أفضل الرديترات التجاريه....؟؟

[شرقا]

السلام عليكم
اخوتي..ما افضل الرديترات التجارية الشائعه, وبكم اسعارها
هناك نوعين النحاس والالمنيوم

وهناك الاردني والوطني

فمالفرق بينهما وما الافضل...وكم السعر لكل منهما

السيارة متسوبيشي حوض 99

[شرقا]

بما انه لم يرد احد

سأرد بما اعرفه..لعل غيري يستفيد

بحسب الاغلبية فالالمنيوم افضل من النحاس
والاردني افضل من الوطني
وكلاهما رديئ لكن لابأس به لمن يضطر

[مسير عليكم]

اخوي انا لاحضته على حسب السياره
الفورد كان معي وجربت الاردني سيء 4 شهور وخرخر انشعر
باترول 95 جربت الصيني ممتاز
وطبعا كلهن المنيوم

وننتضر تجارب الاخوه الباقين

[cadillac911]

انا واعوذ بالله من كلمت انا الصيني ضرب عندي القير 3 مرات وبعدها ركبت اردني ولي الان من يوم الخميس وهذا انا اجربه وبقولكم وش يصير معاي


اذكر الله تكسب حسنة

[الحميضاني]

السلام عليكم
انا مركب اردني له اكثر من سنتين ما شكيت منه ولله الحمد وانصح به والحراره انساها السياره باترول 96 كبريتر

[صوت الجزر]

السلام عليكم ورحمة الله وبركاته

السياره باترول قير عايدي ٢٠٠١ ركبت صيني من ٣ سنوات ويالله لك الحمد ما شفت منه خلاف لحد اليوم وبالتوفيق للجميع مركبه ب٤٠٠ ريال ومويه تويوتا جركلين والباقي مقطر.

[الاشهب 507]

الصيني الالمنيوم
بارد وممتاز بس اهم شيء
يكون نفس عدد ضفوف الكالة
وادأ زات بشيء بصيط ماهي مشكله
لكن إذا زاد مره بتتعب في التحميه
والمايز الالمنيوم تب التب وكله عسل
بس شف ارخص واحد وكله زينه
وسبب ان الالمنيوم ينشعر إذا جات عليه
مويه بارده والسيارت طافيه بعد مشوار قصير
او طويل اهم شيء لايقربه الماء وهوحار والموتر طافي
لذالك انص اي واحد عن تجربه ان إذا سخن موتره
يروح القرب مغسلت سيارات او إذا معاه جركل ماء
يصب على الاديتر بس ومن الشبك يرش إذا في المغسله
وتبرد السيارت في اسرع وقت ممكن
لين المويه الحارة تدور والمروحه شغالة وانت تصب
عليه من الخارج مياه بارده وهي تدور وتبرد معى المويه
ويفضل الرش نتايجه سريع لين يدخل في شبوك الاديتر
ويساعد على التبريد معى هواء المروحت
اسف على الاطاله
الأشهب 507

[الوقيدي]

الرديتر الاردني جيد وسعر مناسب

[مسير عليكم]

انا واعوذ بالله من كلمت انا الصيني ضرب عندي القير 3 مرات وبعدها ركبت اردني ولي الان من يوم الخميس وهذا انا اجربه وبقولكم وش يصير معاي


اذكر الله تكسب حسنة

موترك وشو عشان نستفيد منك

[cadillac911]

موترك وشو عشان نستفيد منك


جمس يوكون طويل موديل 2000 دبل اقسم بالله حاسني حوس ما يعلم فيه الا الله


اذكر الله تكسب حسنة

[شرقا]

للعلم فقط...ركبت رديترات وطنيه مرتين تكلفني عند فني الرديترات حول 650

وهذي المره شريت من محل قطع غيار مع المويه والغطاء ب300 وضمان سنه

وركبته بنفسي

والحمدلله, 300 انا اولى بها من النصابين محلات الرديترات

[1824]

الراديترات اذا هي مقاسها نفس حق الوكالة مافيه خلاف اي نوع كان ولاكن يجب تنسيم الراديتر من الهواء بعد تغيره لان لمن يتم فك نظام التبريد لاي مشكلة كانت يجب تنسيم نظام التبريد باسرع وقت وهو ما يسبب فشل النظام وشعر الراس والراديتر وغيره بالتوفيق لكم

[Mometo07]

استاذي الكريم لقد قمت بتغيير راديتر أردني مستعمل لصني موديل 2009 وله معاية سنتين ماشاء الله تبارك الله ماشي معايا زي الحلاوة واخذته مستعمل بقيمة 180 ريال من أحد محلات الرديترات

[salih100]

باث 2005 قير عادي ركبت اردني ممتاز بس لاحضت ان الفتحات الي تحت حقت قير التماتيك تهرب ما من اطرافها فغيرت جلدها وضبط

[عميد آسيا]

أول الوطني كان ممتاز و أفضل من الأردني و كان من شركة المطلق لكن قفلت

الرديتر الألمنيوم يحتر و يبرد بسرعة و النحاس عكسه

الألمنيوم أغلب ما تلقاه إلا طبقة أو صف واحد و النحاس فيه 3 و 4 و أتوقع 5

الأنسب إنك تاخذ نفس اللي على سيارتك سواء كان ألمنيوم أو نحاس و السبب إن ماء الرديتر المركز الأحمر يختلف عن الأخضر و ما ينفع تستخدمه لأي رديتر يعني الأخضر للأمنيوم و الأحمر للنحاس و بيكون فيه توافق بين راس المكينة و الرديتر (معلومة ناسي وين قريتها)

مثلا إذا الرديتر القديم ألمنيوم و ركبت جديد نحاس بتكون فيه مشكلة في التبريد أو نقص الماء

عن تجربة جربت رديتر أردني نحاس 3 طبقات و ما اشتكيت من الحرارة الحمد لله مع إن عندي مشكلة في كلشت المروحة و أخذت ماء مركز من شركة موتور كرافت و عبيته و كملت الباقي مقطر اللي صار الماء كل فترة أزيده و استغربت من النقص من إن ما عندي تهريب و بعد ما صار كل الماء اللي فالسيارة ماء مقطر و المركز ما عاد بقى منه شيء تقريبا ما عاد فيه مع العلم إن الرديتر الأول اللي كان عالسيارة ألمنيوم و السيارة كابرس 1993