استفسار عن المقتيك البرازيليه رحم الله ولديكم

[ابوفهدالرويبي]

السلام عليكم ورحمة الله وبركاته
ياخوان لي فتره ادور لى ناريه وحدي حدود 8 الف وحصلت لى ماقتيك البرازيليه تماتيك بشحمها
وانا رجال ودي اقنص فيها وتمشيني 5 سنوات قدام فياليت
الى له خبره فيها يفيدنا معا العلم انها محدوده علي ب6000 وسعره طيب ولا غاليه

[قناص الحوى]

شوف الخرازة البرازيلية عيبها تلك ولازم تنظيف مستمر وزنادها ثقيل وقت البيع ما تجيب راس المال

مادام معك 8 الاف أزيدها الف وأخذ تشيكية برنو لك وللزمن

البرنو أشبهها بالتويوتا عندنا

[ابوفهدالرويبي]

احصل وانا اخوك بحدود 9 برنو

[محمد ابن عيد]

حياك الله ي الغالي
توكل ع الله وخذها باذن الله ماتندم
البـرنو ، ممتازه ولابه كلام
لكن سعـرها نار فوق حقه
و ان تصادرت اكلته
زي ماقلت لك توكل ع الله ماسمعت احد يذمه
يكفيك الخفه و الحجم و سعـرها المناسب
و الله ييسـر امرك

[هيوماكس]

وعليكم السلام ورحمة الله وبركاته
الخرازة البرازيلية أنا مجربها دقتها وصوابها 100%
خاصة إذا كنت بتركب عليها دربيل ويبلي جولد مقاس 40 مع قواعد منخفضة
بس يبي لها تنظيف قبل أي طلعة مقناص علشان ماتلك معك او تعلق الفشقة في بيت النار