استفسار !

[د.مبدع]

بسم الله الرحمن الرحيم
السلام عليكم ورحمة الله وبركاته
اخواني الكرام اتمنى لكم دوام الصحه والعافيه
عقدت النيه على شراء سياره نيسان باترول 4800 ( فتك ) صالون فل كامل
تخشيبه قير تب ترونك دفلك ثلاجه فتحة سقف موديل 2015 باذن الله
لكن عندي استفسارات بخصوص صرفيه البنزين لان كثير عابوا السياره من هاذي الناحيه وقالوا لي ابعد عنه ومن وجهة نظر خاصه افضله كشكل ومحركات وجوده على التويوتا لاندكروزر ٦ سلندر فاتمنى من الاخوه مجربين السياره او اصحاب الدرايه افادتي فيها :
1- كم سعه التانكي الكبير ( لتر ) ؟
2- كم سعه التانكي الاضافي ( لتر ) ؟
3- نوع البنزين المستخدم 91 او 95 ؟
4- الاخير وهو الاهم كم كيلو يمشيك التانكيين ؟
لاني استفسرت في اماكن كثير وتضاربت الاقوال اللي يقول 600 واللي يقول 800 وفيه شخص قالي 1100 !!!
فاتمنى من مجربين السياره الرد على استفساري ودمتم سالمين .

[كلاسيكو]

حياك الله يادكتور مبدع
وكتب لك الله الخيره فيما يختاره رب العباد

واهلا فيك في عالم نيسان
واحد فتكاوي ههههههه
المهم اسمع عن القير الاوتو اقل صرفيه بشي كثير عن القير العادي
وانا من مجربين الفتك قير عادي
وصرفيته مع الخط اذا كنت تمشي بسرعه عاليه من 160فا اكثر تحس فيه صرفيه لكن يستاهلها
اما اذا ممشاك من 120 الى 140 فصرفيته جدا معقوله ولا اعتبره يصرف اذا كنت تمشي بهالسرعه
اما التانكي 80 لتر التانكي الكبير
و40 لتر لتانكي الاضافي

اما من ناحية كم كيلو يمشيك
حسب سرعتك يزيد الصرف ويقل
لكن بحدود 500 اذا السرعه عاليه والقير عادي
اما الاوتو يفيدونك اهل النوع
وتقبل مروري

[خالد تميم]

مبروك مقدما اخ مبدع .
بختصرعليك الكلام انت قررت تتجه للسيارات المزوده بمكائن قويه ومن الطبيعي انها بتكون صرفيتها مرتفعه وهذي ضريبة القوه .
لوكنت حريص علي الصرفيه انزل للسيارات الاقل قوه مثل اللاند كروزر اوالبرادو اوالبيجيرو .
اماتحديد الصرفيه باالظبط تختلف بين السيارات حتي لوكانت من نفس الطراز .
يعني لوعندك باترول بلد بيكون اقل صرفيه من باترول عليه بوالين ويايات رافعته . وكذلك اختلاف القياده .
عموما لونويت علي الباترول خلي صرفية البانزين اخر حساباتك .
وفالك التوفيق .

[د.مبدع]

جزاكم الله خير يا اخوان كفيتم و وفيتم

[لاتكب البيالة]

التماتيك صرفيته معقوله

العادي يصرف

التانكيين تعبيهن اخضر فل تقريبا ب 54 ريال