albara
13/12/2006, 05:01 PM
وش رايك لو يكون السيكل من ضمن تجهيزات البر , لا تقول لا على طول !؟ :) اصبر اقولك ليش ؟ :-
* كم مرة بالله وانت بقطعة واضطريت تمشي كم كيلو وقلت وقتها (((( آآآآآآه لو معي سيكل ))))
* وكم مرة طقيتها رجلية كم مية متر لأقرب جبل والا تبه وإلا أعدمت السيارة بحصي الرفاعات علشان تلقط الجوال والإ تدربل المحلات الي حولك ((( لو كان وقتها معك سيكل كان كل شوي تدز به لأقرب رفاعة وتخوطف كل شوي بالبر كنك توصيل بقالة يخوطف بالحارة ))) .
* أحياناً بعض الريضان المحمية ربيعها جوا كثير فبالسيكل يقدر واحد منكم يدور احسن محل بالسيكل ويعلمكم عنه ((( مستكشف , اعتبرو كنه جيب ربع ما يرده مكان ))) .
صح انه ياخذ مكان زيادة وانه شكل الدخله به في البر ومع شباب بالذات فكرة غبية:
بس أقولك المكان ممكن يعلق بأي شي خلف السيارة , والشكل الغبي للسيكل وهو مع العزبه حله انك تغطيه بأي تلبيسة ومشاء الله محلات الخيام يسوون تلبيسه لمخك لو بغيت كل شي يلبسونه مشاء الله .
وحتى الظاهر فيه سياكل تتصفط بعد .
*********************
أما عربية مكة ( مدري هي هنا بالرياض والإ لا أنا ما شفتها إلا بمكة ) المهم انا لي روضة اروح لها دايم وأدخل في مكان جوا كثير أخبره ربيع أزين من اطرافها ولا يتعبني شئ كثر شيل العزبة والموية والغاز وغيرها والمشي بها محمولة مسافات طويلة جوا , والمشكلة تخبر الريضان المحمية يردك الشبك عن الدخول بالسيارة و ما فيها طقة خيمة جوا (ممنوع) , فالجلسة تكون ساعات ما تحمل الشيل والحط واجد , بس عاد وش نسوي ندور الخير والنعمة , فا وانا في مكة هالسنة والحمد لله , شفتهم يعرضون في كل محل حتي محلات السجاد يعرضون عربية سحاب , يعني نظامها اذا حطيت فيها العفش تحركها بالسحب وراك ولا تندف دف , ولها كفرات كبيرة قطرها قد قطر علبة الفول أو اكبر شوي , بجنوط معدنية .
تمشي زين على غير الطين والرمل , صح ما عندنا الا طين الشعبان والريضان والا رمل الطعوس لكن الحمد لله على النعم جميعاً , بس ممكن تركب كفرات أكبر شوي مثل المعروضة بساكو والا شارع الرين للي بالرياض , وهي تتصفط الين تغدي مجرد مستطيل حديد أكبر اصيا خه سمك يجي حوالي 10 ملم , ( مجرد اطار حديد فقط ) والكفرات في أحد الضلاع الصغيرة للمستطيل .
إذا فكيتها يطلع اطار ثاني للأعلى لقاعدة السحب ويثبت جيداً بالإطار السفلي ثم تفتح القاعدة الأرظية للعفش وتنفتح منها اجنحة للقواعد زيادة تكبير في هذه القاعدة . ومعها واير ش جيد لشد العفش .
ولا تقلق من المتانة قويه مشاء الله حملتها عزبة وزنها 70 كيلو وسحبتها بالبر مسافات طويلة ولا جا الحديد شئ ولا حتى الكفرات , وتصير اطوالها بحدود 20* 60 للمستطيل الي باليد و 15* 30 للقاعدة الأرضية وسعرها 25 ريال .
والحمد لله رب العالمين
.
* كم مرة بالله وانت بقطعة واضطريت تمشي كم كيلو وقلت وقتها (((( آآآآآآه لو معي سيكل ))))
* وكم مرة طقيتها رجلية كم مية متر لأقرب جبل والا تبه وإلا أعدمت السيارة بحصي الرفاعات علشان تلقط الجوال والإ تدربل المحلات الي حولك ((( لو كان وقتها معك سيكل كان كل شوي تدز به لأقرب رفاعة وتخوطف كل شوي بالبر كنك توصيل بقالة يخوطف بالحارة ))) .
* أحياناً بعض الريضان المحمية ربيعها جوا كثير فبالسيكل يقدر واحد منكم يدور احسن محل بالسيكل ويعلمكم عنه ((( مستكشف , اعتبرو كنه جيب ربع ما يرده مكان ))) .
صح انه ياخذ مكان زيادة وانه شكل الدخله به في البر ومع شباب بالذات فكرة غبية:
بس أقولك المكان ممكن يعلق بأي شي خلف السيارة , والشكل الغبي للسيكل وهو مع العزبه حله انك تغطيه بأي تلبيسة ومشاء الله محلات الخيام يسوون تلبيسه لمخك لو بغيت كل شي يلبسونه مشاء الله .
وحتى الظاهر فيه سياكل تتصفط بعد .
*********************
أما عربية مكة ( مدري هي هنا بالرياض والإ لا أنا ما شفتها إلا بمكة ) المهم انا لي روضة اروح لها دايم وأدخل في مكان جوا كثير أخبره ربيع أزين من اطرافها ولا يتعبني شئ كثر شيل العزبة والموية والغاز وغيرها والمشي بها محمولة مسافات طويلة جوا , والمشكلة تخبر الريضان المحمية يردك الشبك عن الدخول بالسيارة و ما فيها طقة خيمة جوا (ممنوع) , فالجلسة تكون ساعات ما تحمل الشيل والحط واجد , بس عاد وش نسوي ندور الخير والنعمة , فا وانا في مكة هالسنة والحمد لله , شفتهم يعرضون في كل محل حتي محلات السجاد يعرضون عربية سحاب , يعني نظامها اذا حطيت فيها العفش تحركها بالسحب وراك ولا تندف دف , ولها كفرات كبيرة قطرها قد قطر علبة الفول أو اكبر شوي , بجنوط معدنية .
تمشي زين على غير الطين والرمل , صح ما عندنا الا طين الشعبان والريضان والا رمل الطعوس لكن الحمد لله على النعم جميعاً , بس ممكن تركب كفرات أكبر شوي مثل المعروضة بساكو والا شارع الرين للي بالرياض , وهي تتصفط الين تغدي مجرد مستطيل حديد أكبر اصيا خه سمك يجي حوالي 10 ملم , ( مجرد اطار حديد فقط ) والكفرات في أحد الضلاع الصغيرة للمستطيل .
إذا فكيتها يطلع اطار ثاني للأعلى لقاعدة السحب ويثبت جيداً بالإطار السفلي ثم تفتح القاعدة الأرظية للعفش وتنفتح منها اجنحة للقواعد زيادة تكبير في هذه القاعدة . ومعها واير ش جيد لشد العفش .
ولا تقلق من المتانة قويه مشاء الله حملتها عزبة وزنها 70 كيلو وسحبتها بالبر مسافات طويلة ولا جا الحديد شئ ولا حتى الكفرات , وتصير اطوالها بحدود 20* 60 للمستطيل الي باليد و 15* 30 للقاعدة الأرضية وسعرها 25 ريال .
والحمد لله رب العالمين
.