ما افضل مقاس للهوك السن في صيد الشعور من الشاطئ

[الفلاشاوي]

سلام عليكم
ما افضل مقاس للهوك في صيد الشعور صغير وكبير من الشاطئ

واذا يكون معاه افضل طعم محبوب له يزيد الخير

خلونا نشوف خبرتكم لاهنتم

[AL FALEH]

ياطويل العمر بالنسبه لخبرتي المتواضعه افضل طعم الحبار والسناره مقاس 9

[accentkool]

خثاااق ابيض والميدار 10 نرويجي

[أبوحافظ]

عليكم السلام و رحمة الله

من تجاربي في صيد الشعور :

السنارات اليابانية مقاس 11 و 12 ممتازة للشعور

اكثر الطعم اللي اصيد فيها الشعور وتضرب مكان تواجد الشعور

القمبرور ( السلس ) بطول اصبعين او اقل ويقسم لثلاثه اجزاء او جزئين واعتبر هذا الطعم الافضل بالنسبة لي .... للشعور و الشعافن والكثير من الانواع الاخری

الخرم ( الحاقول ) ويقطع الی اجزاء علی حجم السنارة

العربي بحجم الاصبع ويقطع الی نصفين ويضرب عليه اكثر من نوع من الشعور و احجام طيبة

السردين لكن صعب يثبت بالسنارة

اخيرا الحبار

ما ذكر اعلاه في حال لو كان طازج

وبشكل عام الشعور يضرب علی كثير من الطعوم لكن بالنسبة لي القمبرور اكثر ما صدت فيه