كلتش الباترول ضروري

[عمررالعتيبي]

السلام عليكم عندي بترول بخاخ عقب الامطار جا في كلتشه فضاوه والقيرمايعشق ثم رجع طبيعي سو هالحركه مرتين وهالحين طبيعي وش فيه لاهنتو

[طير الطنايا]

غير اﻻصﻻحات فوق وتحت قبل ﻻ يحجر

[ابو محمد797]

والله ماعندي فكرة معليش.

[عمررالعتيبي]

لاهنتو لكن شفت زيت باكم الكلتش كويس والعلبه ماتهرب وهي صارت من عقب ماطبيت الشعبان وهي تمشي وهالحين طبيعي مافيه شي وانا اخاف اعطي النفود وتفضي مثل امس وجزاكم الله خير

[SGL]

ممكن العلبة السفلية تعبانه جرب سوي تنسيم أكثر من مره وخلي الزيت القديم يطلع وزيد العلبة زيت جديد وجرب موترك

[م س س]

وعليكم السلام
واضح ان الخراب في سلندر الكلتش الخارجي جاه موية وطين بتلاحظ على السلندر نفسة بجانب الجير جلدة صغيرة وظيفتها منع دخول الماء والأتربه احتمال تكون قديمة ومقطوعة وتحتاج تغيير اصلاح لها اذا الموية دخلت وبين صدأ الأفضل تغير السلندر كله .
وشيك على مواسير ولي السلندر اذا فيه طعج وما شابهه .

[عمررالعتيبي]

الله يعافيكم لكن المشكله تجددت اليوم عقب الامطار لو العلبه خربانه خربت علا طول لكن مايجي الا وقت المطر الله يستر ونبي اهل الخبره يعلمونا وشكرا

[الوسم]

يا أخوي عمر الله يهدييييك
انت قلتها بنفسك ( بعد ما طبيت به الشعبان )
من كثر ما تبرسبس به في الماء
لا عاد يجيه ماء ابد وإلا تراه يبي يفرط في محلله
انتبه من الماء