استفسار بخصوص الزير ؟

[هبيس]

السلام عليكم يا الربع

شريت زير ماء من شهر تقريبا وبديت استخدمه وكل شي تمام الحمد لله

بس اعاني من مشكله التبخير والتنقيط لانه ينزل منه تقريبا من لتر الى لترين

يوميا وتكون وصخه فأضطر اكبها واخاف يكون فيه هدر واسراف خاصة اني

استخدم مياه صحيه

مدري وش رايكم فيه حل ولا طريقه تقلل من الكميه المهدوره ؟

[المدمر77]

اخوي انا استخدم الزير حلو جدا وهذاذ شي عادي

[aserkm]

أنا كذلك مثلك يا صاحب الزير

بس من كثر تنقيطه وخوفي من السرف نثرت ماه ,,,

وخليته زينة فقط .

أخي المدمر صادق هو شيء عادي ينقط تنقيط بسيط

لكن اللي عندي كان خلال أقل من ساعة يفرغ كل ماء الزير

و أكيد هذه عله ,,, ماهي بسيطة

ناس قالوا حط نشا وناس قالوا مع الوقت يروح ,,, والله أعلم

[ابولولو]

اخوي فيه زير ممتاز وفيه غير جيد لايبرد وينقط على طول

فيه زير المدينه ممتاز

وفيه زير اهل الحسا مظبوط

وبعضهن لازم ينقط وخاصه باالبدايه ننقيط كثير ومع مرور الوقت يخف مره ويتسكر المسام اللي موجود باالفخار

واذا بغيت تبريد ممتاز وصح لف عليه خيشه وحطه باالظل ولازم يجيه هواء

[الشيخ الظريف]

للماء دور في التنقيط فالملاحظ ان ماء التحليه خال من الملح تماما فينفذ من خلال المسام 00وهذا ملاحظ ولكن ضع ماء عادي يقل نضح الزير والمطاره كذلك

[هبيس]

انا والله ما همني حاط تحته غضاره وافراغها بشكل مستمر بس خوفي من عقوبه الله

لاني احس انه اسراف

ابصبر عليه ان خف تقطيره ولا وقفت استخدامه الشكوى لله

[شاهي تلقيمة]

الزير الجديد
لازم يخمر في ماء لمدة 10 أيام إلى اسبوعين
وهذه معلومه اخذتها من الفخارين نفسهم

أول ماشريت زيري حطيته في حاوية نظيفة لمدة اسبوعين (مغمور بالماء كامل)
وكنت اجدد المويه كل يومين او 3
واحول الماء القديم لسقاية النبات

بعد ذلك لفيت عليه خيشة نضيفة
والحمدلله اختفى التنقيط

[boshaden]

اخوي شاهي تلقيمه مشكوور ع المعلومه
لاني اعاني نفس مشكلة الشباب

[علي الشهري]

التنقيط عادي ومطلوب للتبريد
لكن بالكمية التي ذكرتها فهي غير طبيعية
أتوقع المشكلة في نوعية الزير

[---ابو يوسف-]

حط ملح وعبه بعد يومين فرغه وامورك تمام ان شاء الله