عزم المكييينه ميييت ددسن 2001

[ععز]

السلام عليكم ورحمة الله وبركاته
صبحكم الله بالخير / مساكم الله بالخير ..
آولاً أنا عندي ددسن 2001 كلبليتر طبعاً كانت موجوده مكينة الوكاله ليين 600الف كيلو ماشيه زي الحلاوه معي والعزم قوي وقدر الله وخبطت بسبب أهمال تغيير الزيت وغيرت مكينة البلد لمكينه يابانيه ...
المكينه اليابانيه ماقصرت معي خدمتني سنه بس "جلدتها جلد" ولاحظت فيها شيء اول 3 شهور توصل 160 بالراحه لكن بعدها صارت ما تتعدا الـ140 ونفس حالة مكينة الوكاله صارت المكينه تهرب زيت ويطلع دخان ابيض من الشكمان فف قلت اوضبها لان المكينه مرتاح من عزمها رغم انها ماتتعدا الـ140 بس قويه بالنفود قالي الميكانيكي ماتتوضب لانها يابانيه حاولت فيه منا ولا منا قال مافيه امل ، لازم تغيير توكلت علئ الله ورحت للتشليح وحصلت مكينه ددسن 2001 2400cc حقت الوكاله وركبتها والمكينه علئ السياره تقريباً سنه بعد ماركبتها ب 4 شهور علق بي البنص وبغا يوديني في داهيه لكن الحمدلله الله ستر وفحصت عليها قالو كلبليتر يبيله تغيير مع اني فحصت المكينه مع الكلبليتر عند الميكانيكي وقال كللش مضبوط غيرت الكلبليتر ياباني جديد وارتحت من الكربون الاسود وتعليق البنص لكن عزم المكينه الجديده ذي ميت بشكل ماهو طبيعي بالمره والسياره واقفه لها 6 شهور عند الباب كرهت سواقتها من عزمها ولا ادري هل اغير المكينه ؟ او اوضبها ؟ .
علماً اني غيرت طقم كلتش وبواجي ولا نفع العزم نفسه واللي يقهر اذا فحصت المكينه يقولون مافيها اي شيء والعزم مييت يالله تجيب الـ 100 والهوا يررد السياره حتئ لو انه مهو قوي هبلت بي
آدري طولت عليكم ي الربع لكن حبيت اعطيكم المشكله اللي عقدتني
وشكراً لكم ..

[ععز]

53 مشاهده معقوله محد عنده حل للمشكله ؟؟؟

[مسير عليكم]

وش وضع الديلكو معك موزون صح ولالا وبعدين طرمبه البنزين شيكت عليها يمكن دفعها ضعيف

[عـاشق الشيهانه]

عليكم السلام ورحمة الله وبركاتهاخوي عز انا صارت معي نفس مشكلة موترك عزمه ميت بس كان موتري هايلكس وصارت المشكله من البيئيه في الشكمان وقصيتها وضبط الموتر عقبها
فك الشكمان من بعد القزوز وجربه في خط بسيط شف هو يتغير او لا اذا انه منها بتروح الكتمه اللي فيه
هذا ماعندي والله يكون في عونا وعونك

[salih100]

اذا المكينه ذي موضبه فعمود التيمن موب موزون مع عمود الكرنك وانا متاكد من كلامي هذا لانها صارت على خالي

موضب ددسن 2008 ولاحض ان عزمها في الطلعات يطيح بقوه مع ان قطع المكينه وكاله ومن مكانيكي في مكانيكي واكتشف انها موب موزونه

[ععز]

وش وضع الديلكو معك موزون صح ولالا وبعدين طرمبه البنزين شيكت عليها يمكن دفعها ضعيف

الديلكو موزون معي لكن له تقريباً شهر او شهرين خربان ومافرق العزم معي بعد الخراب او قبله العزم نفسه بارد

[ععز]

عليكم السلام ورحمة الله وبركاتهاخوي عز انا صارت معي نفس مشكلة موترك عزمه ميت بس كان موتري هايلكس وصارت المشكله من البيئيه في الشكمان وقصيتها وضبط الموتر عقبها
فك الشكمان من بعد القزوز وجربه في خط بسيط شف هو يتغير او لا اذا انه منها بتروح الكتمه اللي فيه
هذا ماعندي والله يكون في عونا وعونك

اخوي إذا فكيت البيئيه يصير الصوت ازعاج او استبدلها بجديده ؟؟

[ععز]

اذا المكينه ذي موضبه فعمود التيمن موب موزون مع عمود الكرنك وانا متاكد من كلامي هذا لانها صارت على خالي

موضب ددسن 2008 ولاحض ان عزمها في الطلعات يطيح بقوه مع ان قطع المكينه وكاله ومن مكانيكي في مكانيكي واكتشف انها موب موزونه

طيب وكيف حل هالمشكله وهل يحتاج لها ميكانيكي ناابغه او الشغله سهله اي ميكانيكي يصلحها

[ععز]

؟؟؟؟؟؟؟؟؟؟؟؟؟؟

[صريح المقال]

السلام عليكم ورحمة الله وبركاته :)


اخوي إذا فكيت البيئيه يصير الصوت ازعاج او استبدلها بجديده ؟؟


رداً على سؤالك: تقدر تفكها وتنظفها وفيه موضوع للعضو (كبسولة) يشرح فيه الطريقة وفيه مقاطع باليوتيوب أجنبية طبعاً بس ما يمديني أدور لك بحكم اني بالعمل والنت محدد والحمد لله على كل حال :D

غسلها يكون بتخميرها أو تغطيسها في بنزين أو قاز وتقدر تجرب بخاخ الـACDelco حق تنظيف الكاربريتر والثرول تراه قوي :good2:

الأكيد انك بتحتاج وقت للتنظيف ووقت للتنشيف بس النتيجة ان دبة التلوث ترجع جديـــدة :good2:


بالنسبة لموضوعك من أمس اطلعت عليه بس مع الأسف ما أقدر أفيدك بشي أكيد الوضع عندك يحتاج أشخاص لهم خبرة أكثر مني :)

بس لو انه موتري بأشيك على ثلاث أمور هي الي تحرك السيارة وهي الي تعطي العزم..

1- الهواء
2- البنزين
3- شرارة البوجي

اذا اجتمعن الثلاث بشكل موزون راح تعطيك المكينة العزم المطلوب :good2:

الهواء لازم تشيك عليك من يدخل مع الفلتر لين يوصل للمكينة وإذا فيه حساس للهواء MAF لازم تشيك عليه إذا وسخ تنظفه ببخاخ الكترونيات وانتبه من تنظيفه ببخاخ الثروتل أو أي بخاخ قوامه زيتي !!
لازم بخاخ ما يحتوي زيوت وموجود بساكو وفي أماكن كثير اسمه بخاخ تنظيف الكترونيات ..

البنزين لازم تتأكد من قوة دفعه وسلامة مجاريه ..

شرار البوجي لازم تتأكد من سلامة البواجي وأسلاكها.


هذا ما لدي فإن أصبت فمن الله وحده، وإن أخطأت فمن نفسي والشيطان.


والسلام عليكم ورحمة الله.

[salih100]

طيب وكيف حل هالمشكله وهل يحتاج لها ميكانيكي ناابغه او الشغله سهله اي ميكانيكي يصلحها
انت اول شي ابداء بالاسهل
نضف دبات البيئه
اوزن الديلكو اذا فيها ديلكو
شيك على الكلتش والصحن
بعدها سوي الي قلتلك
اي مكانيكي فاهم في التوضيب يسويها

[عقووول]

اخوي انا متاكد الكلبليتر عندك هو الي مضعف العزم غير واحد مستخدم سعره 350 ريال وجرب

[ابو محمد797]

اتوقع والله العالم ان مشكلة سيارتك من الكلبريتر.

انا عندي باترول 92 كلبريتر. كان عزمه ضعيف ويطلع كربووون ورحت عند واحد باكستاني معروف في الخبر خبير كلبريتر قال لي جب لي اصلاح كلبريتر اصلي وبواجي وصفاية بنزين وكم قطعه معه كلها اصلي.

وبعدها زبط معي الحمدلله.

[ععز]

اخوي انا متاكد الكلبليتر عندك هو الي مضعف العزم غير واحد مستخدم سعره 350 ريال وجرب

يعطيك العافيه ع مشاركتك .. لكن اخوي انا مغير الكلبليتر قبل 8 شهور جديد مايمدي يخرب واستخدامي لها قليل جداً

[ععز]

السلام عليكم ورحمة الله وبركاته :)




رداً على سؤالك: تقدر تفكها وتنظفها وفيه موضوع للعضو (كبسولة) يشرح فيه الطريقة وفيه مقاطع باليوتيوب أجنبية طبعاً بس ما يمديني أدور لك بحكم اني بالعمل والنت محدد والحمد لله على كل حال :D

غسلها يكون بتخميرها أو تغطيسها في بنزين أو قاز وتقدر تجرب بخاخ الـACDelco حق تنظيف الكاربريتر والثرول تراه قوي :good2:

الأكيد انك بتحتاج وقت للتنظيف ووقت للتنشيف بس النتيجة ان دبة التلوث ترجع جديـــدة :good2:


بالنسبة لموضوعك من أمس اطلعت عليه بس مع الأسف ما أقدر أفيدك بشي أكيد الوضع عندك يحتاج أشخاص لهم خبرة أكثر مني :)

بس لو انه موتري بأشيك على ثلاث أمور هي الي تحرك السيارة وهي الي تعطي العزم..

1- الهواء
2- البنزين
3- شرارة البوجي

اذا اجتمعن الثلاث بشكل موزون راح تعطيك المكينة العزم المطلوب :good2:

الهواء لازم تشيك عليك من يدخل مع الفلتر لين يوصل للمكينة وإذا فيه حساس للهواء MAF لازم تشيك عليه إذا وسخ تنظفه ببخاخ الكترونيات وانتبه من تنظيفه ببخاخ الثروتل أو أي بخاخ قوامه زيتي !!
لازم بخاخ ما يحتوي زيوت وموجود بساكو وفي أماكن كثير اسمه بخاخ تنظيف الكترونيات ..

البنزين لازم تتأكد من قوة دفعه وسلامة مجاريه ..

شرار البوجي لازم تتأكد من سلامة البواجي وأسلاكها.


هذا ما لدي فإن أصبت فمن الله وحده، وإن أخطأت فمن نفسي والشيطان.


والسلام عليكم ورحمة الله.
مشكور وماقصرت علئ ردك وبإنتظار اصحااب الخبره

[الصيادالمليح]

اذا السيارة فيها كتمة وعزمها طايح سو لها تصفية مكينة و خلي الفني يعاين مجاري الشكمان من خروجها من المكينة لين دبة الشكمان احتمال فيه انسداد بسبب تراكم الاوساخ في مجاري الشكمان

[ععز]

اتوقع والله العالم ان مشكلة سيارتك من الكلبريتر.

انا عندي باترول 92 كلبريتر. كان عزمه ضعيف ويطلع كربووون ورحت عند واحد باكستاني معروف في الخبر خبير كلبريتر قال لي جب لي اصلاح كلبريتر اصلي وبواجي وصفاية بنزين وكم قطعه معه كلها اصلي.

وبعدها زبط معي الحمدلله.

هلابك اخوي - الكلبليتر مغير جديد ومايطلع لا كربون اسود ولا ابيض من السياره وهذا اللي يخليني ما اعرف العله !!

[ععز]

اذا السيارة فيها كتمة وعزمها طايح سو لها تصفية مكينة و خلي الفني يعاين مجاري الشكمان من خروجها من المكينة لين دبة الشكمان احتمال فيه انسداد بسبب تراكم الاوساخ في مجاري الشكمان

السياره عزمها طايح بشكل ماتتصوره وصوت السياره مزعج ..

[salih100]

ولا تنسى تشيك على اسلاك السالب الي من البطاريه للبدي وكذلك الي من المكينه للبدي ترا اساسيه في ضعف العزم والتقطيع

[وجعين]

لي تجارب مع الدداسن قديمه توضيب مستمر عزم خايس حتى كان معي ٢٠٠٩ على انهم سوى تحسين في المكينه من ناحيه مافيه نقص زيت ولا تخبيط الا ان عزمه مقارنه بالهلي والمتسبيشي يعتبر غير منافس حتى الي عندهم ددسن دبل يشكون من ردى العزم تبي الحل فيه مكاين يابانية تركب بدون ترهيم وعزمه قوي اللهم تغيير ظفيره الظاهر اسمه تو جي الشباب يفيدونك

[ععز]

لي تجارب مع الدداسن قديمه توضيب مستمر عزم خايس حتى كان معي 2009 على انهم سوى تحسين في المكينه من ناحيه مافيه نقص زيت ولا تخبيط الا ان عزمه مقارنه بالهلي والمتسبيشي يعتبر غير منافس حتى الي عندهم ددسن دبل يشكون من ردى العزم تبي الحل فيه مكاين يابانية تركب بدون ترهيم وعزمه قوي اللهم تغيير ظفيره الظاهر اسمه تو جي الشباب يفيدونك

صادق فيها مكاين مثل الاربي والسدرك والتو جي بس ماودي ادخل بالترهيم لاني ماني مستعد اخسر دراهم وااجد ع سياره استخدمها 4 شهور بالسنه وشاكر لك مشاركتك