فزعتكم بخصوص زيت قير الفتك

[المتلولس]

ياجماعة معي فتك 2005 زيت القير محتاج تغير ماشي بالزيت اكثر من 80 الف القير تروبنك والصراحة متخوف ناس تقول غير عادي وناس تقول بس غلق،،،، ياليت اللي غير زيت القير او عندة معلومة يفيدنا، موقعي القصيم اذا فيه احد مضمون بالمنطقه اكون شاكر،،

[1824]

اهم شيء استعمل النوعية المطلوبة للقير وبعد التغير اول 500 كيلو بالهون على الموتر ولا تنسى الفلتر حق القير بالتوفيق لك

[فتك08]

عادي 80الف هذا ممشاه و ماعندك خلاف غيره
زيته نوعيته matic J
رح لورشة الهبيش او ابوخالد الخضير ببريدة و باذن الله يغيرونه لك و تحصل الزيت عندهم
بالنسبة للفلتر مافيه فلتر..يوجد فقط شخال حديد يتنظف
كل تغييرتين او ثلاث تغييرات يتنظف
انا نظفته ثالث تغييره

[المتلولس]

اهم شيء استعمل النوعية المطلوبة للقير وبعد التغير اول 500 كيلو بالهون على الموتر ولا تنسى الفلتر حق القير بالتوفيق لك

يعطيك العافية ماقصرت

[المتلولس]

عادي 80الف هذا ممشاه و ماعندك خلاف غيره
زيته نوعيته matic J
رح لورشة الهبيش او ابوخالد الخضير ببريدة و باذن الله يغيرونه لك و تحصل الزيت عندهم
بالنسبة للفلتر مافيه فلتر..يوجد فقط شخال حديد يتنظف
كل تغييرتين او ثلاث تغييرات يتنظف
انا نظفته ثالث تغييره

ماقصرت اخوي فتك ،، بكلم ابوسليمان الهبيش وشوف الوضع

[سفاري 95]

من رايي اذا مافيه مشاكل عندك بالقير وكل شي زي الحلاوه لاتغيره ولاشي امش عليه ولاتتحسس

انا موتري 2002 وماشي عليه حول ال 100 الف والحمد لله ما اشتكي من مشاكل القير غير انه ضعيف شوي بالريوس لكن ماتعتبر مشكله عويصه
وفقك الله اخوي

[المتلولس]

من رايي اذا مافيه مشاكل عندك بالقير وكل شي زي الحلاوه لاتغيره ولاشي امش عليه ولاتتحسس

انا موتري 2002 وماشي عليه حول ال 100 الف والحمد لله ما اشتكي من مشاكل القير غير انه ضعيف شوي بالريوس لكن ماتعتبر مشكله عويصه
وفقك الله اخوي

حياك اخوي سفاري تغيرة افضل واحد قبل فترة طول على الزيت بالتغير وخبط القير وضبه ب7000

[المتلولس]

الله يعطيكم العافية جميعا رحت مثل ماقالي اخو فتك لورشة الهبيش وغيرت زيت القير والحمدلله اشوف الوضع ممتاز لكن انا شفت الجركل حق الزيت مثل حق الوكالة ولزيت لونه احمر هل لون زيت القير احمر؟ مرة قريت واحد من الشباب يقول لونه يميل للصفار ياليت تفيدونا

[فتك08]

الله يعطيكم العافية جميعا رحت مثل ماقالي اخو فتك لورشة الهبيش وغيرت زيت القير والحمدلله اشوف الوضع ممتاز لكن انا شفت الجركل حق الزيت مثل حق الوكالة ولزيت لونه احمر هل لون زيت القير احمر؟ مرة قريت واحد من الشباب يقول لونه يميل للصفار ياليت تفيدونا

زيت بلاده أحمر و مافي ذلك شك
كم مرة غيرته و شوف عيني

[الحربي 591]

انا مغير زيت سيارتي تاهو
بعد ما مشت فو ال200 بكثيير وماكنت ناوي اغيره لكن واحد عزيز علي قالي غيره وغيرته عز الله ان فرق بالتعشيق
صار يعشق وماتحس انه عشق المهم انه ماشاء الله ممتاز تقال اني دوبي مطلعها من الوكاله
غيرته وغيرت السيفون اهم شي السيفون
واهم شي نفس زيت القير و لايكون زايد ولا ناقص

[المتلولس]

زيت بلاده أحمر و مافي ذلك شك
كم مرة غيرته و شوف عيني

الله يعافيك اخوي فتك وماقصرت اول والا قصرت تالي

[المتلولس]

انا مغير زيت سيارتي تاهو
بعد ما مشت فو ال200 بكثيير وماكنت ناوي اغيره لكن واحد عزيز علي قالي غيره وغيرته عز الله ان فرق بالتعشيق
صار يعشق وماتحس انه عشق المهم انه ماشاء الله ممتاز تقال اني دوبي مطلعها من الوكاله
غيرته وغيرت السيفون اهم شي السيفون
واهم شي نفس زيت القير و لايكون زايد ولا ناقص

كلامك سليم اخو الحربي