حطب السنيدي

[الارطل]

احببت الاستفسار عن التالي
سمعت هناك حطبه ب 50 ريال لدى السنيدي ذات ولعه ومن دون دخان
هل هذا الكلام صحيح
ارجو الافاده ممن لديه العلم
ولكم الشكر

[خالد تميم]

لايكون الحطب المستورد من استونيا الي يجي علي شكل دائري .
شريت منه كميه باالشتاالعام من شركه تعلن عنه والله توهقت فيه لايدفي ولا ينفع للشوي .
كنك شاب في خشب عماير .

[تزبطي]

كل الحطب المستورد
عند السنيدي وعند مكشاتي
وعند المرباع

كله زي شجرة الكينا او الكين
جميع الحطب اﻻوربي خله
ﻻتتعب عمرك بس عليك بالسمر

[الارطل]

لا ي جماعه مهو ذا اللي اقصده
ذا حطبه وحده ب 50 ريال وفيها فتيل ونارها بدون دخان وضوها طيب ويطول

[مولع قنص]

ايه يارجال فهمت عليك هذي موجوده بكل محلات الكشتات هذي تولعها مره وحده وخلاص
يعني بالطلعه الوحده يبي لك كذا حبه تاخذها انا ما جربتها بس شفتها وفيه منها مقاسات صغير وكبير

لكن ما جربتها نهائي بس ماعتقد انها من دون دخان ما فيه نار الا لها دخان نتيجة الاحتراق

[N.m.a]

هو يقصد الحطب المستورد وليد حطب جريد النخل

الحطب هذا ١٠ كيلو ب ٥٠ ريال اعتقد انه سويدي

[خالد5566]

ما مثل حطب ديرتك يا لله من فضلك

1ـ سمر

2ـ ار طاء

3 ـ غضاء

4 ـ رمث

إن كان تبي تستا نس بلا خشب بلا ا نجارة مكبوسة

[فارس شراز]

حياك الله يالغالي.

:( :( :( :( :( :( :( :(
مميزاته :
سهولة إشتعاله وضوه القوي .
ماذكرته ب 50 ريال يدوم تقريباً ساعتين مع وجود رياح خفيفه.

عيوبه :
لاتستطيع التحكم بشبة النار تبدأ قويه وتنتهي تدريجياً.
ريحته شينه ويذكرني بريحة أشجار الزينه (نتنه).
دخانه حار ع العيون ويتعب لدرجة الإختناق وسط البر :D

بالنسبة للخيشة ب 40 ريال فاشلة ولاتنفع لا تدفئة ولا طبخ ولاغيرهـ :)

للمعلومية أعتمدت عليها بعد الله سبحانه وتعالى بعزيمه لأخوياي بالعمل وفشلتني وليت التجربة كانت لحالي :mad:

حطب السنيدي المستورد سئ بما تعنيه الكلمه :good2:

[المتلولس]

ما مثل حطب ديرتك يا لله من فضلك

1ـ سمر

2ـ ار طاء

3 ـ غضاء

4 ـ رمث

إن كان تبي تستا نس بلا خشب بلا ا نجارة مكبوسة

كلام سليم...

[الارطل]

مشكورين على التفاعل واتضحت الفكره ولكم الدعاء بالتوفيق مع خالص التقدير

[العضيد 7788]

الي يستاهل
... الفحم الي عند برق الحيا كرتونه اخضر تلقاه عند المدخل ... من واقع تجربة ممتاااااز جداً .

[الصيادالمليح]

الحطبة اللي تقصدها اللي تستخدم في الطبخ تولعها وتحط فوقها القدر وتطبخ عليها كبسة او سليق

شفت عنها في اليوتيوب بس ما قد جربت اطبخ عليه

غالية بخمسين ريال و الغاز افضل منها تقدر تتحكم بقوة النار و ارخص

[أبو سهيل]

اللي تذكر انواع فيه جذع وغصن فيها فتيلة وتشتعل لمدة ساعتين تقريبا
جربتها العام الماضي وفشلتني مع الضيوف
ريحة ليحان
ليس فيها جمر
الشعلة جيدة لكن صعب التحكم فيها للطبخ كالحطب العادي

[الارطل]

من القلب مشكورين وبالفعل حسب ما تأكدت منه النوعيه سيئه