مشكلة عند اللف يمين

[ابو تركي 779]

السلام عليكم ورحمة الله وبركاته

اعضاء منتدى مكشات
مشكلتي اللي ما ادري وش حلها وكل ميكانيكي يعطيني حل
المشكلة بإختصار عندي فتك 2009 ذا كنت ماشي ولفيت يمين يطلع عندي صوت عره يعني احتكاك كأنة رمان خربان ويطلع ثقيل شوي:( واذا لفيت يسار مافيه اي صوت:)


وش منه المشكله ياهل الخبرة :eek:

:r:l:r

[الوسم]

لعلك قلتها بنفسك
وللتأكيد إذا وقفت على سطح مستوي جنب السياره من الأمام
عند الكفر اليمين .... ادفعه بإتجاه الأمام من فوق يعني يإتجاه 90 درجه يسارالسياره
يعني هز السيارة هز قوي بيديك
إذا سمعت طقطقه في الكفر معناه أن الرمان منحل ويبي له شد
والجهه الثانيه تأكد منها بنفس الطريقه

[م س س]

تأكد أيضا من العكوس وربلاتها .

[سفاري 95]

عندي نفس المشكله بالتمام .. ومحد عرف العله وين يبون يغيرون كل شي عندي قدام عشان يزبط

وللمعلوميه انا مغير رمانات قدام اصليه ولاراح الصوت .. ننتضر من الاخوه يفيدونا جزاهم الله خير

[فهد الراشد]

هلا اخوي،
انا صارت معي بموتري ناتيفا ميتسوبيشي، وهو صوت احتكاك قوي يمين بالكفر، واذا ضربت مطب او أي شي يهز الكفر طلع واذا ضربت مطب ثاني راح وعلى هالموال، وطلع فلنجة العكس، وهي ان بوه حديده مدوره صغيره بنفس الفلنجه لقيتها طايحه والعكس يحك بالفلنجة ويطلع الصوت، ورحت للتشليح وشريت فلنجة كاملة ب 300ريال من تشليح القصيم اللي بحايل، والحمد لله راح الصوت .

[ابو تركي 779]

الله يعطيكم العافية يا اخوان على التفاعل الجيد والمتوقع منكم ....

للمعلوميه حصلت تحت العكس اللي يسار تهريب زيت من الجلد لايكون المشكلة منه

تقريبا نفس المرفق http://www.m5zn.com/uploads/2010/7/28/photo/072810050721jcs7lva7whaqp6.jpg

[mars1sa]

يمكن الصاجة خلف الهوب

[الوقيدي]

ممكن جوزه ناشفه ما فيها شحم . ارفع السياره بالعفريته ولف يمين ويسار مع تحريك الكفر بعتله تتأكد من الفضاوه فيه .

[يالبى الهلا]

تاكد من الجوزة هذا دلالة على خرابها تطق طقطقطق وممكن تكشفها عند الميزان