استفسآر عن آفضل مسآعدآت للهدد

[صياد القويعيه]

سلام عليكم

يالله حيهم


يالربع انا معي هدد 2005 ومركب عليه بوالين وأشغلني يحك فالرفرف والناس تقول غير مساعدات الوكاله وانا مدري وش افضل نوع مساعدات يكون ماسك الموتر وياليت مكان بيعها والسعر والله لايهينكم

[صياد القويعيه]

للرفععع ^^^

[سقم المعادي 1]

مساعدات جبريال رخص ومكده المساعد الواحد على 100 ريال

[ابوعبدالله199]

مساعدات جبريال الزرقاء او البيضاء
بس الزررقاء اقوى وافضل واقسى

[أبو شيري]

مساعد البلد ما راح تلاقي أفضل منه

تغير جبريال وتغير استرالي وتغير مونرو وبالاخير ترجع للبلد

لأن السبب تركيب كفر مقاس كبير غلطه من البدايه

البوالين للي يبي بوالين ويبي يصبر عليها وعلى مشاكلها تناسب النيسان وخصوصا القديم


وجة نظر

والله يعينك ويوفقك

[إبو صالح الرس]

هلا حبيب قلبي

اسمع من حكم تجربتي بالمساعدات مالك الى طقم كامل استرالي من الرماية ببريده بقيمة1640 ريال

لكن تراه المساعدات ماله علاقة بالرفع يعني ممكن شي بسيط العلم كله على الياي

والياي مالك الا الاسترالي والاسترالي له مقاسات واحجام وعلى حسب وزن موترك واغراضك

شف الي ببريده الرماية هو راح ينصحك بالياي المناسب ان شاء الله

او كانك تبي الارخص ركب كعك خلفي وكانه يحك من قدام ارفعه بمسامير التوازن

[تساهيل1]

الحل

انت مركبت كفر كبير

لازم ترفع الموتر

للانه راح يحك لو ركبت مساعد استرالي

لو ياشيخ تمغط المساعد وتلحمه يبي يحك

ارفع الموتر او غير الكفرات

وبالتوفيق

[ALBASHIRI]

عندي أربع مساعدات أولد مان استخدام أقل من شهر إذا لك نظر كلمني
بعد اذن الادارة 0553535956
الرياض