مشكلة في شطرطون الجيب.. اريد الحل منكم

[أبن المدينة]

عندي جيب فكسار 97 وبغير شطرطونه لكن واجهتني مشكله وهي ان الشطرطون لاصق ومافي امل ينزل ..اذا في احد منكم يعرف الطريقه يدلني بدون ما يتأثر البودي
وشكراً

[الا سير]

سخنة باستشوار وراح يطلع معك
بس اذا كان قديم ضاربته الشمس
راح يتعبك

[You Like Me]

السلام عليكم
محلات التلميع يفكونه لك بالحرارة ويزيلون لك اثارة نهائياً

[أبن المدينة]

المشكله ان الشطرطون ضاربته الشمس !

[ابوعبدالله172]

اذا كان الشطرطون تجاري وتعرض للشمس الله يعينك عليه يحتاج سمكري خبير وفاهم

[أبن المدينة]

هو اصلي حق بلاها بس متعرض للشمس لاصق صاير زي البوية

[ابوعبدالله172]

اذا هو اصلي امره سهل صخن مويه بابريق شاهي حتى يصل للغليان وصب الماء المغلي على الشطرطون وامسكه من بدايته وصب الماء المغلي واسحبه برفق ويطلع بسهوله .... ارجو اني افدتك

[ابوقاسم]

مثل ما قالوا الشباب ماله الا التسخين بالحرارة سواء ماء ساخن او هواء السشوار
تحياتي

[أبن المدينة]

للأسف مانفعت الطريقة البارح جربتها!

[متقاعد مبكر]

فيه ماده التنر ولكنها تشيل حتى البويه وتبلشك فالافضل انك توديه لسمكري يفك ويركب

[cadillac911]

في السشىوار حقين التظليل جربه بس انتبه تراه حار مره


اذكر الله تكسب حسنة

[أبن المدينة]

الله يجزاكم خير الظاهر لازم رش البودي
وديته لواحد سمكري يقول مايطلع !

[h93313]

روح لسمكري ثاني وثالث لين تلقى واحد فاهم ومتمرس
وحققن محلات التلميع فاهمين فيها