للاهمية فضاوة في الكاررونةوهل تسبب كارثة!

[محسن البعزقي]

السلام عليكم واسعد الله اوقاتكم بالخير والمسرات
طبعا سيارتي لاندكروزر 2006 ماشي مية وتسعين الف
وسبق وطرحت مشكلتي بخصوص الصوت طقطقة بالخلف أشبهها لكم مثل ضربات القلب .. وحبيت اشيك على السيارة ومريت كم ورشة والمفاجأة ان كلهم اتفقوا على فضاوة بالكارونة بل ان احدهم زاد وقال ان عندك عكوس الكارونة كلها تعبانة ويمكن تقفل على الكررونة وانت ماشي بالخط!! فتسبب لك كارثة وقال انا بفك العكوس واضبطها وتكلفكك 2000 وإن شاءالله تزط الامور واذا ماضبطت لاتحاسبني!!
طبعا الصوت يطلع على خفيف خاصة اذا وقفت أو مشيت على ارض غير مستوية شيكت على الربلات وشيالات الدفرنس الخلفي سليمة المشكلة ظهرت قبل شهر تقريبا لاني غرزت بالثمامة وشبكت الدفلوك ومشيت عليه فوق العشرين ..تتوقعون ان الدفلوك سبب فضاوة بالدفرنس الخلفي والكارونة ؟ مشكلة خوفتني خاصة كما سمعت ان الكرونة تقفل علي باي وقت وعلى اي سرعة!!! وبديت افكر جديا ابيع الجيب لان دخول عالم الدفرنسات والكارونات وخراباتها توهان واستنزاف مالي كبير . علما ان مافي اي صوت بالكارونة ابدااا.
لاهنتم جميعا مشورتكم ومالحل


استغفر الله واتوب إليه.

[علي سهلي]

والله ي اخوك انا خربت علي الكارونه 3 مرات يمكن بس انا جمس يختلف ..

والسبب الناس اللي اسحبهم وانتعهم , < هاذا كلام المهندس ..

ع العمووم مره انفك عمود الدوران بسبتها طاح كامل وانا بالشارع ..
ومره جمدت السياره لا عاد تعشق ولا شي ..

لو مشيت وسمعت صوت زي الصفاره ورا من عند الدفرس اتوقع انهاا الكارونه
والله اعلم .. وانصحك تعاجل تشوف لها حل ..

[نافاارا]

دائماً أسمع الناس تقول لا تصلح بالدفرنس أي شيء

خذلك واحد من التشليح وعليه ضمان

ولا أنا ما عندي خبره ولا قد صينته

طلع لي صوت في دفرنس سيارة سابقاً طنشته حتى إني بعتها

طبعاً كل ماله يزيد هالصوت أول كان مايبين معي الا إذا جيت مع طريق نازل ورفعت رجلي عن اللبنص على خفيف يقول يرج وصوته خفيف مايحس فيه الا السايق يمكن

بعدها جاكرت خويي بطلعه ولا هي عوايدي فصارت السياره في اي وقت إذا كنت داعس وفكيت رجلي ترجرج وإذا أسرعت 120 وفوق ترج رج ماهو صاحي

إذا مالك في التصليحات بيع الموتر إذا تقدر تشتري جديد أما إذا بترجع تشتري مستخدم

صلح موترك وخلك عليه

ترى الدفرنس ماهو كايد مثل المكينه والجربوكس

بس قبل لا تصلح تأكد إن المشكله من الدفرنس وإذا تأكدت شوف بكم يصلحونه

وإذا عرفت السعر روح شوف كم أسعار الدفرنسات بالتشاليح وخذ عليها ضمان لو كان فيه مشكله ترجعه لهم

ﻷن تصليح أو تغيير القطع في الدفرنس على ما أسمع وأشوف يحتاج له وزنيه ولاهو كل مهندس يعرف يوزنه

بالتوفيق ياصاحبي

[يالبى الهلا]

الدفلوك مايضر الممشى علية نظامة يفصل لو كان شابك علي سرعة 60 يفصل الدبل الخفيف ماعدا الدبل الثقيل منظومة غير

[يالبى الهلا]

اللي تنطلق العكوس اذا كان الرمان خربان ماينطلق ينكسر
العكس اما الكرونة مايضر حتي لو تمشئ عليها تزعجك بالصوت

[محسن البعزقي]

كفيتم ووفيتم لكن ما مشورتكم علما انه لايوجد صوت , هل تغير العكوس تفتح تروس الكرونة كاملة ام فتح العكوس وتصلحه بدون فكك تروس الكرونة ؟

[يالبى الهلا]

http://www.mekshat.com/vb/showthread.php?t=229302

هذا موضوع يخص الدفرنس من مواضيع اخونا المشرف والحاضر دايما /بدوي جنوبي اللة يجزاة خير ويزيدة علما

[الاشهب 507]

أنا لي تجربه ماساويه
رحت للتشليح وماعي إلى الفين
مطفر على الحديده والدفرنس كامل
حصلته بالفين والكرونه بالف وميتين
شريت كرونه وركبته وما نوزنت معى اني
فيكته اقل شيء 4 مرات في وكالتة تويوتا
قالوا لي المفروض الدفرنس يوزن على رقم
من المصنع واذا انوزن على غير هذا الرقم
لو باقل من ربع ملي متضبط يعني لو تفرق شعره
فغيرت دفرنس كامل ماقد انفك وكاله وفحضته وتاكدت
منه ان مانفك مليون في المية وركبته والحمد لله
زي الساعة وسرت احافظ على تغيير زيته كل ميه وخمسين الف
وماشي ماعليه فاشتر كامل من التشليح وتاكد من
الرقم خمسين مره انه هو نفس الرقم تاكد فيه الين تنحول عيونك
شفني قلت لك تاكد ثم تاكد ثم تاكد
الأشهب 507

[ajaa2009]

نعم اخوي يسبب تكسربالفريولات (التروس التفاضليه) اذا مشيت مسافه طويله وخاصه مع الفات يمين وشمال

[محسن البعزقي]

ماقصرتم بارك الله فيكم


أنا لي تجربه ماساويه
رحت للتشليح وماعي إلى الفين
مطفر على الحديده والدفرنس كامل
حصلته بالفين والكرونه بالف وميتين
شريت كرونه وركبته وما نوزنت معى اني
فيكته اقل شيء 4 مرات في وكالتة تويوتا
قالوا لي المفروض الدفرنس يوزن على رقم
من المصنع واذا انوزن على غير هذا الرقم
لو باقل من ربع ملي متضبط يعني لو تفرق شعره
فغيرت دفرنس كامل ماقد انفك وكاله وفحضته وتاكدت
منه ان مانفك مليون في المية وركبته والحمد لله
زي الساعة وسرت احافظ على تغيير زيته كل ميه وخمسين الف
وماشي ماعليه فاشتر كامل من التشليح وتاكد من
الرقم خمسين مره انه هو نفس الرقم تاكد فيه الين تنحول عيونك
شفني قلت لك تاكد ثم تاكد ثم تاكد
الأشهب 507
تسلم اخوي الاشهب بس ودي اسألك وين الاقي الرقم وهل يشترط نفس الموديل مثلا 2006 خليجي ؟

[الوقيدي]

اكبرخطر ممكن تتوقف الكرونه عن العمل بسبب الحراره وتصلب الرمانات والتروس على بعضها وتحوص السياره اثناء السرعه العاليه . هذا الكلام من واقع تجربه لاأحد الاصدقاء والسياره هايلكس قديم .

[ابوراكان تبوك]

ماقصرتم بارك الله فيكم


تسلم اخوي الاشهب بس ودي اسألك وين الاقي الرقم وهل يشترط نفس الموديل مثلا 2006 خليجي ؟

بعد اذن اخي الاشهب

ماهو شرط نفس الموديل لازم عدد سنن الكرونه الجديده مطابق للكرونه اللي بتركبها

مر الوكاله وعطهم رقم الشاص بيعطيك مقاسها

[عرب الشمال]

كانت عندي نفس المشكله صوت طقه كلهم اجمعو كرونه وعكوس واخر شئ طلع من قماش الجلنط

[محسن البعزقي]

بعد اذن اخي الاشهب

ماهو شرط نفس الموديل لازم عدد سنن الكرونه الجديده مطابق للكرونه اللي بتركبها

مر الوكاله وعطهم رقم الشاص بيعطيك مقاسها
تسلم يالغالي ابو راكان . قصدك تركيب كارونة بدون دفرنس كامل؟
الى الان ماطلع صوت والموتر طبيعي حتى البارحة جربتة في الثمامة وشغلت الدبل والامور جدا ممتازة . لايزال عندي امل ان الكارونة مافيها شي .

[محسن البعزقي]

كانت عندي نفس المشكله صوت طقه كلهم اجمعو كرونه وعكوس واخر شئ طلع من قماش الجلنط
اخوي عرب الشمال ممكن من بعد اذنك توصف لي الطقة انا عندي اذا وقفت او مسكت فرامل تطلع او مشيت على ارض مو مستوية ارفع القزاز واسمع كانها مثلا المراتب الخلفية مو مشدودة .

[محسن البعزقي]

اكبرخطر ممكن تتوقف الكرونه عن العمل بسبب الحراره وتصلب الرمانات والتروس على بعضها وتحوص السياره اثناء السرعه العاليه . هذا الكلام من واقع تجربه لاأحد الاصدقاء والسياره هايلكس قديم .
هلا اخوي الوقيدي بس وشهي اسباب التصلب هل نقص بالزيت او خراب الرومانات او كذا فجأة.

[ابوراكان تبوك]

تسلم يالغالي ابو راكان . قصدك تركيب كارونة بدون دفرنس كامل؟
الى الان ماطلع صوت والموتر طبيعي حتى البارحة جربتة في الثمامة وشغلت الدبل والامور جدا ممتازة . لايزال عندي امل ان الكارونة مافيها شي .

دام مافيه صوت انسى موضوع التصليب لاني غير مقتنع مثلك ماتصلب الابعد يطلع صوت وتأخذ فتره
اذا فيه رجه او وجيج على سرعه 120-140 افحص النيون هل به فضاوه او لا وتكلفة شده ووزنه لاتتعدى 100ريال

[محسن البعزقي]

دام مافيه صوت انسى موضوع التصليب لاني غير مقتنع مثلك ماتصلب الابعد يطلع صوت وتأخذ فتره
اذا فيه رجه او وجيج على سرعه 120-140 افحص النيون هل به فضاوه او لا وتكلفة شده ووزنه لاتتعدى 100ريال
هلا يالغالي ابوراكان انا كنت متشكك بس ليلة السبت تقاومت مع سنتافي لين ال100وماشاءالله كان خفيف ولاسمعت صوت ولارجه .
وشهي النيون!!

[ابوراكان تبوك]

هلا يالغالي ابوراكان انا كنت متشكك بس ليلة السبت تقاومت مع سنتافي لين ال100وماشاءالله كان خفيف ولاسمعت صوت ولارجه .
وشهي النيون!!

البنيون ترس بصاموله كبيره في الفلنجه نهاية العمود الخلفي لازم يفك العمود حتى يتم التأكد منه

[محسن البعزقي]

البنيون ترس بصاموله كبيره في الفلنجه نهاية العمود الخلفي لازم يفك العمود حتى يتم التأكد منه
تسلم يابوراكان بشيكك عليها وان شاءالله كل شي يطلع تمام:good2: