مشكلة غريبة ارجو المساعدة.

[AL-H-A-R-B-I]

السلام عليكم ورحمة الله وبركاته.
مساء الخير جميعا

يا جماعة واجهتني مشكلة من البارح الموتر يتفتف وما هو صافي ويدخن
اسود ومعه ابيض مدري ازرق واليوم الصبح وانا مداوم لا حظت الحرارة
ماهي طبيعيه وقفت عند الإشارة وترتفع فوق الربع المهم كملت مشواري
وقفت وترتفع الحرارة إلى الثلث رغم أنها اول ماتعدى الربع وإشيك على الماء
واحصله ناقص وانا امس معبيه ولا كان ينقص مثل كذا كان بعد اسبوعين احصل
ناقص علبه ماء صحه مافيه لا تهريب ولا شي ولاحظت ماء يطلع من الشكمان
والمكينه موضبها قبل سنه وقطع اصليه
الموتر سفاري 95 كبريتر

[AL-H-A-R-B-I]

ي الربع وين أهل الخبرة واللي مرت عليه المشكلة يفيدنا

[SGL]

السلام عليكم ورحمة الله وبركاته.
مساء الخير جميعا

يا جماعة واجهتني مشكلة من البارح الموتر يتفتف وما هو صافي ويدخن
اسود ومعه ابيض مدري ازرق واليوم الصبح وانا مداوم لا حظت الحرارة
ماهي طبيعيه وقفت عند الإشارة وترتفع فوق الربع المهم كملت مشواري
وقفت وترتفع الحرارة إلى الثلث رغم أنها اول ماتعدى الربع وإشيك على الماء
واحصله ناقص وانا امس معبيه ولا كان ينقص مثل كذا كان بعد اسبوعين احصل
ناقص علبه ماء صحه مافيه لا تهريب ولا شي ولاحظت ماء يطلع من الشكمان
والمكينه موضبها قبل سنه وقطع اصليه
الموتر سفاري 95 كبريتر

وعليكم السلام ورحمة الله وبركاته
أخوي إذا ماء الرديتر ينقص ويطلع ماء من الشكمان والسياره حاره بعد مشوار يعني هذا من الراس أو وجه الراس

[ابوعبدالله172]

مثل ماقال اخي المشكله عندك من راس المكينه

[الاشهب 507]

شف امامك
امرين يا انك تفك الراس وتغير الوجه
والمفروض انك دبلت وجه الراس للمكينه
يوم وضبت كن دبلت اقل شيء وجهين والافضل
3 وجيه معى بعض وشد عليه
والحل الثاني تروح وكالة نيسان وتاخد من عندهم
لحام لوجه الراس ب 50 ريال كانه باقي على خبري
وتحطه على راس المكينت من عند الوجه دار مادار
والموتر بار واذا نشف تزيد طبقه ثانيه وان شاء الله تنحل مشكلتك
الأشهب 507

[AL-H-A-R-B-I]

انا مريت ورشتين وقالو ي الرأس ولا الوجه والموتر ما جاه حراره ولا شي فجأه طلعت المشكلة
ولكن الماء والموتر واقف ما يطلع إذا كان طافي له ساعتين يطلع الماء مع مشبك القزوز والشكمان
وإذا مشيت عليه ترتفع الحرارة تدريجيا وإشيك على الماء احصل ناقص وإذا شغلته دخن ابيض خمس دقايق ويروح

[1824]

غير وجه الراس بأقرب وقت قبل ما تكبر المشكلة وغير معها طرمبة الماء واغسل نظام تبريد المحرك عند بترومين وبيعبون لك ماء اصلي بعد يعني ترتاح بعدها وما تشوف شر بالتوفيق لك

[AL-H-A-R-B-I]

مشكورين وبيض الله وجوهكم.
أمرنا لله بفك المكينه ونتأكد من الوجه ولا الرأس 90 بالميه من الوجه
ما تشوف شر ان شاء الله

[sulaiman.fj40]

شيك على الطبات يمكن وحده منفقعه

[AL-H-A-R-B-I]

الطبات ما فيه شي والموتر ما فيه تهريب اشغله واخليه واقف ما فيه تهريب إلا أن الماء ينقص بطلوعه من الشكمان أو مكان ثاني

[SGL]

أخوي ﻻتستعجل شيك زين أحيان تكون طرمبة الماء خربانه وتهرب من الأسفل تهرب الماء على بكرة المكينة الكبيرة بكرة الكرنك وماتشوف التهريب زين لضيق المكان وماتوضح إلا والمكينة حاره وأحيان يكون من غطى المبرد الي يركب عليه السيفون أحيان يخرج الماء من الشكمان بسبب برودة الجو إذا كان الماء يطلع من الشكمان بسيط ويوقف إعرف إن الخلل ماهو من الراس وشوف زيت المكينة هل فيه ماء وخالط أو فك غطى المكينة شوف عليه مثل الرغوه بيضاء أو ماء

[AL-H-A-R-B-I]

اخوي sgl
عيار الزيت ما فيه شي لكن غطاء الزيت فيه رغوه والماء اللي يطلع من الشكمان ماهو واجد ويوقف والحرارة طبيعيه إلا إذا نقص الماء