مشكله ثقل بالدركسون باترول

[محمد الرميثي]

السلام عليكم ورحمة الله وبركاتة

عندي مشكله بباترول موديل 90 باالدركسون ثقيل خاصة إذا كنت واقف لازم باليدين الثنتين ويحتاج هوش مع الدركسون علشان ألف سواءاَ يمين أو يسار وإذا مشيت يخف شوي لكن مع اللفات حتى لو اني ماشي ثقيييييييل مرة
فيه واحد من الاصدقا يقول يمكن متسدد الزيت حق الدركسون المواصير او الماصورة حقت الدركسون فيها مسمار اخر الماصورة فكه ونظفه لين يطلع الزيت يقولي نظفه بسيم او شي طبعا مدري اخاف العب بالموتر

والمشكله الثانيه صرفيه البانزين وش حلها سمعت فيه ابر يضبطونها بالكبليتر وتروح الصرفيه

طبعا انا من سكان بريدة علشان اذا فيه ورشه متخصصه بهذة المجالات تفيدونا

وش رأيكم وابيكم تفيدوووووني مشكورين

[هاوي بلادي]

شيك على زيت الدركسون ومواصير

ومتى اخر مره عملت تشحيم للموتر من تحت !

[م س س]

وعليكم السلام
اذا علبة زيت الدركسون( طرمبة الدركسون) ما هي فاضيه وعبيتها ولا نفع احتمال ان عندك طرمبة الدركسون البلف مقفل تحتاج الى فك وعمل اصلاح لها وتبي تتأكد من طرمبة الدركسون هل هي تظغط الزيت للدودة او انها ما تضغط تتبع اليات من علبة الدركسون إلى الدودة بتحصل لي كبس ولي آخر عادي ما هو كبس اللي الكبس هو اللي الذي ينطلق منه الزيت من العلبة إلى الدودة واللي العادي هو خروج الزيت من الدودة إلى علبة الدركسون وهكذا فك الي العادي تحصل عليه قفيز عادي وشغل اذا طلع الزيت منه معناته ان الطرمبة شغالة بس خل واحد يشغل ويطفي علطول لأنه بيندفع زيت قوي اذا الطرمبة شغالة انتبه منه اذا ماطلع زيت نهائي شغل ثاني ودوس بنزين شوي ولاحظ هل بيطلع زيت

[SGL]

بخصوص الكربريتر يركبون أبر ألتيما
وبخصوص طرمبة الزيت ممكن يكون هوا بعد ماتطفي الموتر فك الغطى شوف الزيت معه فقاقيع كثيره مثل الرغوه جرب تسوي تنسيم من عند الدوده

[محمد الرميثي]

طيب يا اخوان رحت لورشه البطي ببريدة متخصصه بالدركسون وقالي عندك العلبه حقت الدركسون خربانه لان المهندس جرب اذا دعست بنزين والموتر واقف يخف الدكسون يصير كويس والعلبه الزيت الي فيها مايتحرك وقالي ميه بالميه خربانه ورحت لقطع غيار باتيس ولقيت ثلاث انواع النوع الاول اصليه وغاليه بالف وثلاث والثانيه صينيه باربع ميه وخمسين بدون ضمان والثالثه مجددة مع الرجيع تصير باربع ميه وضمان شهر

الثالثه مجددة من شركه بالرياض بس لازم مع الرجيع وش رايكم

او اذا تصلح دلوني على ورشه ومشكورين

[اسدهم]

اذا انت في الرياض الصناعية القديمة محل اسمة الهدروليك يوضب نفس الي معك يغير صوف وبلوف لذا وجد

[محمد الرميثي]

الحل بجرب اغير الصيني

[SGL]

الحل بجرب اغير الصيني

بخصوص طرمبة الزيت في نوع ياباني شركة باروت سعرها كان بحدود 700 ريال إذا حصلتها تمام :good2: مركبها واحد أعرفه لها سنه ماشاء الله مايشتكي منها
وياليت تحاول تفضي الزيت من العلبه وتشوف الفلتر هل هو نظيف وبعدها تعبي زيت فل وترفع الموتر من الأمام تخلي كفراته بالهوا بعدين تشغل الموتر وتخلي صاحبك يلف الطاره أخر شي يسار ويثبت الطاره وإنت بمفتاح 10 أو 8 تروح لدودة وتحصل مسمار تنسيم مثل الي في كليبر الفرامل وتحل فيه تخليه يطلع منه زيت وتقفله يعني ثواني بعدين صاحبك يلف الطاره يمين وتكرر نفس الطريقة أكثر من مره إلين تشوف الزيت يطلع صافي وقوي بدون فقاقيع أو رغوه بعدين طف الموتر وعبي زيت للحد المطلوب وجرب موترك يوم وشوف في فرق وإحيان يكون البلف مثل ماقال أخونا م س س

[م س س]

صيني وبدون ضمان بعٍّد عنه