خيمه الوسم ابوعبدالعزيز للبيع

[ابوفهد 505]

سﻻم عليكم ورحمة الله وبركاته اخواني زوار منتدى مكشات عندي خيمة الوسم شغل ابو عبدالعزيز راعي الرس الي تقوم بدون عمود في النص الخيمه معي من تقريبا 8شهور وﻻ استخدمتها اﻻ مره وحده والخيمه جديده ما فيها اي شي اللون رملي وشغل ابوعبدالعزيز معروف الطول 3.5متر والعرض نفس الشي معها مضله اماميه وكل اغراضها معها والخيمه موجوده قريب من الرياض وعلى السوم سﻻمتكم وبعد أذن اﻻداره هذا جوالي للاستفسار 0562104539 مﻻحظه:الي ماقد شاف الخيمه وﻻ يعرفها يدخل النت ويبحث عن خيمة ابوعبدالعزيز الوسم

[hamad3983]

ماشا الله تبارك الله

لولا اني توي شاري خيمة البيرق ولا بعد فكيتها كان اخذتها

خيمة لا يعلى عليها ماشا الله


الله يرزقك بالبيعه اللي ترضيك

[TAI CHI]

اخي الكريم
ياليت صورة للخيمه نفسها وهي منصوبه
طبقه او طبقين

وحدك النهائي

[ابورايف]

افتح بابها أذا نظيفة 1700ريال
والله يرزقنا وياكم

[ابوفهد 505]

والله الصور ماعرفت احملها ع الموقع لكن الي يبي صور يكلمني ع الجوال وارسلها له من رقم اخر ع الواتس والسومه طيبه من وجه طيب لكن ماني بحولك مره وﻻهو حقها مره

[ابورايف]

ارفع سومتي الى 2000

[ابوفهد 505]

الخيمه انسامت من رجال صامل ب2500 ونطلب الزود

[المجرووح]

٢٦٠٠ ،،،، ٠٥٤٨٤٣٦٥٤٥

[ابوفهد 505]

جزاك الله خير ونطلب من الله الزود

[اصيل نجد]

ابو فهد الله يطول عمرك ماوضحت هي غاط او غاطين الله يرزقك .

[ابوفهد 505]

وعمرك يا اصيل نجد الخيمه غيطين

[ابوفهد 505]

الطبقه العلويه رمليه والطبقه الدخليه قماش بطانه مشجر

[راعي البرهـ]

الله يرزقك من واسع فضله

[ابوفهد 505]

جزاك الله خير

[الصيادالمليح]

هذي سعرها 2550 ريال جديدة عند محل الصحراء بالرس

[ابوحسام9]

يعطيك العافيه اخوي لو تكرمت لو زودنا برقم محل الصحرا ولو يكون رقم جوال افضل ولك الشكر

[ابوفهد 505]

الصياد المليح رح اشترها اذا انت صادق وش جاي تدور عندي هنا

[ابوفهد 505]

حدي في الخيمه 3000 للي يسأل عن الحد ؛؛؛

[فهد الخالدي]

هههه
وش معه هديه بنتلي والا رنج

[ابوفهد 505]

معها مشعاب ان كان ودك

[فهد الخالدي]

مشعاب ههه
نبرأ فيه عصب رجليك

[ابوفهد 505]

الحكي كلن بحكي وﻻبه اطول من لسان المره ولقد الواحد في السعه يشوف نفسه عنتر زمانه ولمن جاء وحده من ثنتين قامت تصافق ركبه فخلك في السعه وانا اشره ع الاداره والمشرفين وﻻ انت ماعليك شرهه

[فهد الخالدي]

وانت صادق الهرج الواجد للحريم
لذلك بخليك تهمق لحالك
ولعلك تبيع الصيوان حقك بعشرة الاف مهب ثلاثه

[الحاتمي2006]

عينو خير وتعوذو من ابليس
كلكم رجال ونعم فيكم
الغلط مهو زين
الواحد لا عرض سلعته يتحمل ردود الناس ولا يخرب عرضه من شان هفوة
والله اعلم بالنوايا
ولو انك قلت عسى الله يرزقك باطيب منها عند المحل احسن من قولة وش جاي تدور
لا تثير اعصابهم ولا يثيرون اعصابك وخيركم اللي يمسك نفسه عند الغضب
اسال الله لكم الهداية جميعاً والطيب فيكم اللي يعتذر عما بدر منه
كلنا هنا اخوان ورجال ولا عندنا الا ما يرفع الراس
رد بالطيب وان كانها اخطا الناس ترده ولا داوه بالسفه
كلامي اللي فوق بشكل عام ولا يعني شخص بعينة
وعسى الله يرزقك تلبيعة اللي تطيب خاطرك . في امان الله

[فهد الخالدي]

اعتذر لك اخ ابو فهد
لدخولي الموضوع بالغلط
لتشابه العنوان . مع عنوان اخر يعرض خيمة الوسم حقت القاضي
وكنت ممن سامها
دخلت لم انتبه للعنوان
اما خيمتك فتستاهل ومن الخيام الثمينه
تقبل اعتذاري اخي

[f 16]

والله كفو يالخالدي
اعتذارك بحد ذاته شهامة ومروة منك وبيض الله وجهك

[فهد الخالدي]

والله كفو يالخالدي
اعتذارك بحد ذاته شهامة ومروة منك وبيض الله وجهك

وجهك ابيض اخوي وحق واجب اعتذاري لابو فهد
وارجو منه قبول اعتذاري والله يغفر له وعفى الله عما سلف

[ابوفهد 505]

يالخالدي عذرك مقبول ونفسن ماتقبل العذر ماتستاهله وهذا طبع الذيابه تناهش وكلن منها يوجع الثاني وترجع مثل ماكانت وانا اخطيت والله اني من قلت الكﻻم الي قلته اني متحسف وودي اني حاذفه من اول ما كتبته لكن والله ما عرفت الشيء الثاني الخيمه الي سببت ذا المشكله ترها جاتك والله العظيم ان تاخذها لكن اتصل علي علمني مكانك ارسلها لك وﻻ انسى اخوي الحاتمي بيض الله وجهك ع الكﻻم الطيب ،،،،

[ابولولو]

الحمدلله التسامح وطيب النفس بين الأعضاء

وكلكم تستاهلون الطيب والعلم الطيب

والاعتذار من شيم الرجال

بارك الله بالجميع وهذا اللي خابرينه عن أعضاء مكشات الرجال

[فهد الخالدي]

هديتك يالامير وصلت ووصل قبلها نباك الطيب ولا هو غريب عليك والله يبارك لك بعمرك ومالك
تقبل تحيتي وتقديري

[العضيد 7788]

بيض الله وجيهكم .. خنقتني العبرة

[الحاتمي2006]

يالخالدي عذرك مقبول ونفسن ماتقبل العذر ماتستاهله وهذا طبع الذيابه تناهش وكلن منها يوجع الثاني وترجع مثل ماكانت وانا اخطيت والله اني من قلت الكﻻم الي قلته اني متحسف وودي اني حاذفه من اول ما كتبته لكن والله ما عرفت الشيء الثاني الخيمه الي سببت ذا المشكله ترها جاتك والله العظيم ان تاخذها لكن اتصل علي علمني مكانك ارسلها لك وﻻ انسى اخوي الحاتمي بيض الله وجهك ع الكﻻم الطيب ،،،،


هديتك يالامير وصلت ووصل قبلها نباك الطيب ولا هو غريب عليك والله يبارك لك بعمرك ومالك
تقبل تحيتي وتقديري

اللهم لك الحمد كما ينبغي لجلال وجهك وعظيم سلطانك

سبحان الله يبدل من حال إلى حال ،،،، يقول حبيبنا الرسول صلى الله عليه وسلم " أنما بعثت لأتمم مكارم الأخلاق " .. أشهد بالله أنكم رجال كفو اللي ابتداء بالعذر سبق خوية بالطيب واللي أهدى غلب ولا انغلب واردى فعايلة ..

الوكاد نرجع لموضوع الخيمة كم وصل السوم ياراعيها وهل معها مضلة لي رغبة فيها كان البيع سمح 0561870800 أبو حاتم

[ابوفهد 505]

الخالدي اعتذر عن الخيمه اووفرها واخر السوم 2600 والحد 3000 الي له نظر يكلمني وسﻻمت الجميع......

[فهد الخالدي]

ياجعل عيني ما تبكيكم ولا اشوف فيكم مكروه
ابو فهد انا ابتوسط للحاتمي
اجدع له اللي ترا من حدك
تقاربو شوي
الحاتمي يستاهل
وانت يابو فهد كفو والمكارم عند شنبك وانا اشهد

[ابوفهد 505]

الخيمه انباعت لابو حاتم الله يبارك لك فيها يابوحاتم ويعطيك من خيرها ويكفيك شرها نرجوا من الاداره حذف الموضوع

[فهد الخالدي]

مبروك لابو حاتم والله يطعمه خيرها ويبليها بالعافية
وانت الله يعوض عليك
لكن لازم الحاتمي يكشت بنا نجرب الخيمه

[الحاتمي2006]

جزاك الله خير يابو فهد
لا خلا ولا عدم
والله انها كنها هدية
والله يحييكم
اللي يمر الحدود الشمالية يتصل وهذا جوالي ٠٥٦١٨٧٠٨٠٠
انتم ومن يقرا حياكم الله .... نكشتكم وندسم شواربكم

[أبوسعد111]

بيض الله وجيهكم جميع
وجزاك الله خير يابوفهد على سماحتك
وبارك الله للحاتمي

روى البخاري و ابن ماجة
عن جابر بن عبد الله رضي الله عنهما أن رسول الله صلى الله عليه وسلم قال:
(رحم الله عبداً سمحاً إذا باع، سمحاً إذا اشترى، سمحاً إذا اقتضى).
فالسماحة في البيع والشراء هدي نبوي تربوي فيه خير كثير، تربى عليه صحابة رسول الله صلى الله عليه وسلم ومن اقتفى أثرهم

كثر الله من أمثالكم

[قيس عبدالله]

ابو فهد - الخالدي - الحاتمي

فعلا اثبتوا انكم رجال ونعم وهذا ماتعودنا عليه في المنتدى الطيب كلنا اخوان والواحد يعذر اخوه بيض الله وجيهكم

[غريب طيبة]

:lr الله يرزقك :lr