شريت لي قرمبع وبلشت فيها لنكن موديل 98

[Hawawii]

اخواني صباح الخير لكم جميعا
شريت سيارة موديل 98 لنكن ابي اكشخ بعشر الالاف وطلع فيها مايلي:
1- صوت كرونة ونه.
2- لمبة الايرباق تولع وتطفي بعدين تظل شغالة.
3- لمبة track check شغالة.
4-علبة الدركسون لها صوت ون ون ون ون اول ماخذتها قالي الفحص فيها تهريب.
5- ديكور الباب السواق منخلع ويبي تغيير.

تكفون يالنشاما ابي تدلوني وين اصلحها بأقل تكلفة مع العلم اني ساكن برا الرياض واقرب مكان لي صناعية شرق الرياض

[ateeq7]

الله يسر امرك
اذا انته من هوات الامريكي خلاص الذي صار صار
و بالهداوه كلشي ينحل و الامور التي عندك ما هي عضيلة اذا السيارة تمشي و تادي الغرض حطلك خطه شوف الاهم و المهم لو كل شهر غيرة حاجه او ضبطة حاجه بتتيسر ان شاء الله و خذلك لفة على التشليح و الجديد و وشوف كم تكلف تصليح الاعطال و سجلها في ورقة و كل ما تحصل فرصة مر على الورشة و صلح العطل حتى لو استجد شي جديد لا تجزع بالعكس قيم المشكلة و ظمها مع الباقي

[ابو ساره العنقري]

ونه الكارونه لازم تغير دفرنس كامل تقريبا تشليح 1500

لمبه الايرباق اذا الاريباق سليم ماطلع معناته حساس الاريباق عطلان واحيانا اذا فكيت المراتب بالتلميع تولع اللمبه تطفي بالكمبيوتر

لمبه تشييك المكينه اذا الموتر صافي مافيه تقطيع ومافيه مشاكل واضحه بالمكينه طنشها وطفها عن اقرب محل كمبيوتر لانه تولع على اي شي واذا صلحت المشكله ماتطفي من نفسها لازم تطفيها كمبيوتر

الزيت اذا ينقص الدركسون غلقه وصلح تهريب العلبه

ديكور الباب اقرب تشليح تلقاه ب 150 ريال تقريبا

[ابوراكان تبوك]

وازيد على كلام الاخوان

افحص كمبيوتر رايح يحدد لك الخلل واوتقع لمبة التشييك تولع بسبب الايرباق

وماعليك قطعه رخيصة نفس قطع الفورد الماركيز تقريبا

[ابوعبدالله172]

نصيحتي لك من اخ مشفق بعها في اقرب معرض

[حترش]

بعها تشليح

[عبار درب]

اذا تستغني عنها اضم صوتي للي اوصوك تبيعهاو الا الله يعينك على مصروفها كل فترة بتبين عله السيارة قديمة عمرها اكثر من 15 سنة و المشاكل الخفية اتوقع اكبر من الي بينت

[اسدهم]

عندك الصناعية الخليج