لمبة o/off تأشر بعد تغيير المكينه vxr 98

[banihusa]

السلام عليكم ورحمة الله وبركاته

يا أخوان انا غيرة مكينة سيارتي vxr98 وبعد ما غيرتها صارت o/d off تأشر مدري وش الحل ارجوا من الله ثم منكم المساعده بسرعه لاني ابي اسافر بالسياره هاليومين

لكم جزيل الشكر والتقدير

[banihusa]

وينكم يالربع ما احد عنده اي معلومه

[ابوراكان تبوك]

احتمال انه سلك الاوفر درايف ماهو مشبوك

لكن تبي تتأكد

وانت تمشي حول 100 اذا ريح الموتر جميع التروس ارفع قدمك عن دعسة البنزين واضغط زر الاوفر درايف اللي بالقير اذا رد الموتر نمره معناه النظام شغال
وان مارد نمره افحص الظفيرة تأكد سلكه مشبوك او لا او افحص الفيوزات لكن لا اعلم هل فيوزه او الكتاوت حقه في العلبه اللي بالكبوت او بالعلبة اللي بالغمارة

لكن انا اتوقع انه سلكه مفصول وهو فيش يسار القير فوق لو فيوزه مشيول ماتولع لمبته نهائي ومن باب الاحتياط ذكرت لك الفيوز

[banihusa]

احتمال انه سلك الاوفر درايف ماهو مشبوك

لكن تبي تتأكد

وانت تمشي حول 100 اذا ريح الموتر جميع التروس ارفع قدمك عن دعسة البنزين واضغط زر الاوفر درايف اللي بالقير اذا رد الموتر نمره معناه النظام شغال
وان مارد نمره افحص الظفيرة تأكد سلكه مشبوك او لا او افحص الفيوزات لكن لا اعلم هل فيوزه او الكتاوت حقه في العلبه اللي بالكبوت او بالعلبة اللي بالغمارة
لكن انا اتوقع انه سلكه مفصول وهو فيش يسار القير فوق لو فيوزه مشيول ماتولع لمبته نهائي ومن باب الاحتياط ذكرت لك الفيوز


لا هنت أخوي ابو راكان انا جربت الاوفر درايف شغال

[ابوراكان تبوك]

طيب جرب افصل أصابع البطارية الاثنين ووصل بينهم بسلك صغير وافتح السويتش على ON ثلاث مرات وارجع اشبك البطارية وشغل الموتر
ممكن محتاجة برمجة وهاذي اسرع طريقة للتصفير
من باب الاحتياط
اذا انت تتابع عداد الزيت او عداد الرحلات احفظه لانه بيتصفر بعد هذه الطريقة بالاضافة الى انه بيتصفر لمبة سير التيمن اللي تولع كل 100ألف ويرجع يعد من جديد