العمر الافتراضي للمكينة وعلامات التخبيط ....!

[abumashari]

الى جميع الشقرديه الابطال

استفسار عن العمر الافتراضي لمكينة الجيب 6 سلندر و 8 سلندر
وسؤالي معاي فتك ماشي 450 الف والماكينة ما شاء الله صافيه ما فيه بلا
بس خايف تخطب فجأة . هل فيه علامات تدل ان الموتر بحاجة لتوظيب والا لا
ولكم التحية :c

[cadillac911]

اذا بقيت محافظ على الصيانة وتغيير الزيوت في وقتها وتستخدم الزيوت والبنزين الموصى من المصنع تمشيك الى ان يشاء الله ممكن بعد عمر طويل تنتقل الى رحمة الله قبل ما توقف السيارة


اذكر الله تكسب حسنة

[مسير عليكم]

الموتر الي محافض على زيته وسواقته بيمشيك ان اشاء الله
لا توسوس بالتوضيب عشان ما يجيك هههههه

تبويش المكينه بداياته نقص زيت وبعدين دخنه زرقاء وبيمشيكة وهو كذا الين تسمع طقطقه المكينه

[ابوعبدالله172]

اسباب هلاك المحرك الحراره اهمال الزيت الجور الزائد اذا تفاديت ماذكر تعطيك المكينه عمرا مديدا

[ابوراكان تبوك]

فيه مكاين مشت 600 ألف وما انفكت

فيه فرق بين التخبيط والتبويش

التخبيط ماله علامات بالاصح التخبيط هو الجلطه للسياره ههههههههههههه
التبويش هو استهلاك الشنابر والسرندل والقطع الداخليه للمحرك

الحراره والزيت مثل ما ذكر ابو عبدالله هي دمار المكينه ممكن تذوووب البساتم تضعف جرم السرندل ويفتح ويبدأ النقص
الزيت لازم يتغير على اوقات محدده مثلا في حالة موترك كان تبغى تحافظ عليه على هذا الممشى غير زيت وسيفون كل 3500كيلو
حافظ على نظافة الرديتر
في حالة موترك وهو نظيف ماشاء الله لو ضعف معك الشنبر والسرندل نظيف يمديك تطقمه شنابر ووجيه ربع قيمة التوظيب ويمشي معك زود 300الف تقريبا اذا القطع اصليه

اذا جلس الزيت في المحرك 6 شهور حتى لو مامشيت عليه 100 كيلو غيره على طول
لاتوقف السياره بالاسابيع والزيت قديم اذا بتوقفه شهر مثلا وزيته ماهو نظيف غيره ووقف الموتر وانت متطمن
السطرين الاخيرات هاذي انا متبعها من زمان

بالنسبه لسيارات تويوتا الجيوب ابو 24 بلف مهما كان حد مكينته 500الف كيلو وبعدها حتى لو ماينقص بينقص غصب وكثر خيره

مووووووووووووووفق

[سعيد الصبحي]

أخوي أنصحك لا تشيل هم التضبيط والموتر بخير وعافية.. لما يحتاج تضبيط بيخبرك بروحه..
انا كان عندي ايكو موديل ٢٠٠٤ قوة المكينة ١٣٠٠ سي سي ومشت عندي ٥٨٥ ألف ولا في يوم اشتكيت منها شي وما خسرت عليها غير البترول والزيت للمكينة وفلتر الزيت والسفايف والبرنجات بس .. وكنت ابدل الزيت على ١٠ ألاف وأحيانا توصل ١٢ ألف .. والحمدلله بعتها وهي بكامل قوتها ولا فيها عذروب ...
سيارتك ان شاء الله تمشيك أكثر عن ممشاها الحالي .. بس لا تزر الموتر كثير وقلل من كشتات الرمول
ودمتو بخير وعافية ..

[سارق الكحل]

يقولون قبل لاتخبط المكينة يجي فيها قوة عجيبة بتلاحظها
لمدة كم يوووم وبعدا ودع

[cadillac911]

يقولون قبل لاتخبط المكينة يجي فيها قوة عجيبة بتلاحظها
لمدة كم يوووم وبعدا ودع



وين يا اخوي من جد تتكلم هذي صحوة الموت على كذا


اذكر الله تكسب حسنة

[يالبى الهلا]

حسب الاستخدام وكثرة الرجل( السواقين )تهد المكينة وتقصر عمر السيارة

[هاوي بلادي]

حسب الاستخدام وكثرة الرجل( السواقين )تهد المكينة وتقصر عمر السيارة


اتفق معك

:good2::good2::good2:

[م س س]

سوي لها كشف كمبيوتر جهاز متكامل يحط سيخ في الشكمان وسلك في المكينة ويطلعلك برنت عن كفائة المحرك وعن ضغط البستم وهل هي صالحة بنسبة 80 % أو 90 % وهكذا بمبلغ 150 ريال تقريباً .

[صاروخ الغطغط]

حافظ على الزيت والما والممشى المعقول في السفر وتوكل على الله الدادسن 4 سلندر مكينه عانه ماشي 400 الف ماينقص بس ماقصر ويستاهل توظيب وكاله بس مابين شي فيه لنه تعتمد على صاحب السياره والمحافظه عليه.والاستخدام الشخص

[صاروخ الغطغط]

والاستخدام الشخصي فقط

[الاشهب 507]

يقولون قبل لاتخبط المكينة يجي فيها قوة عجيبة بتلاحظها
لمدة كم يوووم وبعدا ودع
فعلن كلمك صحيح تصير كنها مكينة جمس
511 تطير طيران وملاحضه على 4 سيارات
للقارب وانا مجرب سواقته في اخر عمره
ومجرب قبل وفرق كبير وعزم غير طبيعي
وفي السباق محد يغلبك بس حط رجلك وانت تضحك
السبب ان المكينه يسير الاحتكاك فيها 0 وياتكل الحديد
وتسرير خفيفه مره مثل مشي المويه وحركت سريعه وسهل
جدنا لن الحديد تاكل وبعدها يتاكل كامل ويحتر وبعده بيومين
واكثر موتر جلس 3 ايام وودع
الأشهب 507

[ابوراكان تبوك]

فعلن كلمك صحيح تصير كنها مكينة جمس
511 تطير طيران وملاحضه على 4 سيارات
للقارب وانا مجرب سواقته في اخر عمره
ومجرب قبل وفرق كبير وعزم غير طبيعي
وفي السباق محد يغلبك بس حط رجلك وانت تضحك
السبب ان المكينه يسير الاحتكاك فيها 0 وياتكل الحديد
وتسرير خفيفه مره مثل مشي المويه وحركت سريعه وسهل
جدنا لن الحديد تاكل وبعدها يتاكل كامل ويحتر وبعده بيومين
واكثر موتر جلس 3 ايام وودع
الأشهب 507

هههههههههههههه وداعيه تحط حيلها كله

فعلا سمعت نفس هذا الكلام لكن الحمد لله وماشاء الله مامرت علي في أي موتر استخدمته

الموضوع جميل جدا للنقاش واشكرك ياصاحب الموضوع واشكر كل من ابدى رأيه لتعم الفائدهـ

[1824]

تعتمد على عوامل كثيرة ولاكن عمر المحركات بدون صيانة دورية ما بين 150 الى 300 الف مع استعمال متوسط ما بين ضغط وركادة

صيانة دورية مع استعمال شاق ما بين 250 الف الى 400 الف

صيانة دورية مع استعمال عادي الى ابد الدهر بالتوفيق للجميع

[alsafe65]

الصيانة ضرورية جدا

الوالد الله يعطيه العافية
كان عندة ونيت تايوتا موديل 1989 مطلعة وكالة

ومشى علية زود 600 الف كيلو
ما اشتكى منه ابدا

تغيير الزيت كل 2500 كحد اقصى ( زيت تويوتا اصلي )
تسخين الموتر قبل المشي حتى يرتفع انبير الحرارة على الربع ( وهذي ركزوا عليها جدا)
السرعة الحد الاقصى 100 -130

-----------

[ابوراكان تبوك]

الصيانة ضرورية جدا

الوالد الله يعطيه العافية
كان عندة ونيت تايوتا موديل 1989 مطلعة وكالة

ومشى علية زود 600 الف كيلو
ما اشتكى منه ابدا

تغيير الزيت كل 2500 كحد اقصى ( زيت تويوتا اصلي )
تسخين الموتر قبل المشي حتى يرتفع انبير الحرارة على الربع ( وهذي ركزوا عليها جدا)
السرعة الحد الاقصى 100 -130

-----------

للمعلوميه زيوت تويوتا الاصليه في الوكاله وتتعبى من برميل كبير غير كذا لاتدور الاصلي في العلب الصغيرة

[abumashari]

مشكورين وبيض الله وجيهكم جميعا