مضحوك علينا باسعار الاقمشة والعزب والاروقة

[خوي نفسي]

السلام عليكم

رحت للبطحا بالرياض وتحديدا عند اماكن بيع مستلزمات العزب والرواق وماشابه من الاقمشة

لقيت الاسعار معقولة وبعد اختيار الاغراض والمكاسر اخذناها برخيييص

اما بالمحلات عندنا رافعين اسعارها

والمحطات عند ابويمن رافع سعرها بشكل خيالي ولم يراعي حرمة مايقوم به لانه يعتبر من الخداع والغش

انصح كل من يريد شي يذهب لهذه المحلات

وانصح العاطلين عن العمل الشراء بالجملة وبيعها عند اماكن تجمع الشباب والمخيمات

[ابو سالم22]

جزاك الله خير وعسا الله ينور قلبك

[أبو شيري]

العام الماضي فصل مضله ورواق وثلاث شنط وعزبه وجراب للفراش
وجرابات للذرايه والمنقل والمركابه اللي تصفط والشوايه والصحون
وشغل بفكرتي وطلبي وعلى مزاجي
وكل الإجمالي طلع بربع الأسعار برا لاني لفيت وسعرت قبل
وقررت أي طلبات قادمه اجمعها واصممها عندهم مره وحده

[صخب]

ماني من اهل الرياض
لكن اذا تقصد محلات الخيام اللي بالغرابي عز الله والرخص
انصح اللي يبي فراش نوم يروح لهم وبيحصل نوعيات وبجوده عاليه طبعا شغلهم والقيمه ماتعدا ١٥٠ ريال
ونفس الجوده تحصله بالمحلات دبل السعر

[اليتيم1]

الله يعطيك العافية وهذا ملاحظ في محلات الخيام

[زمزم 100]

صدقت في كلامك عن محلات التجزئة اليماني وغيره يكسب لكن ترى معروف من يبي أرخص الأسعار حتى التيلفزيونات في الكترو مثلا ٣٩٩٩ ويقول جب جهاز قديم واخصم لك ٧٠٠ ريال بتصير ب ٣٢٩٩ وللأسف سعرها مع التوصيل والتركيب عماير الراجحي ب ٣٠٠٠ريال والنوع سمارت سامسونج ...
لذا المحطات أقول بالنسبة لهم جزاهم الله خير يفكون الواحد في الأزمات ويوفرون عليك الروحة للبطحاء وشكرا

[باتمان]

والله صادق لكن لو كنت بعيد عن هذي المحلات بتضطر تاخذ من المحلات الغالية
قبل فترة كنت أدور على موقد الفراشة الكوري ودورت في المحلات الموجودة بمنطقتي مالقيت
بعدين لقيته عند محطة بنزين وأخذته بسعر غالي مع العلم أنه عند الوكيل بالرياض أرخص لكن صعبة أضرب مشوار 300 كيلو عشان موقد
أيضا هنا بالموقع قسم البيع لاحظ أسعار الدبات والدلال وغيره مرتفعة بشكل كبير والحجة أنه نادر أو مقطوع من السوق

[ابوصالح3]

يااخوان هي جت على هالمحلات ,,,للاسف مضحوك علينا بكل شي

هالتجار وجشعهم والعمالة السائبة ولاحسيب ولارقيب ولاحماية مستهلك ولامكافحة الغش التجاري

والشكوى لله سبحانه

[ابورايف]

صحيح الغربي كنت فيه قبل اسبوع عندهم حركه غير طبيعيه علشان الموسم
والامر الغريب عندهم اقمشه ممتازه
فصلت عندهم رواق للكفرات بمائتين وخمسين ريال مع الشنطه لكن قماش ممتاز ودرجه اولى

[خالد الخطير]

صحيح الغربي كنت فيه قبل اسبوع عندهم حركه غير طبيعيه علشان الموسم
والامر الغريب عندهم اقمشه ممتازه
فصلت عندهم رواق للكفرات بمائتين وخمسين ريال مع الشنطه لكن قماش ممتاز ودرجه اولى

ماشاء الله

بهالقيمه ماتاخد فيها شي من محلات الرحلات

يمكم تطلع بجركل مويه :D

[خوي نفسي]

ماني من اهل الرياض
لكن اذا تقصد محلات الخيام اللي بالغرابي عز الله والرخص
انصح اللي يبي فراش نوم يروح لهم وبيحصل نوعيات وبجوده عاليه طبعا شغلهم والقيمه ماتعدا 150 ريال
ونفس الجوده تحصله بالمحلات دبل السعر

اخوي سعر الفراش السفري الفرو ب50 ريال وفيه نوع اللي يجي من داخل بطانة مايكل لأنه يطلع لو تشهد بيدك

[almajd]

أكيد اللي عندهم قسم ملة بيكونون أرخص ، لكن أحيانا ما تسوى عنوة المشوار

[مكشاتي مدني]

اشهد بالله انك صدقت ياصاحب الموضوع انا ادخل لمحلات الرحلات على سبيل المثال السنيدي واخذ لي شنطة عزبة فاضية لا وقماش صيني ليتة تنزاني الاصلي ماعاد يجي صدقني ماتكلفة 30 ولا 50 ريال ويبيعها عليك ب 130 او 150 ريال وكم علبة بلاستيك ودلة وابريق واذا جيت احاسب يقول 500 ريال تتوقع من وين بيجيب قيمة الاجارات ورواتب العمال الا من هالطريقة الغرابي ارخص ويفصلون لك على كيفك ويمديك تروح لحراج بن قاسم تشتري دلة شببة جديدة وتغسلها وتعقمها وبريق شاهي وبيالات وفناجيل من ابوريالين وليفة دلة وسكين وملاعق وبس والحمدلله عزبة كاملة ماتكلفك 250 ريال من ابدع مايكون ومشكور اخوي على النصيحة وتحياتي للجميع

[الصيادالمليح]

ارتفاع الاسعار بسبب ان هناك زباين تدفع بدون ما تسأل أو تفكر

مثل اللي يشتري لاندكروزر فوق ثلاثمائة الف وما يسأل على وش قيمتها مرتفعه؟؟ قيمة السيارة ما تتعدى 100 الف و لكن بقية الميتين الف قيمة الاسم ( تويوتا لاندكروزر )
أو يشتري اغراض ما يستخدمها إلا شهر في السنة و بقيمة مرتفعة و في نهاية السنة يقطها ويشتري غيرها ويقول صارت قديمة

[اصيل نجد]

بارك الله فيك اخوي كلامك مظبوط ميه ميه يارب ترزقنا القناعه بعض هالمحلات مايقنع بالمكسب المعتدل .

[ابوهايلكس]

موضوع جميل وصحيح البطحاء وحراج بن قاسم كل شي رخيص انا مفصل قماش تنزاني اصلي ضد الماااء على هنقل من البطحاء 500 ريال والسنيدي ما يكلمني الا فوق 1500 وش الفرق مدري بس انه نصاب وبس

[بارق االوسم]

السلام عليكم ورحمة الله وبركاته
موضوع جميل
لكن نحن شعب استهلاكي لدرجة الاسرااااف نحن لانوفر معك فلوس اصرف يوم 25 الاسواق والمطاعم فل
يوم 18 في الشهر الاسواق شبه فاضيه كل بسبب سياسة الاقتصاد الشخصي او المنزلي الخاطئة وتعقيبا على كلام الاخوان اللي سبق محلات الكشاته اكبر دليل على استنزاف جيوبنا والدليل ان هناك في بون شاسع في الاسعار وتوصل الفروقات الى 1000 ريال او 500 او 100 ريال وكله ذلك اتى بسبب ( الدرعا ترعى ) والحبل على الغارب فالتاجر همه كيف يصرف بضاعته بأي شكل من الاشكال .
فعلا الاخوان صادقين اروح محلات الغرابي او محلات الاواني في البطحاء او تفصيل الاشرعه او اي سلعه ارخص
لايهمني ختم السنيدي او غيرها ممن يحدون السكاكين لااستنزاف جيوب السعوديين .
قد وصل بينا الامر الى المفاخره في كثير من مشترياتنا ، عوده لموضوعي وهو يجب علينا الترشيد، والامور ماصارت زي اول التضخم وصل مرااحل متقدمه والرواتب اصبحت لاتفي بمتطلبات الاشياء الاساسية لذلك (ثقافة المقاطعه ) واشتري اللي بعجبني وانا ليس من يقول اقنت على نفسك وعلى عائلتك ،ولكن لاتكون مبذرا وتقدر تطنخ نفسك باقل التكاليف لان الخيارات كثيره .
ولكن اجعل ذلك بقدر معلوم

اتمنى ان اكون وصلت فكرتي

[قناص2000]

لاتروح لا يمين ولا يسار على الغرابي وقض من الاف الي الحمزة بعد واللي براسك يسوه ويتنافسون بعد كل ماجيت للرياض لازم امر الغرابي حتى لو مالي حاجة
وفالكم التوفيق للجميع

[---ابو يوسف-]

الغرابي زين وانا عندي محل بالغرابي بس يااخوان انتبهو للجودة طبعا انا مااشري من الغرابي
ولا اشري المستورد اشري المخيط هنا من محلات معروفه لان تخييط الغرابي مش حالك مايشرون
الخيط الزين ولا القماش الزين انصح الاخوان اللي يبي يفصل يشرط عليه الخيط تايوني الاصلي لانه فيه تقليد
ورقم الخيط 20\3 ولايقرب القماش الصيني يطلب قماش باكستاني او تايندي هن افضل مافي السوق وطبعا
يجن انواع يشيك علي القماش اول بيده يشوف متانته والرواقات لاتشتري من الغرابي الا حديده سيخ مهب ماصوره الماصوره
طقتين بالشاكوش ومنعفطه الحديده والمحطات اللي بالطرق كل اللي عندهم اردي الاقمشه والروقات والشناط لاتاخذ الا اذ اضطريت

[محمد بن سريع]

يعطيك العافيه
صادق اللي يقول ملعوب علينا بكل شي حتى المحلات اللي جنب بعض يختلف السعر
لكن ناخذ حقنا ان شاء الله يوم الفصل العظيم

[عشانا]

تدرون ليش ملعوب علينا لاننا لا نصع شيا حتى مايستر عوراتنا لانصنه
اكلنا وشربنا لانصنعه
زين نصنع الفش فاش والفيشار
وكل شئ يتحكم فيه الاجنبي

تدرون زين اننا ناكل ونشرب بانفسنا

[adnanmgh]

ماشاء الله تبارك الله
حظكم عندكم تفصيل

بجدة انسى

[قناص مزاجي]

انا كل العزب والاغراض اشتريها من البطحاء جوده وشغل نظيف ورخيص

اغلب المحلات شغلهم بلبطحاء

[بيرق أبو ليان]

فرق السماء عن الأرض بالجودة
لا من ناحية الخام ولا التفصيل الشغل بالغرابي ردي للأسف

[المتلولس]

جزاك الله خير على النصيحه

[ابو البر]

السلام عليكم

رحت للبطحا بالرياض وتحديدا عند اماكن بيع مستلزمات العزب والرواق وماشابه من الاقمشة

لقيت الاسعار معقولة وبعد اختيار الاغراض والمكاسر اخذناها برخيييص

اما بالمحلات عندنا رافعين اسعارها

والمحطات عند ابويمن رافع سعرها بشكل خيالي ولم يراعي حرمة مايقوم به لانه يعتبر من الخداع والغش

انصح كل من يريد شي يذهب لهذه المحلات

وانصح العاطلين عن العمل الشراء بالجملة وبيعها عند اماكن تجمع الشباب والمخيمات

اما ابو يمن فهو والله العظيم انه ماخذ راحته في البلد يحط السعر اللي براسه في كل شي حتى لو يبيع كراث وبالنسبه يوم تقول العاطلين عن العمل الشراء بالجمله ويبيع فراح تصير الأسعار اعلى من ابو يمن .

[أبوخالد 911]

وين موقعهم يا شباب اللي يعرف يفيدنا جزاكم الله خير

[المهاجر انا]

الفرشات ما أخذها ألا من الغرابي 2×3 ب120 ومع المكاسر ب110 و2×4 160 ومع المكاسر يمكن 140 وقماش سعودي ليس تركي حتى اللي في محلات الرحلات ليس تركي اغلبه

[ابو خالد 111]

شباب لاهنتوا وين الموقع بالتحدد او اسمه

ابي افصل لي مضله وابي افصل لي رواق كفرات

جزاكم الله خير

[ابوخالد كشات]

جزاك الله خير وبيض الله وجهك

[الحربي حاتم]

بارك الله فيك على حب الخير لإخوانك

[النـداوي]

شكرا على التنبيه

[الدبل الثقيل]

السلام عليكم

رحت للبطحا بالرياض وتحديدا عند اماكن بيع مستلزمات العزب والرواق وماشابه من الاقمشة

لقيت الاسعار معقولة وبعد اختيار الاغراض والمكاسر اخذناها برخيييص

اما بالمحلات عندنا رافعين اسعارها

والمحطات عند ابويمن رافع سعرها بشكل خيالي ولم يراعي حرمة مايقوم به لانه يعتبر من الخداع والغش

انصح كل من يريد شي يذهب لهذه المحلات

وانصح العاطلين عن العمل الشراء بالجملة وبيعها عند اماكن تجمع الشباب والمخيمات


وعليكم السلام ورحمة الله وبركاته
كلامك صحيح اخي الكريم وجراك الله خير على النصيحة
لكن لي تعقيب على امرين
الاول قولك ابويمن ، ماتجوز لانها من التنابز بالألقاب والاستهزاء بالاخرين واحتقارهم - ولا اظن انك تقصد ذلك لكنها عبارة تعودنا ان نقولها
الامر الثاني هذا ( والمحطات عند ابويمن رافع سعرها بشكل خيالي ولم يراعي حرمة مايقوم به لانه يعتبر من الخداع والغش )
لا اظن ان مايفعلونه غش وخداع وسأشرح لماذا؟
لان لوازم الرحلات متوفرة في كل مكان ولست ملزما بالشراء من المحطات بأسعار غاليه ولو كانت الجودة رديئة لانك تدفع قيمة توفرها في طرف او خارج المدينه
تحريم امر ما لايكون بهذه السهوله على الضعفاء دون الاقوياء ، انا لا ارضى بفعلهم جميعا ولى احنا مأكولين من اغلب النواحي
تحريم زيادة سلعة ما لابد من توفر اشياء
اولا ان تكون السلعه من الاشياء الضرورية للحياه كالماء والخبر والتمر والادويه وماشابهها
ثانياً ان يكون الناس محتاجين حاجه شديدة لها كوقت حرب او مجاعه او مثلها
ثالثاً ان لاتتوفر الا عند تاجر وهو محتكرها و رافع سعرها
عندها يجبره ولي امر المسلمين بخفض الاسعار او غيره من الاجراءات
والان سلع كثيره وبعضها ضروري واسعارها نار وايضا محلات رحلات كبرى اسعار في ارتفاع والجودة في انحدار
اكرر اني احسن الظن بك لكن احببت التنبيه ولا انفي ان بعض السعوديين والمقيمين يغشون او يزيدون الاسعار
لكن مادام الامر ظاهر ان الجودة رديئة والسعر غالي فانت تدفع قيمة بُعد المكان عن مركز واسواق المدينه ومادام مافيه انظمه محدده وصارمه وتُطبق على القوي والضعيف فصعب تقول حرام عليهم مع توفر البديل ، ولابد ان نقاطعهم وسينجبرون على خفض الاسعار بإذن الله هم وغيرهم
هذا رأيي والله اعلم

[سنابل الذهب]

ياخوي اتق الله ولاتحرم مااحل الله وتصف البيع بسعر غالي بأنه غش وخداع وحرام !
السلعه ملك للبائع وهو حر يبيعها بأي سعر ولايوجد دليل على تحديد نسبة المكسب . ولايوجد غش او خداع او نصب في سعر البيع . للاسف الجهل بهذا الموضوع لدى المسلمين منتشر .
الغش والخداع والنصب في اشياء اخرى مثل وصف السلعه مثلا يقول لك ان السلعه يابانية والحقيقة صينية وعدم عمل السلعه وتعطلها ان كان يعلم ومع ذلك يبيعها . ويوجد موضوع مهم انصحك بقرائته ولااستطيع اضافة الرابط على العام

واقتبس :
لا يوجد في نصوص القرآن الكريم، ولا في السنة ما يجعل للربح حدًا معينًا أو نسبة معلومة

وبتوفيق من الله تبارك وتعالى وجد في صحيح السنة المشرفة، وفي
عمل الصحابة -رضي الله عنهم-، ما يدل على أن الربح إذا سلم من كل أسباب
الحرام وملابساته، فهو جائز ومشروع إلى حد يمكن لصاحب السلعة أن يربح فيها
ضعف رأسماله مائة في المائة (100 %) بل أضعاف رأس ماله، مئات في المائة

[بدران الدوسري]

مهوب دايم تصير ربحان من الغرابي

قد شريت شنطه عزبه بـ 70 ريال , خامتها مش حالك والجوده لك عليها وتشققت مع الوقت

وخذت من برق الحيا عزبه بنفس السعر وفرق السما عن الارض بين جوده هذا وجوده هذا السحبات اكثر من ممتازه والقماش خامته جيده جدا ولله الحمد ماتحسفت اني شريتها

على العكس ادور لي فراش بر او مايسمى كيس نوم , رحت للـ رماية و السنيدي وبرق الحيا . البريه . ثم رحت للقصيم رحت للمرباع والسنيدي وعروق الشمال . كل ذولا فرشهم الي تمشي الحال ماتبدا الى من 150 ريال وانت طالع
والي تناسب حاجتي بـ 450 .

بفضل الله رجعت للغرابي وتوفقت في محل عنده فراش اكثر من ممتاز بـ 180 ريال ويناسب حاجتي

[SGL 4200]

ياخوان الله يرضى لي عليكم ابغى احداثيات محلات بيع القمشات العزب وين موقعه لاني لست من اهل الرياض

[الدبل الثقيل]

ياخوي اتق الله ولاتحرم مااحل الله وتصف البيع بسعر غالي بأنه غش وخداع وحرام !
السلعه ملك للبائع وهو حر يبيعها بأي سعر ولايوجد دليل على تحديد نسبة المكسب . ولايوجد غش او خداع او نصب في سعر البيع . للاسف الجهل بهذا الموضوع لدى المسلمين منتشر .
الغش والخداع والنصب في اشياء اخرى مثل وصف السلعه مثلا يقول لك ان السلعه يابانية والحقيقة صينية وعدم عمل السلعه وتعطلها ان كان يعلم ومع ذلك يبيعها . ويوجد موضوع مهم انصحك بقرائته ولااستطيع اضافة الرابط على العام

واقتبس :
لا يوجد في نصوص القرآن الكريم، ولا في السنة ما يجعل للربح حدًا معينًا أو نسبة معلومة

وبتوفيق من الله تبارك وتعالى وجد في صحيح السنة المشرفة، وفي
عمل الصحابة -رضي الله عنهم-، ما يدل على أن الربح إذا سلم من كل أسباب
الحرام وملابساته، فهو جائز ومشروع إلى حد يمكن لصاحب السلعة أن يربح فيها
ضعف رأسماله مائة في المائة (100 %) بل أضعاف رأس ماله، مئات في المائة



احسنت اخي الكريم واضيف اقتباس من ردي السابق

( تحريم زيادة سلعة ما لابد من توفر اشياء
اولا ان تكون السلعه من الاشياء الضرورية للحياه كالماء والخبر والتمر والادويه وماشابهها
ثانياً ان يكون الناس محتاجين حاجه شديدة لها كوقت حرب او مجاعه او مثلها
ثالثاً ان لاتتوفر الا عند تاجر وهو محتكرها و رافع سعرها
عندها يجبره ولي امر المسلمين بخفض الاسعار او غيره من الاجراءات )

قال تعالى ( ولاتقولوا لما تصف السنتكم الكذب هذا حلال وهذا حرام لتفتروا على الله الكذب...)

ونحن نحسن الظن بأخواننا خصوصا صاحب الموضوع ، لكن اردنا التنبيه

[خيال الغلبا]

اخوي الدبل الثقيل انا اشهد انك ثقيل ورزين ماشاء الله


اخوي سنابل الذهب ممكن تعرف لي الغبن ؟

[ايودحيم]

هل في الغرابي يفصلون تلبيسة شنطة لاند كروزر

[الحربي حاتم]

الأخ سنابل الذهب كيف تقول يرفع السعر على كيفه . هل تعرف شي في الإسلام إسمه الغبن
ثم لو بعتك سيارة بخمسين ألف وإكتشفت بعدين إن سعرها في السوق مايتعدى 40 ألف بأحسن الأحوال وش تقول !!!!!!!!!!!!!!!!!!!!؟
ذاك الوقت تعرف حلال وحرام

[بلجان]

انا لي تجربة مع العزب شغل الغرابي وشغل برق الحيا او القاضي او عروق الشمال او السنيدي

الغرابي تتقطع مع الوقت الشيالات والخياطة و السحابات تستهلك بسرعه عكس القاضي أو .......
الرواقات تاخذها من الغرابي وتحافظ عليها وتطقهن مضبوط تعيش معك وفيه فرق كبير بالسعر بينهن واروقة البرية أو السنيدي ....

أنا أييد انك تاخذ شنط عزب فقط ممتازة وجودة تعيش معك سعرها دبل الغرابي وتجمع اغراضك من برا

[بلجان]

على الفكرة الاسعار احياناً تفرق 5 ريال
مثال شنطة لدافور 5 رطل في برق الحيا تصميمها حلو والقماش ممتاز ب 20
الغرابي ب 15 واردئ

[Bader-M]

عليكم السلام ورحمة الله
انا التفق معاك انهم ارخص من واقع تجربة
المحطات بالطريق دائما تكون اغلى ومن ثم محلات التجزئية (البرية و برق الحياء و عروق الشمال و السنيدى)
ارخصهم هي محلات الجملة في الغرابي
مثال الجرابات الشاهي و القهوة (خمس قطع ) 30 ريال بالغربي
عن برق الحياء 35 ريال
شنطة العزبة متوسطة الحجم بالغرابي 80 ريال
عند البرية و برق الحياء 90 ريال
السوال هنا هل يستحق العناء الذهاب للغرابي عشان 10-50 ريال
بنسبة لي الامر لا يتسحق العناء
ألا بحالة واحده
وهي كتابة جميع النواقص بالعزبة والذهاب مرة واحدة و شرائها
او تريد تفصيل خاص بك لا تجدها بمحلات الجاهزة
كما يفعل بعض الزملاء

[قناص مزاجي]

بارك الله فيك اخوي