا فيها شراره الكويلات يعني ممتازه

.....

[ابوعبدالله172]

المشكله مثل كلام اخي الحربي نقص ظغط الزيت لاعلى المكينه اذكر ان الصدر فيه صوفه وكثير ماتجي المشكله منها

[يالبى الهلا]

مشكلتك زادت بعد غسيل الماكينة اكبر غلط غسيل المكينة مثل غسيل الأموال جريمة لاتتغتفر بحق المكينة اعميتها واللي يغسل المكينة يودعها راحت علية لاتقول ضبطت مع ناس غسلوا المكاين وماصارشئ لهم لابد من وجود عيوب في المستقبل لان المكاين حسب شبابها بعضها تمشئ وبعضها يتوقف
فالأفضل تغيير الزيت بلزوجة عالية وزيت عالي الجودة للتعويض اللزوجة بعد غسيل المكينة والزيت الأفضل زيت موبيل ون زيت كامل المواصفات والمقاييس المطلوبة

[Osama.4]

أخوي الحربي أنا من يوم طلع الصوت وأنا موقف السياره حتى أشوف لها حل عندي سياره ثانيه ،،،
وإن شاء الله بأقرب وقت بفك الكارتير وأنظف الصفايه والمواصير ،،

أخوي أبو عبدالله أنا من أول كنت شاك في طرمبة الزيت إنها ماتوصل زيت كافي للمكينه لكن ضغط الزيت عندي طبيعي وإذا فكيتها تتغير وجيه الكرتير تقصد أغير وجيه الصدر معاها ؟؟؟

أخوي يالبى الهلا أنا ماغسلت المكينه إلا يوم قريت إن ناس عندهم نفس مشكلتي وغسلوها وأنحلت المشكله عندهم والزيت إللي أستخدمه من زمان هو كاسترول 10w-30 ،،.

وشكرا لكم على مروركم أخواني لا حرمكم الله الأجر ،،.
وأي نصائح أنا في حاجتها ،،،
بالتوفيق يارب،،.

[يالبى الهلا]

http://www.mekshat.com/vb/showthread.php?t=660167
الحل تغيير الزيت الي موبيل ون افضل زيت موجود اذ بقي الصوت اللة يعينك
الزيت اللي تسخدمة مايصلح لابد من وجود لزوجة عالية وأفضل طريقة تغيير الزيت لبترومين أ1 التخليقي ابو عشرة لاف كيلوا

[Osama.4]

شكرا لك أخوي يالبى الهلا،،،
لكن المشكله إللي عندي إن الصوت مايختفي أبد، يكون موجود والسياره بارده أو ساخنه يعني مستمر ،،.
بالتوفيق،.

[saad222]

انا صاحب ورشه يا اخواني وسجلت في المنتدا ابي استفيد منكم وفيدكم لاني اصادف اعطال عجيبه وغريبه وحصل حلها تافه والورش الي حولي يخذون في اصلاح هالاعطال اكثر من قيمة التوضيب المهم ........جاني بالورشه جمس يوكن xl فيه صوت طقطه بالمكينه وضغط الزيت الربع سالته وش نوع الزيت الي تغيره 10w30 ولي 20w50 قال مدري ونت وش تقول عرفت انه صاحب طاره علي طول قلتله طرمبة الزيت غيرناله الطرمبه والبلف حسب رقم الشاص اخذتها من قطع غيار متعامل معه ونضفنا الكارتير والشخار وغيرنا الوجيه وطبقناها بعنايه فائقة الدقه وشغلنا السياره ونفس الشي ضغط الزيت الربع والطقطقه موجوده اتصلت بصاحب السياره وقلتله السالفه رد علي ياذيبان سيارتك سو الي تبي انا الحين ابحث عن المشكل وراح اوافيكم باذن الله بالمشكله والحل

[saad222]

ياشباب رحت للورشه ومسكت انشط عامل عندي قلت فك حساس الزيت يجي تحت الثلاجه جهت القير وتاكدت ان الطرمبه تضغط فكيت الثلاجه وغطيان المكينه وحصلت واحد من البلوف ماخذ وضع الراحه وقفت الشغل فيه وبرجعله الليله اكمل والاكيد ان العطل التكايات

[الحربي 591]

انا صاحب ورشه يا اخواني وسجلت في المنتدا ابي استفيد منكم وفيدكم لاني اصادف اعطال عجيبه وغريبه وحصل حلها تافه والورش الي حولي يخذون في اصلاح هالاعطال اكثر من قيمة التوضيب المهم ........جاني بالورشه جمس يوكن xl فيه صوت طقطه بالمكينه وضغط الزيت الربع سالته وش نوع الزيت الي تغيره 10w30 ولي 20w50 قال مدري ونت وش تقول عرفت انه صاحب طاره علي طول قلتله طرمبة الزيت غيرناله الطرمبه والبلف حسب رقم الشاص اخذتها من قطع غيار متعامل معه ونضفنا الكارتير والشخار وغيرنا الوجيه وطبقناها بعنايه فائقة الدقه وشغلنا السياره ونفس الشي ضغط الزيت الربع والطقطقه موجوده اتصلت بصاحب السياره وقلتله السالفه رد علي ياذيبان سيارتك سو الي تبي انا الحين ابحث عن المشكل وراح اوافيكم باذن الله بالمشكله والحل

حياك الله نورت المنتدى
اررررررحب
؟................
غير الزيت وحط نفس المسجل على الغطاء
وغير حساس الزيت وتنتهي ان شاء الله

[saad222]

مساء الخير
والله يبقيك اخوي الحربي
المشكله اتضحت معنا بعد عناء وحده من التكيات قافله
ونفسي اعرف كيف انزل الصوره

[Osama.4]

التكايات تتصلح وإلا لازم تتبدل لأن سعرها غالي ،،.

[saad222]

انا كلمك قطع غيار متعامل معه وقالي نبيع حبيتين سوا او اربع سوا الثنتين 160

[الوسم]

انا كلمك قطع غيار متعامل معه وقالي نبيع حبيتين سوا او اربع سوا الثنتين 160

يا سعد ليتك تكفى توضح بالصور وتصدق ان اللي معهم امريكي كلهم تقريبا عندهم نفس المشكلة
اتعب شوي علشان ربعك وصور العلله وطريقة الإصلاح مشكورا
والرسول يقول .. أنفعهم للناس ..
وانت إن شاء الله منهم

[saad222]

ابشر من اعيوني بس كيف انزل الصوره وبكره اوافيك بالقطع المطلوبه واسعار القطع والنتيجه النهائيه بعد التركيب
دعواتكم ياشباب

[Osama.4]

سعد متأكد إن الحبتين ب ١٦٠ ؟؟؟
١٦٠ وإلا قصدك ١٦٠٠ ؟؟
أنا رحت الوكاله قال لي الثمان حبات ب ١٦٠٠٠ ريال يعني الحبتين تطلع ب ٤٠٠٠ ريال

بارك الله فيك ياسعد وجعله الله في ميزان حسناتك ،.

للعلم اليوكون تبعي ٢٠٠٥ سعودي ،.

[ابوراكان تبوك]

سعد متأكد إن الحبتين ب 160 ؟؟؟
160 وإلا قصدك 1600 ؟؟
أنا رحت الوكاله قال لي الثمان حبات ب 16000 ريال يعني الحبتين تطلع ب 4000 ريال

بارك الله فيك ياسعد وجعله الله في ميزان حسناتك ،.

للعلم اليوكون تبعي 2005 سعودي ،.

تأكد يا رجل شكله مضيع اللي معطيك السعر 16000 اكثر من قيمة القطع الاصليه لمكينة تويوتا وهو بالاساس اغلى من الامريكي

[Osama.4]

صح كلامك يا أبو راكان ،،،
شكل الرجال مايدري وين الله حاطه،،،
لأني اليوم رحت محل قطع غيار وسألته قال لي تجي طقم ١٦ حبه ب ٢٠٠٠ ريال الأصلي وكاله،،.

[الحربي 591]

التكايات شريتها طقم من التوكيلات 2700 اخر حبه
و الجميح لقيت سعرها 2800 او اكثر بالطلب
...............
وغيرتها 2000
.........................

[الوسم]

متى ما حصل لك وانت راعي المعروف

[mhstr]

للمعلوميه البنزين اذا كان بالكتيب 91 وانت تعبيه 95 رايح يسبب لك صقطقه بسبب تأٌخير الاحتراق في البساتم


http://www.youtube.com/watch?v=4oqcNsOA9PQ&feature=youtube_gdata_player

[saad222]

ياشباب شريتها وعندي بالورشه

[saad222]

رجعت للفاتوره سعر الحبه 160 ولاتباع الي عدد زوجي يعني 2-4-6

[saad222]

ابشركم تم تركيب جميع القطع وشغلنا الموتر وضعه ميه الميه وعال العال
ماشاء الله مافيه شي
قيمة قطع الغيار 1910 بالضبط

[يالبى الهلا]

اللة يعوضك خيرااا
كم التكلفة الاجمالية من قطع وشغل يد

[saad222]

انا صاحب الورشه وليس السياره
اجمالي التكلفه 3800 شامل سير المكيف والشداد
اشكر كل من تفاعل معي وقویهم يعطيكم العافيه

[يالبى الهلا]

كل هذا من استخدام بنزين اكتان اقل او عالي الاوكتان لابد من استخدام البنزين الموصي بة الصانع لان. يسسب صرقعة بالمكينة فتقفل البلوف لان الحرق يتم قبل اشتعال او شرارة البوجي فيحدث صرقعة بالمكينة فتقفل البلوف. ويحدث الصوت

[saad222]

ماله دخل البنزين من نوع الزيت يابعدي

[يالبى الهلا]

انا صاحب الورشه وليس السياره
اجمالي التكلفه 3800 شامل سير المكيف والشداد
اشكر كل من تفاعل معي وقويهم يعطيكم العافيه

الله يعوض صاحب الحلال ويبعدة عن الحرام فعلا التكلفة الاجمالية مرتفعة جدااااا.

[يالبى الهلا]

ماله دخل البنزين من نوع الزيت يابعدي

الزيت مالة دخل لو تحط زيت عافية سلك الموتر

[م س س]

على وصفك لأمبير الطرمبة يعتبر ممتاز اذا السيارة واقفة والامبير نازل شرطتين صغيرة عن أول يعني ضغط الطرمبة تمام لكن مثل ما قال الحربي فك الكارتير ونظفه والشخال تاكد لايكون به سدد لكن ان استمر صوت التكيات بعد تنظيف الكارتير والشخال فهذه مشكلة في التكايات قد حل عليها الضرر وتأكد من فلتر زيت المكينة لازم يكون اصلي اشتره من محل قطع غيار معتمد ونزع الزيت مثل ما قال الحربي المكتوب على غطاء تعبئة زيت المحرك .

[saad222]

طيب حط لسيارتك زيت عافيه ورح تمش بعدين حكمت ان التكلفه عاليه علي اي اساس

[Osama.4]

يا أخوان قررت أشيل السياره سطحه لصناعيه بعيده عني شوي وأدور ورشه كويسه يضمن لي التصليح ،،.
وإقتراحاتكم كلها محل إهتمامي الله يوفقكم،،.
بالتوفيق،،.