تركيب مكيف للشاص

[نديم الغرباء]

عندي شاص 98 ابي اركب له مكيف لو سمحتو ابغا التكلفه كامله

ازرار المكيف الداخليه ب الغماره موجوده بس الثلاجه والكمبرسور والاشياء الثانيه ماهي فيه

[نديم الغرباء]

سبحان الله

[ابوقاسم]

يجونك اهل التخصص ويفيدونك
تحياتي

[يالبى الهلا]

كل شيء يركب مادام تدفع لاكن ليس بجودة المصنع حط بينها قوسين لأنك تبي كهربائي فنان

[ابوراكان تبوك]

المهم الكهربائي اللي يركب

دور لك كهربائي محترم واتفق معاه اتوقع بيطلب من 1000 الى 1500 وهذا اسعار اغلب الكهربائيين المتخصصين
ومر التشاليح وخذ القطع كامله من والى

لاتركب شيء جديد الا في الصيانه المستقبليه

لو تحسب سعر القطع أصليه وكاله يمكن تدخل في بحر 6000ريال من غير شغل اليد

التشليح ممكن القطع كامله 2500 الى 3500ريال تقريبا مو بأكيد
اسعار التشاليح تختلف تزيد او تنقص

لكن من الوكالات بتدق 8000ريال مافيها كلام

قطع التويوتا ناااااااااار اللي انت تحتاجه تقريبا
الرديتر أصلي 1350 وفيه نوع اظن اسمه دنسو او مايز 550
الكبروسر 2350 وفيه 1300 اقل من الاصلي ومن التشليح مايتعدى 600ريال
الثلاجه الداخليه حول 1200 من غير ظفيرتها ما ادري يمكن موجوده عندك وتشليح حول 500ريال
مفاتيح الكهرب
منظم الدعسه اتوقع موجود
شداد سير المكيف 190ريال أصلي
المواسير اغلبها لازم طلبيه وسعرها مرتفع جدا
علبه الفريون اللي خلف الشبك
مهما كان الافضل محل تشليح تتفق معه ع القطع دفعه واحده


موووووووووفق

[يالبى الهلا]

من واقع تجربة تم ترهيم مكيف لشاص اشتغل فترة وتعطل
لانة يحتاج لحساسات رفع ضغط المكينة وبكرات للسيور
الأفضل بيعة وشراء موتر مكيف الترهيم لاينجح ابداااا

[هملول السحاب]

قريبي ركب بالكويت وكلفته الشغلة تقريبا 2000 ريال والصيفية الماضية شغال واموره تمام.

وانا اقول شي ماهو وكالة صعب يترهم.

[نديم الغرباء]

الظاهر اني ابي ابيعه

[صويب البرق]

يضبط بحاجتين الاوله اذا اشتريته من التشاليح اهم شي تكون الظفيره كامله مايقطعها لك العامل وثاني شي الكهربائي الفاهم من واقع تجربتي