المساعد الشخصي الرقمي

مشاهدة النسخة كاملة : لمبة الايرباق والبوري


عقووول
19/11/2014, 01:50 AM
السلام عليكم ورحمة الله وبركاته

اخواني عندي سيارتي في اكس ار موديل 2000

السنة اللي فاتت جان مطر وعلق علي البوري وانا بالبيت وكان البوري ملتمس

والحمدلله زينته وزبط

اليوم جانا مطر والحمدلله على الرياض :l

وجيت اخذ غرض من السيارة الى والاقي لبمة الايرباق والعه لحاله والسيارة طافيه

مع العلم لي اسبوع ما رحت على سيارتي وفصلت اصابع البطارية خفت من التماس السيارة

من عنده خبرة في ذا الموضوع ويدلني على كهربائي فاهم

والله لايهينكم
عقووول
19/11/2014, 08:21 PM
اليوم طفت اللمبة يا اخواني وش ضنكم اخاف من التماس الظفيرة
ابوراكان تبوك
19/11/2014, 11:02 PM
ماشاء الله الله يجعلها امطار خير وبركه

اتوقع والعلم عند الله ان الزجاج الامامي يدخل ماء لكن التماس ما اظن لانه لو عندك التماس امداك غيرت بطاريتين خلال سنه

ابيك تفصل البطاريه وترش على الزجاج الامامي ماء كثير باللي خل الرش مستمر 5 دقائق مثلا وبعدها على طول تحسس بيدك الطبلون من فوق حوالين الزجاج
بالاضافه الى المنطقة اللي فوق دعسة الفرامل حاول تفحص جميع الاشياء اللي تشك ان الماء يدخل عليها وخصوصا السقف من فوق الجهه المقابله للدركسون
الجلده السوداء اللي فوق السواق مباشره فوق التنده حاول تشيلها بيدك على خفيف لان تحتها فتحه حقت كلبس احيان ينكسر وتبقى عرضه لدخول الماء على ظفيرة السقف واحتمال ينزل منها الماء على علبة الفيوزات
عقووول
20/11/2014, 11:13 AM
اخوي ابو راكان اليوم علينا مطر خفيف ورحت للسيارة

وحصلت التنده غرقة وتقطر موية من فوق راس السواق والراكب

الموتر بدون فتحه تتوقع انها من تحت الجلده الي فوق راسي
سعيد الصبحي
20/11/2014, 11:45 AM
أخي الكريم الموتر أكيد مغير له الزجاج الأمامي والتركيب ما كان مضبوط عشان كذا يدخل ماء .. يحتاج تاخذ الموتر عند اللي يغيرو الزجاج عشان يعالجو المشكلة .. احتمال تحتاج تغير الزجاج مرة ثانية ..
ابوراكان تبوك
20/11/2014, 12:52 PM
اخوي ابو راكان اليوم علينا مطر خفيف ورحت للسيارة

وحصلت التنده غرقة وتقطر موية من فوق راس السواق والراكب

الموتر بدون فتحه تتوقع انها من تحت الجلده الي فوق راسي


نعم الجلده اللي قلت لك عليها اللي تجي زي الخط على التنده
تجي ع جميع الجيوب من 98 وطالع جكسار وفكسار سواء بفتحة سقف او بدون

هاذي صورة تقريبية

طبعا الجلده ممتده من بداية التنده لنهايتها وموجوده ع الجهتين للراكب والسواق تفقدهن
من الامام فوق السواق حاول ترفعها بيدك تلقى فتحتة الكلبس اكيد مكسوره حط عليها سيلكون أسود وبتنساها
كذلك الجهه اليمنى نفس الشيء افحصها

وللعلم مشكلة الجلده هاذي مرت علي كثير وتدخل الماء

اذا الجلد سليمه عندك التهريب احتمال كبير جدا من الزجاج مجبور تفكه وتعيد تركيبه


الصوره مقتبسه لاحد أعضاء مكشات واعتذر منه مالقيت غيرها :) فليسامحنا
http://www.mekshat.com/pix/upload06/images/2014/11/mk92170_mk66937_2229_11240125948.jpg
عقووول
20/11/2014, 08:30 PM
القزاز الامامي وكاله ماقد غيرته بشوف الجلدة وانا متجه للصناعيه