المساعد الشخصي الرقمي

مشاهدة النسخة كاملة : اما بشيمه ولا بقيمه


مشعل غرامي
13/12/2006, 01:24 PM
مساكم الله بالخير انا صراحه من مبطي وانا حاب اقتني سلوقي او سلقه وذلك لكثرة طلعاتي للبر وسئلت عنه بمشترى عند اهل الصنف وافادوني اناس لهم في الشغله هاذي انه شراء عند الرجال عيب ومنقود واحترت صراحه لالي معرفه مع ناس عندهم سلق طيبه! واللي بالاسواق ردئية وتعرفون ماودي الا بشي الطيب والحين نبيها من اللحوات الغانمة اما بشيمة ولا قيمة

وشكرا
القحطاني505
13/12/2006, 06:54 PM
والله اخوي الله يعينك بس هلا ومرحبا فيك بين اخوانك في خيمة الصيد بالسلق
(خوي المقناص)
13/12/2006, 07:02 PM
ساعده أخوي قحطان
شعوان السعدي
13/12/2006, 09:39 PM
ارحب يا مشعل
والله يحيك بين اخوانك وطلبتك علينا غالية ولكن والله مابقى عندي الا جرو واحد وانا على اساس اكون صريح امامكم انا ماعندي الا ذيخين والحمد لله طيبة وسادتني وعندي كفاية وجاتني قبل مدة هدية من الاخ سليمان بن عبدالله المبارك وهو من اهل البحرين وهو عضو معنا في المنتدى وسلقانه معروفة وانا افخر بمعرفة ابو عبدالله وهو من الرجال الي ينعدون وبيني وبينه معرفه وشرفنا في قطر وارسل لي بعد مدة جروين واحد عند اخوي الي اصغر مني وواحد تراه موجود وانا عطيته رجال هنا في المنتدى طلبني ولاعاد رد علي والجرو للرجال وان كان الرجال ماجاني فتراه لك والرجال عطيته اياه والربع يشهدون
والله والله ولالك علي حلفة اني شفقان على خدمتك مادام ان الامر بسيط انت والاخوان الحاضرين
ويشهد الله اني ماني متردد في خدمة احد من الاخوان مادام الامر مقدور عليه
وهذه اقل شي يسويه الرجال الي يعرف حقوق الخوة والمعرفة
تحياتي
اخوك شعوان ال سعد القحطاني
اخوي دسم الشوارب البركة فيك انت تساعده اما اخوي القحطاني 505 انا انوب عنه باقي دورك وانشاالله انك تكون دسم شوارب
تحياتي
ال معلى
16/12/2006, 10:29 AM
هلابك اخوي مشعل ومنورنا

اما انت يا دسم الشوارب اشوفك نقزت في حلق اخوي القحطاني

انا لاحظت انك داخل الموضوع عشان تعاند القحطاني

وبيض الله وجهك يا شعوان ترد عنا كلنا وانت شيخنا
القحطاني505
16/12/2006, 11:51 AM
مشكورين اخواني (شعوان السعدي+ال معلى) والله انكم بياض المنتدي وموغريبه عليكم ياعيال عمي ويعطيكم العافيه
اما اخوي دسم الشوارب فهو مشاغب المنتدى ودايم يتكلم على الناس في شي ماله شغل فيه بس له حركه في المنتدى واذا على اخوي مشعل غرامي فهو يستاهل لكن هل انه جاي المنتدى ليطلب او ليشارك والدليل انه ماله موضوع ثاني وارجو الرد اذا كنت غلطان
طلو
16/12/2006, 12:11 PM
السلام عليكم اخوي مشعل غرامي عطني فتر معينه واشوف الوضع وانشالله نبي نشوف لك شي يستاهل انا والا خوان في المنتدى وبيض الله

وجهك اخوي شعوان تقول وتطول
مشعل غرامي
16/12/2006, 01:11 PM
الله لايهينكم جميعن والله العظيم ماهوب حقران لكم يا الحوات الغانمة ولكن النت قفل عندي ذاك اليوم لاني ماشتغل على النت الا وقت الدوام ( في العمل ) واما من ناحية عوال الشايب بيض الله وجيهكم ولكن للمعلوميه انا مادخلت شحذة للكلاب ولكن جيتكم بسلوم الرجال وشيبانكم
يعطونا الابل واما من ناحية المشاركة في المنتدى في يشرفني وحاضرين لطيبين لكن ان حصل قصور فعذروني لاني عشقي الاول هو الابل
والله لايهينكم على كل حاااااااااااااااااااااااااااااااال
(القناص)
16/12/2006, 02:41 PM
بيض الله وجيهكم كلكم
القحطاني505
16/12/2006, 06:30 PM
بيض الله وجهك يااخوي مشعل غرامي