خيمة المستقبل الثانيه والأسعار الغير متوقعه !

[ابن هويشل]

السلام عليكم
اسعد الله صباحكم بالخير والمسرات

خيمة المستقبل الثانيه الكبيره السعر 3950ريال
http://instagram.com/p/vvxfBjwICO/

http://instagram.com/p/vvx0J-wIEl/

والمستقبل التي تكلمت عنها على هذا الرابط 👇
http://www.mekshat.com/vb/showthread.php?t=608151

رفع سعره الى 3600 تقريبا
الأسعار هذه السنه غير متوقعه صرحة
والله يكون بعون أهل البر
أستودعكم الله

[التمَاري]

الغالي دواه الترك

[TAI CHI]

ما قدرت افتح الصوره

ياليت تنزل الصوره

[gentel]

نعم الغالي دواه الترك والتكاتف عشان مصلحه الكل

[Shqra]

ممكن يكون انطباع التجربة الأولى لخيمة المستقبل ممتاز بس الكلام على أدائها بعد سنة أو سنتين

[دحيم العبود]

ياليت تعيد تنزيل الصور
والله يعطيك العافية

[الصيادالمليح]

طيب لو صار فيه تسريب او شق ؟؟ كيف يترقع ؟؟

اعتبرها خيمة غير عملية و سعر خيالي لخيمة

[مكشاتي مدني]

للاسف بكل صراحة محلات الرحلات وبعض المصانع المتخصصة في صناعة ادوات الرحلات تبالغ جدا في اسعارهاوتحاول الاستغلال في ظل عدم الرقابة اغلب الناس من متوسطي الدخل وهذا الغلاء في الاسعار الغير مبرر يجب مجابهتة بالمقاطعة وعدم ترك اصحاب المحلات استغلال الناس المساكين صحيح نحب الكشتات والطلعات وادوات الرحلات بس فية عندنا التزامات اخرى وايجارات وزوجة وعيال نصرف عليهم الغالي الافضل تركة يعني غير معقول على سبيل المثال ادخل محل رحلات بالرياض واشتري لي شنطة تنزاني مهيب تنزاني باكستاني وابريق ودلة واذا جيت احاسب قال لي ب 500 او 600 ريال وانا برى اقدر اشتريها من الغرابي وحراج بن قاسم بنصف السعر او اقل ولا الخيام اللي تطق لها 4 الاف وخمسة الاف شي يحز بالنفس ويضيق الصدر ولكن البديل المعقول موجود والخيمة الغالية اتركوها ولاتعيرونها اهتمام حتى لو كانت زينة لكن استغلال ومبالغة غير مبررة بالتوفيق للجميع

[ابوعمر الشمري]

العيب مننا حنا لو تركنا بضاعتهم لهم ودورننا البديل كان مافيه ولا تاجر جشع ويحط السعر الي هو يبي لكن الله لايرزقهمممم هالتجار الجشعين

[بن نويشر]

أتركها الله لا يعقلها ..

[البواردي واحد]

انا برايي الطلب من الخارج افضل من انك تنغبن بالاسعار الفلكية

[خالد ...]

الافضل تركها

و البدائل كثيرة

علماً بانها ليست عملية

[XRAY MAN]

بالله أحد يشتري خميه بمنفاخ وتبي تنصبها في البر !!

خرطي هالخيمه تنام بها في الليل من تصبح تلقاها نايمتن فوقك مابها هواء ههههههه

[الشيخ الظريف]

انا سالت بائع عنيزه هل يوجد تيوبات او تصليح او ضمان قال كل هذا غير موجود نحن نبيعها فقط وليس لدينا قطع غيار او تصليح0لاصرت خبل ارم دراهمك بالبحر

[قناص الوعول]

اتركها هي وغيرها من الخيام الي ترتفع اسعارها كل سنه والاسعار الجنونيه وجشع التجار قيمتها قيمة غرفة اسمنتيه

[binmegin]

نصيحه جدا مفيده وفعاله
اطلب كل شي تبيه من براء وترك هالجشعين يخيسون في بضاعتهم
ملابس ادوات منزليه اكسسوارات قطع غيار حتى الفيتامينات
والله انها ارخص يككثير من الموجود عندنا

[سالم الجبيل]

فعلاص يا أخوان تحس التاجر اللي يرفع السعر بشكل مبالغ فيه انه يستغفلك !! ولو فعلا تركت واحجمت الناس عن شرائها يضطر ينزل سعرها للمبلغ المعقول ... مانقول يخسر فيها بس برضو لايستغلنا

[hijack]

المشكلة الأهم بنظري ليس السعر إنما عدم توفر عنصر العملية في المنتج. فهو غير عملي أبدا لضعف الجودة وعرضة للشقوق والتخريم اذا استوعبنا ان الغرض من الخيمة هو الاستخدام في بيئات شديدة وعنيفة اذا صح التعبير بالإضافة للعوامل الأخرئ كالرياح والعج والشمس والمطر والبردية وغيره. واذا كانت السلعة تجمع بين الغلا في السعر وعدم العملية فخيار الشراء غير مناسب ولا موفق وهدر للمال.

[ابو البر]

قبل كم يوم رحت لمحل الدهو وبرق الحياء ويوم رحت للسنيدي وجدت الفرق شاسع بين هالمحلات كلها
كلن يغني من راسه .
بالنسبه لهالخيمه والله ان الواحد ما يتطمن لها مع اول هبة هواء .
والسعر اللي مبالغ فيها
وش فيها الخيام العاديه
من عرفنا انفسنا وحن نستخدمها ووش حليلها .
الواحد طالع البر علشان يستانس او رايح يستعرض قدام الناس .

حنا فينا حقنا من الكسل .

[حلم البحر]

نعم الدواءالترك

[الحربي حاتم]

الله لايربح القاضي ولا السنيدي ولا غيره من التجار أسعار خيالية وكل سنة في زيادة مايشبعون الله يملا بطونهم نار

[االملتاع]

الله لايربح القاضي ولا السنيدي ولا غيره من التجار أسعار خيالية وكل سنة في زيادة مايشبعون الله يملا بطونهم نار

امين........

[راعي الجنوب]

تقرير رائع جداً...
ماشاء الله تبارك الله الله يلحقه بالمطر...

[مخطط 2008]

المقاطعة المقاطعة المقاطعة تفعل وتفعل وتخفض الاسعار