رجة قويه فالباترول

[lD7ooml]

السلام عليكم
عندي رجه فالباترول 94 رجه قويه من 80 لين 110 احس ان السياره بتتفكك قطعه قطعه سألت ناس الي يقول عمود الكردان والي يقول عمود الدبل وماعرفت من الصادق فيهم

[ابو-محمد]

وعليكم السلام ورحمة الله وبركاته

الرجه مالها سبب محدد

شيك على مساعد الدرقسون " اذا خرب يسبب رجه غير طبيعيه"

وشيك على ترصيص الكفرات

وبالنسبة للعمدان ترصيصهم يبي له مخرطه

[adil33]

اول شيء تعمله تغير جلد الذراع الي راكب عليه المساعد حق الدركسون واذا المساعد تعبان غيره واذا فيه نص عمر غير الجلد حقته بس وهذه اول واهم خطوة

[الوسم]

قبل ما تزين أي شيء
رح لمركزصيانة كبييير ومعروووف ومعتبر
وبعدين إفحص عندهم
وبعدين تعال وعلمنا وش يصير معك
وبعدين نفيدك

[هاوي بلادي]

اقرب ميزان افحص الارضيه



عامود دبل ومساعد دركسون



راح تطلع لك المشكله



وبالتوفيق لك

[AASEM]

اذا هي قويه وتشوف الكفرات الاماميه تلعب فهي رمانات العكس انا بسبتها انكسر العكس

[أبويعقوب60]

وعليكم السلام
اخوي هذا عمود الذراع الأمامي والي فيه مساعد الدركسون يتمزق الربل ثم يبدأ الدركسون بالرجة القوية مايكلف إلا قيمة الربل كله على بعضه مايكلفك اكثر من 200 طبعا هذا الكلام قبل مشاكل الوكيل مااعرف بضبط الآن كم , بنسبة لي انا اغيرها كل 3 سنوات حتى اسلم بالسفر بإذن الله , على فكرة يلزم كبس الربل بالمخرطة . وإن شاءالله راح تدعي لي وللأخوة في الأعلى .

[craino]

أولا هل الكفرات مرصصه ؟ هل مركب كفرات بالون او الكفرات فيها تحبيل

ثانياً:
الرجه الي تجي على سرعات حول المئه مثل حالتك تكون من العمود او الصلبان وتحس السياره تنفض لكن في نفس الوقت تحس الدركسون ثابت معاك ولا تحس به نفضه لكن السياره تنفض
هذا المشكله تحتاج اولا تشحم الصلبان كلها الاربعه في عمود الكردان وفي عمود الدبل وهذه نقطه يغفل عنها الكثير
اذا ما مشي معاك الحال تفك عمود الدبل وتمشي وتشوف هل المشكله راحت ؟ اذا المشكله في عمود الكردان
اذا كانت المشكله في عمود الكردان تحتاج ترصيص في مخرطة جيده ومخرطة الابتسام في جده لهم خبره في هذا الموضوع

في العاده الرجه الناتجه عن الاذرعه تكون على سرعات منخفضه مثل 40 الى 60 ايضا تحس الدركسون يلعب ويرج
مساعد الدركسون من خبرتي يبان تأثيره في المطانيج والجبال ولا يؤثر كثيرا في الخط المسفلت
النصيحه شحم صلبان العمود وتأكد ان العامل شحم الاربعه
20 ريال قد تحل المشكله ,,,, من تجربة خاصه ومعاناه بين الصلبان والاذرعه صارت عندي المشكلتين وحليتها مثل ماقلت لك على لاندكروزر 90

[الحميضاني]

السلام عليكم
اخوي شيك على الربل الي قدام فيه ربلتين بالعصا اللي يركب فيها مساعد الدرقسيون صارت معي

[وجعين]

صدقت اخوي ابو يعقوب هذا الذراع الأمامي الي يركب فيه مساعد الدكسون حصل معي اذا وصلت الميه السيارة تقول تبي تفكك قطعه قطعه وغيرته وصار فيه رجه خفيفه وغيرت الكفرات الااماميه ونتهت المشكله سعر الذراع صيني ٩٠ ريال ياباني ١٨٠ ريال