مشكلة تشغيل سوبربان عن طريق الريموت !!

[الركب]

السلام عليكم ورحمة الله وبركاته

يا أخوان حبيت استفسر وأرجو المساعدة ممن يمتلك الخبرة ويعرف المشكلة ،
عندي سوبربان 2007 كان يشتغل معي بالريموت قبل فترة إذا كانت السيارة باردة فقط وإذا كانت ساخنة ما تشتغل بالريموت ، وبعد فترة صارت ما تشتغل مرة ووقت ضغط ازرار الريموت أسمع صوت من جهة الماكينة ولا تشتغل السيارة ، وكل مرة افصل بطارية السيارة واشبكها مرة ثانية تشتغل بعدها مرة وحدة بس ، وبعدين ما تصير تشتغل ..

أرجو المساعدة وجزاكم الله كل خير 😘😘

[الحربي 591]

اخوي اذا مولعه اي وحد من
لمبه المكينه
ولمبه الزيت
ولمبه البنزين
ماراح تشتغل...

[الركب]

أخوي الحربي ، أشكرك على ردك 😘
عندي لمبة الإطارات بس هي اللي مشتغلة ، وعداد الزيت عندي خربان دايم على الصفر ، هو وشاشة الكمبيوتر ، حاولت كذا مرة ابرمج الكفرات بعد ما انفخ الأول اسمع صوت البوري وكذلك الكفر الثاني لكن الثالث والرابع لا !

[1824]

اذا العداد من داخل عندك حق الزيت بس هو الي خربان مافي مشكلة ولاكن اذا الحساس نفسة خربان ما راح تشتغل عن بعد

وطبعا مثل ما قال اخوي اذا لمبة المكينة او الزيت او البنزين مولعة ما راح تشتغل عن بعد بالتوفيق لك

[ابو-محمد]

وعليكم السلام ورحمة الله وبركاته

الواضح ان هناك مشكله في احد الحساسات

وعند فصل البطاريه يمسح العطل من الكمبيوتر

واذا اشتغلت السياره اكتشف العطل من جديد ولهذا السبب ماتشتغل السياره مره ثانيه بالريموت الا بعد ماتفصل البطاريه

لازم تسوي فحص بجهاز قاريء أكواد OBDII " كمبيوتر مثل مايقولون"

وبيعطيك كود العطل وتحل المشكله بسهولة إن شاء الله

[الحربي 591]

أخوي الحربي ، أشكرك على ردك 😘
عندي لمبة الإطارات بس هي اللي مشتغلة ، وعداد الزيت عندي خربان دايم على الصفر ، هو وشاشة الكمبيوتر ، حاولت كذا مرة ابرمج الكفرات بعد ما انفخ الأول اسمع صوت البوري وكذلك الكفر الثاني لكن الثالث والرابع لا !

اخوي حساسات الكقرات ما عندك مشكله تشتغل
لكن انت قلتها عداد الزيت ما يرتفع هو البلا منه
غير الحساس حق الزيت و برمجه وانشاء الله تدعي لنا:)