عندي مشكلة باث 2005 ارتفاع الحرارة اثناء السرعه و طلوع الطعوس

[ابو اسامة 1]

السلام عليكم

اسعد الله اوقاتكم عندي باثفيندر 2005 اتوماتيك وقبل فترة راجع من سفر ولقيت الحرارة فوق النص بكثير وكانت الدنيا ليل والجو براد واول ماوصلت البلد نزلت الحرارة وداخل البلد اامشي فيها والحرارة طبيعي وقبل اسبوع طلعت طعس وشديت على الموتر وقيت الحرارة فوق النص مع ان الجو برد وهواء قوي .

مع العلم الرديتر جديد والبلف تمام ولما سئلت فني بالوكالة اتعامل معه برا الوكالة قال مشكلتك بسيطه في بلف عند غطاء المكينة و بلفين عند التانكي او حوله المهم هو بالسبارة من ورا وتنشال هذه البلوف وتروح مشكلة الحرارة وتقريبا انا مقتنع بكلامه ولكن حبيت انكم تفيدوني وماخاب من استشار

وجزاكم الله خيرا

[1824]

دبة التلوث مفكوكة ولا تسبب حرارة اذا موجودة مع الزمن تهلك الدبة وتتقفل خصوصا اذا نظام التبريد عندك نظيف ومذبوط بالتوفيق لك

[craino]

الرديتر جديد اصلي وكاله ولا اش نوعه
موية الرديتر اصليه

[ابو اسامة 1]

اخوي مكشاتي ردك الاول ما فهمته اما الرديتر اصلي والموية اصلية كلها من الوكالة

[السليطين]

عندك بلفين للحراره ...
فك البلف الداخلي .. وخل الخارجي

[الصيادالمليح]

غير البلوف ولا تشيلهم عشان التبادل الحراري يكون افضل للمكينة

[m900]

انا كانت مشكلتي مثلك السيارة لاند ترتفع للنص عند الطلوع والتطعيس وتحن المروحة شيكت عل البلف لقيته منفتح طول الوقت منقطعه جلدته وغيرته والحين الحمد لله الحرارة عل الربع شيك عل البلف يمكن فيه شي

[m900]

اقصد بلف الموية

[m900]

ولاتنسى تحط موية تويوتا ام اربعين ريال وحط معها مؤية مقطره نص من ذا ونص من ذا

[salih100]

غير البلفين الخارجي في الكوع الامامي والداخلي تحت الثلاجه

لازم تكون حقت باث فندر لا تاخذ حقت التيما لانها تركب وتختلف الضغط

[tarnado]

هاذي طال عمرك طرمبة المويه علي وشك ظغطها خفيف صارت معي
واذا شديت احتاجت السياره زيادة ظغط مويه بكذا ترتفع الحراره:f

[ابو حسان الجنوبي]

بالنسبة للباثفيندر يجي له بلفين للحرارة

الأول خارجي ومهم جداً والافضل تغيرة يفتح على 76.5 وسعرة 90 ريال وتستطيع تركيبة بيدك أو اي محل ب20 ريال

الثاني تحت الثلاجة وغثيث ومكانه غثيث وأغلب مشاكل الحرارة منه هذا إزالته بالكامل مهمه وغير الهوز الطالع منه قيمته 32 ريال وسعر ازالته 250 ريال لنها تنزل الثلاجة بكامل قطعها الثلاث

وهناك مسئلة يجب مراعتها الي هو الغطاء للراديتر احرص يكون جديد وأصلي سعره مايتجاوز 30ريال ونسم الهواء مع بلف التنسيم


تقبل تحياتي ودمت بخير

[وجعين]

قبل كم سنه كان معي واحد من الشباب باث نفس موديل سيارتك ومشكلته بسرعه اذا أسرع عليه ارتفعت ولا هنا شي ماغيرة رحت معه لصناعية وغير الاديتر جديد والبلوف وطرمبه الماء ولا فيه فايدة اخر شي باعه الظاهر هذي مشكله مصنعيه فتحات الماء داخل المكينه صغيرة