تسجيل الدخول

مشاهدة النسخة كاملة : دخول الماء الى داخل السيارة وتعفينها


ابو سريسح
27/11/2014, 11:52 AM
السلام عليكم اخواني الاعزاء
انا عندي جيب لاندكروزر 97 جكس ار ووقت الامطار اسمع صوت للماء داخل السياره بالاضافه للريحه الشينه وحاولت اعرف من وين يدخل الماء عشان اسكره لكن ما عرفت
اللي له خبره او صارت له المشكله لايبخل علينا هل فيه شي معين لازم نشيك عليه
انا بانتظاركم الله يمد باعماركم على طاعته
ابوراكان تبوك
27/11/2014, 11:57 AM
انسدح تحت السياره وتفقد الجلد الدائريه اللي ع البودي تحت

بالاضافه الى التأكد من جلد الابواب السفليه بالذات

بامكانك تحسس الفرش بيدك ستجد الرطوبه تختصر عليك البحث
ابو سريسح
27/11/2014, 07:33 PM
لاهنت اخوي ابو راكان ممكن تحدد لي مكان الجلد بالضبط لاني بكره ابي انسدح تحت الموتر وفوق هذا اذا تعلمني شلون افك ديكور البيبان لان اتوقع المشكله منه
أبوسعد111
27/11/2014, 08:48 PM
الجيب له فتحه بالسقف ؟
ابو سريسح
28/11/2014, 02:28 AM
ايه نعم به فتحه لكن وش دخلها بالموضوع بعدين المويه احس انها تحت مرتبه الراكب واذا مسكت فرامل فجاه تحس ان المويه جايه من المرتبه الثانيه الين توصل قدام
كلاش2500
28/11/2014, 12:14 PM
احتمال والله اعلم ان الموية تدخل من مسامير قاعدة المرتبة..يجوز انها محلولة ....شدها بنفسك..او اقرب محل تنجيد يشدها لك...وخله يشد جميع مقاعد السيارة....
أبوصالح9
28/11/2014, 12:52 PM
تبي تشتغل على سنع وقفه بمحل تنجيد وخله ينفضه من الداخل ويفك مراتبه ويغسله لك وسوله عازل حراري وشيك على جميع الفتحات حقات تصريف الماء لان فيه فتحات مستحيل تشوفها اللي هي بوسط بطن الموتر فوق القير حتى لو نزلت تحت الموتر احتمال كبير تكون غير موجودة - خلهم يقفلونها بالسلكون واذا عندك جلد وصبر رح للتشاليح ولقط من الجلد والسدادات لانها تختلف مهب مقاس واحد فيه الكبير والمتوسط والصغير - بس ترا فيها تعب واحتمال ماتلقى كل السدادات - بس مثل ماقلت لك انفضه من الداخل وفكك فرشاته ومراتبه وبتطلع بشغل زين


نسيت اقولك شي- شف الاسطبات الخلفية اذا الموتر جايه صدمة اغلب الورش مايركبون العازل البلاستيكي بين البودي والاسطب - وترا تقدر تعرف اذا فيه العازل او لأ-- فيه مسمارين بنفس الاسطب من الداخل ومسمار واحد خارجي فك الثلاث مسامير وبيطلع معك جرم الاسطب الخارجي فقط - اذا تشوف جوف الموتر معناته العازل طايح اما اذا تشوف قطعه سوداء بلاستيكيه مقفلة معناته امورك تمام
ابو سريسح
28/11/2014, 01:31 PM
الله لا يهينكم جميع وان شاء الله ابي اروح لمحل التنجيد واسوي مثل ماشرتم عليه اسويه وابي اشوف المشكله واوافيكم بالتفاصيل

دمتم بود