مشكلة في قير التاهو طقة وتأخير في التبديل ساعدوني

[افال]

سلام عليكم

عندي تاهو 2009 دبل صارله مشكلة في القير

بدايتها سافرت مسافة 350 كيلو ولمن وصلت السيارة صارت كأنها تتفتف او تقطع .. انا قلت اكيد الشغلة بسيطة اما طرمبة بنزين او حساس الهواء واستبعدت البواجي وتوابعها لاني مغيرها قريب المهم خلصت اشغالي ورجعت مسكت خط نفس المسافة المهم لمن وصلت القير صار مايعشق كويس يعني يتأخر في التبديل واذا عشقت الريوس مايلقم بسرعة كأني حاطه في الفاضي وكذلك اذا عشقت الدي يقعد شوية بعدين يلقم ويتأخر في التبديل وكذا

المهم رحت فحصته كمبيوتر عند مركز اي سي ديلكو قالي هذا من طرنبة الزيت والبطيخة ومانصلحها المهم تركتهم ورحت فحصتها عند واحد ثاني قالي هذا من كنترول القير وقال لازم افتح الكارتير عشان اشيك على الحساسات المهم فك الكارتير ولقى كمية رايش حديد كثيرة قال القير راح عليك مع اني غيرت الزيت حقه قبل 15 الف كيلو وقبلها مغيره ب 30 الف كيلو ومافيه ريحة حرق .. قلتله طيب غير الزيت والفلتر ورجع الكارتير خليني اشوف ورشة ثانية .. ورحت لواحد فلبيني وطلع جربها قال هذي من البطيخة او الطنجرة لانه القير يبدل جميع السرعات بس المشكلة يتأخر في التبديل وفيه طقة او نتعة اذا بدل من نمرة لنمرة وحذرني من المشي بالسيارة عشان لاينعدم القير ويخبط

وش رايكم .. اذا احد مرت عليه نفس مشكلتي يعلمني

وكم سعر الطنجرة هل هي غالية

[1824]

اخي اولا ما نوع الزيت المستعمل في التغير اذا النوع غير زيت دكسرون 6 DEXRON VI فهو خطأك انت وتسببت بخراب الطنجرة وتحتاج تغيرها قبل ما تاكلها الكلتشات ممشى السيارة كم؟؟؟ هذا عامل مؤثر بالتوفيق لك

[افال]

والله ياخوي انا غيرته عند مركز اي سي ديلكو ومادري ايش حطو اول لكن امس غيرته عند ميكانيكي وحط نفس النوع اللي قلته .. طيب ايش تنصحوني احط زيت ايش؟؟

ممشي اليارة ١٧٧ الف .. غيرت الزيت عند اي سي ديلكو وكانت ماشية ١٦٥ الف وراعيها الاول غيره في ١١٠ الاف

[افال]

للرفع الله يرفع قدركم

[يالبى الهلا]

هل تحس الموتر بة رجة اذا كان ذلك فالطنجرة تجتاح تبديل طبعا مع وحبيت اقول من اعطال الطنجرة ظهور صوت تحت القير مو طبيعي وتسمعه عند نهاية كل تبديلة وقد يكون الصوت خفيف

ايضا قد يفصل عليك القير وانت تمشي حتى لو بسرعات عالية

اذا وقفت السيارة وجيت تحركها من جديد ماتعشق ولا تستجيب

[1824]

والله ياخوي انا غيرته عند مركز اي سي ديلكو ومادري ايش حطو اول لكن امس غيرته عند ميكانيكي وحط نفس النوع اللي قلته .. طيب ايش تنصحوني احط زيت ايش؟؟

ممشي اليارة 177 الف .. غيرت الزيت عند اي سي ديلكو وكانت ماشية 165 الف وراعيها الاول غيره في 110 الاف

شكله صاحبة الاول غير نوع غلط وانت مشيت عليه لين ما قال بس يكفي زودتها المهم والله اعلم الطنجرة مو غالية شيك سعرها في الوكالة مع الخصم تطلع رخيصة وشغلها ان شاء الله مو صعب بس وده ورشة ثقة على قولتهم بالتوفيق لك

[افال]

هل تحس الموتر بة رجة اذا كان ذلك فالطنجرة تجتاح تبديل طبعا مع وحبيت اقول من اعطال الطنجرة ظهور صوت تحت القير مو طبيعي وتسمعه عند نهاية كل تبديلة وقد يكون الصوت خفيف

ايضا قد يفصل عليك القير وانت تمشي حتى لو بسرعات عالية

اذا وقفت السيارة وجيت تحركها من جديد ماتعشق ولا تستجيب


صدقت ماشاالله عليك نفس الوصف اللي قلته

[افال]

شكله صاحبة الاول غير نوع غلط وانت مشيت عليه لين ما قال بس يكفي زودتها المهم والله اعلم الطنجرة مو غالية شيك سعرها في الوكالة مع الخصم تطلع رخيصة وشغلها ان شاء الله مو صعب بس وده ورشة ثقة على قولتهم بالتوفيق لك

اشتريتها الطنجرة من التوكيلات وسعرها قبل الخصم ب 2950 وبعد الخصم 2506 ريال

الله يسهل الامور وييسرها

[1824]

خذيتها غالية اتوقع يمديك تلقى ارخص على العموم انا اخبر الخصم بين 25% الى 35% يعني مفروض تطلع لك حول 2000 صافي الله يعينك ويسهل امورك

[افال]

ايوة سعرها ارتفع كان سعرها ١٩٠٠ ريال بعد الخصم

[1824]

رد لنا خبر ما تخلص وش يصير معك واهم شيء نوع الزيت DEXRON VI اسمه بالعربي دكسرون 6 ضروري النوع ذا بالتوفيق لك سعره حول 20 ريال للعلبة

[abo yusef]

إحتمال يبغالك طقم كلتشات
توظيب

[مخ سعودي]

استبعد البطيخه ( الطنجره ) وانا اخوك من حساباتك
اعراض الطنجره :
رجه بالسيارة في سرعات محدده يعني من ٤٠ الى ٨٠ فقط واذا جلست فتره طويله تبدا السيارة ترتعش وهي تمشي لكن لايضرها ولايضر تعشيقها .
امبير الضغط يبدا يطلع وينزل لانها تدفع الزيت وترجع تضعف وتدفعه وعلشان كذا مايثبت الامبير
الطنجره بامكانك توضيبها بدون تغييرها عند تريستار بسعر ٥٠٠ ريال ويعطونك ضمان ٦ اشهر
الطنجره يطلع لها ونه
باختصار شيل فكره الطنجره تعطلت عندك .
موترك لازم تفحصه زين ولاتستعجل ابد احتمال عندك مخ القير يحتاج تنظيف مع تغيير زيت
احتمال الثروتل او احد البلوف مقفل
خذ الامور ببساطه وشيك على موترك ولاتستعجل