المساعد الشخصي الرقمي

مشاهدة النسخة كاملة : البرد هذا حله هالدفايه .


فنجال
13/12/2006, 11:39 AM
السلام عليكم
امس رحت لم محلات المواعين وشفت دفاية على الغاز بس حاطين فكره ممتازه حاطين في راس الدفايه زي مركاب اذا بغيت تطبخ ماعليك الا تلف السلك وينفتح على شان تطلع النار للعين ( لها سللك تفره علشان يسكر ويفتح الشبك من اعلى ).
وصراحه اعجبتني وشريتها 175 ريال حققيه تنفع للطبخ وتنفع اذا بغيتها تدفيك بالخيمه والا الواحد كاشت هوو البزران والمعزبه يلتمون عليها بدال ماتشب لهم نار وتدخن عليهم ..:p
نبي مشاركاتكم وارائكم .
تحياتي .
مغرز
13/12/2006, 11:54 AM
الفكرة جميلة من وصفك وياليت تحط لها صورة علشان نتعرف عليها اكثر
عاشق البران99
13/12/2006, 12:00 PM
وعليكم السلام ورحمة الله :

تقصد الي لونها برتقالي ؟ كان هي تراها رهييييبة وماتفارقني أبد في البر والتخييم ،،،
فنجال
13/12/2006, 02:03 PM
هلابكم
حياك اخوي مغرز لاتفوتك ... والصور اسمحلي هالوقت ماعني كمره بس اعتقد متوفره بكل محل اواني .

عاشق البران حياك الله نعم لونها برتقالي .
هاوي البر
20/12/2006, 09:27 AM
اسعفونا يا اخوان بصورة لها او عطونا وصف لها تقريبي علشان نطلب مثلها
يعني لونها حجمها صناعتها..........
وهل تستخدم الغاز العادي ام يركب عليه غاز خاص وكم يجلس الغاز يشتغل من ساعة
المرقاب
20/12/2006, 09:56 AM
هذه شكلها ممتازة

وعلى الأقل عطنا أسم المحل
فنجال
20/12/2006, 11:21 AM
هلا اخواني

هاوي البر والمرقاب
صراحه دفاية الغاز للراعي البر ماله غانة عنه وتستعمل في البيت بعد وهي ياخواني نوعين ياباني ب175 وهي اللي عندي وفيه صينيه ب125 ريال وتلقونه عند محلات الاواني. خذوها وبتدعولي ان شالله
تحياتي
هاوي البر
20/12/2006, 11:49 AM
الله يجزاك خير اخوي فنجال على علوم الرجال
عاشق البران99
20/12/2006, 11:59 AM
الدفاية أنا شاريها أحد محلات الأجهزة المنزلية من 3 سنوات وقيمتها ذاك الوقت 180 ريال وسألت عنها قبل يومين 140 ريال ،،،

لكن الدفاية هذي ماتفارقني لابالاستراحة ولا بالبر عملية جداً جداً ودفاها أحسن من كل الدفايات وتقدر تطبخ عليها ،،،

إستهلاكها أقل من استهلاك القز أبو عين ( ولها قداح فيها ) يعني مايحتاج كبريت أو زند ،،،

طبعاً الدفاية تشبكها على اسطوانة الغاز العادية أو على اسطوانة الدافور بمحول ،،

والصور الليلة إن شاء الله إذا رحت للاستراحة ،،،
بيرق التوحيد
20/12/2006, 12:16 PM
دفايات الغاز مابها كلام

والي يحصل لو بالحراج من الأولات الحمر فهو افظل وأجود وهي اصلاً للمنازل والأماكن الكبيره والمفتوحه

ولكن ولكن ولكن

انتبه فيه مشكله كبيره في هالدفايات

وهي


أن دفايات الغاز تعمل على استهلاك الأكسجين المحيط بها

يعني لو تغمتها بقماش او بطانيه طفّت مباشره

وهذا يشكل خطر خصوصاً على أهل البر لأنه بيشغلها وسط الخيمه والخيمه مكانها في الغالب صغير فتستهلك الأكسجين الموجود فحذاري من حوادث تكون وخيمه بسبب تلك الدفايات انتبه خصوصاً وأنت نايم ينقطع الأكسجين عنك


ثم أخوتي اذا أنت ملزم مره مره مره

تبي دفاية غاز للبر

ففيه شي مخصص للبر

صغير حجمها

وقويه وتعمل على الغاز العلب الي زي الفليت

وماركه محترمه ماركة kove

لعلكم عرفتوها تراها عند السنيدي وفي الرياض تحصلها عند برق الحيا وقيمتها بحدود 195 ريال

هاذي ميزتها صغر الحجم وقويه في التدفيه وتستطيع نقلها في اي مكان بدون لي بدون لهب قوي وشعله قويه

وإن كنت لا أحبذ الا النار واشعالها ولكن قد تحتاج مثل هاذي لظروف ملحه او وظع خاص لك ليمكنك فيه شبة النار
ابو مشعل2
20/12/2006, 01:38 PM
ممتازة جدا

الف شكر
القبقب
23/12/2006, 01:35 AM
الموضوع ممتاز وجاى في وقته شكرا لصاحب الموضوع وجميع من أضاف معلومات أكثر .
altheeeb79
23/12/2006, 10:19 AM
السلام عليكم 000 الظاهر ان اخوي عاشق البران ماراح للاستراحه 00الظاهر انه كاشت 000 وانا واعدت عيالي ابجيب لهم الدفايه من اول ماشوف الصوراللي يبغى يحطها عاشق البران 000 لكن ماحطهن وجطل فينا 000 ولكن ياعاشق البران مثل ماسببت لي مشكله مع ام العيالي خذ هالدعوه00 قل امين 000 الله لايجزاك الا كل خير ويردك سالم000 والسلام
دبوس
23/12/2006, 03:08 PM
انا حصلتها عند الكترو طريق الملك عبدالله ب 159 ياباني اصلي ..
بس بصراحه ماهي مثل القديمه .. انا اشوف ان الجديده رديه مره..
انتبهوا انتبهوا انتبهوا منها تراها تولع من داخل يعني تنسم غاز..
يا ليت اللي يحصل القديمه يعلمنا مكانها
هواوي2006
23/12/2006, 03:27 PM
يا ما حلا شبة النار .. من غير قز و دوافير ...


الغاز خطير و احتمالات نفاذه وارده لكن .. يا زين الحطب مع هاك الاقداح ...
الجودي111
23/12/2006, 03:36 PM
الدفايات القديمة تلاقيها عندمحلات الأدوات الكهربائية اللي في عماير الراجحي في البطحاء:) اوفي وسط البطحاء حقين المواعين اللي شمال عن المواقف
ابوخالد
23/12/2006, 10:15 PM
وين الصور يربع نبي نشوف الصور مشكورين
الجودي111
24/12/2006, 12:29 AM
الدفاية هذي تلقونها عند محلات الموادالكهربائية في عماير الراجحي أوفي البطحاءعندمحلات المواعين اللي شمال المواقف