اكسبديشن 2007 واذا دفشت في الماء يقطع ويكتم

[من الصفرات]

يالربع مساكم الله بالخير .. سيارتي اكسبديشن 2007 والاحظ ايام المطر في الرياض
بمجرد مروري بمناقع الماء في الشوارع الطافحه يبدا الموتر يقطع ويكتم كأنه بيطفي
مدري وش السبب مع العلم اني ما ادفش بقوه ..
انا خابر هذي المشكله في السيارات القديمه جدا
افيدونا جزاكم الله خيرا

[الصيادالمليح]

بسبب ان الشكمان تغطى بالماء فصار يتفتف

بسبب وجود الحساسات في السيارة فأي خلل في قراءة احد الحساسات يتجاوب معه المكينة

[من الصفرات]

شكرا لك اخي الكريم ..
نسيت ان انبه اني نظفت الشكمان قبل اكثر من سنه تقريبا .. واللي نظفت عنده الغا الحساسات حتى اني اشوف واحد منها متعلق تشوفه من تحت السياره

[من الصفرات]

وبسببه لمبة المكينه ماعاد تطفي ابد ... بس انا ابي حل كل مادخلت ماء قام يقطع اخاف يطفي في الزحمات

[من الصفرات]

مع العلم انها مناقع عاديه ماتصل لحد فتحة الشكمان السيارات الصغار تدفششششش اقوى مني ولايصير لها شي

[من الصفرات]

افيدونا بتحليلاتكم ياهل الخبره

[من الصفرات]

الاخ اصيل عطنا رايك بارك الله فيك

[يالبى الهلا]

كهرباء وماء اكيد فى لخبطة في الحساسات وبعض السيارات بمجرد رشة مطررررر تطفئ لانها مخصصصة للبر وليس للبحررررر
لاتغامر بالسيارة بل السيل او الوادي
لان الشغلة كهرباء وممكن تطفئ وتروح فيها خاصة اهل الجيوب لاتغامر بالسيل صدقني لو لك خبرة لاتعتمد علي سيارة اعتمد على اللة ولاتلقئ نفسك ومن معك بالتهلكة

[سعيد الصبحي]

أخي العزيز اعتقد انه الماء يلحق في الحساس اللي مندلي من تحت السيارة اللي فصلته لما نظفت الشكمان .. بالرغم من انه فصل الحساس لكنه ما فصل الكهرباء عنه وبالتالي يلحق فالماء ويسبب المشكلة .. حاول تغطيه بورق لاصق عشان تمنع دخول الماء... ودمتم جميعا على طاعة الله

[من الصفرات]

مشكووورين .. اتوقع فعلا انه من الحساس حق الشكمان

[1824]

يالربع مساكم الله بالخير .. سيارتي اكسبديشن 2007 والاحظ ايام المطر في الرياض
بمجرد مروري بمناقع الماء في الشوارع الطافحه يبدا الموتر يقطع ويكتم كأنه بيطفي
مدري وش السبب مع العلم اني ما ادفش بقوه ..
انا خابر هذي المشكله في السيارات القديمه جدا
افيدونا جزاكم الله خيرا

لو تغرق السيارة وفلتر الهواء برى الموية تبقى السيارة شغالة انت قلتها في اسلاك تحت مفلوته يا تشبكها او تتيبها بحيث ما يجيها الماء لا يقولون لك حساسات واجد الشكمان دخل في موية لو الشكمان يجلس داخل الموية كله وفلتر الههواء حق المكينة برى عادي بتمشي السيارة وسيارتك امريكية اهل وفصل المطر وتبيها مو مصممة ومجهزة للماء الا مجهزينها تغرق وتطلع استغفر الله العظيم بس كلامك واضح انت مسوي شيء تحت شيك وافحص واصلح حسب ما يحتاج بالتوفيق لك

[ابوفواز1000]

مشكلتك والله اعلم بحساس الشكمان
لاني باظبط كان معي فكتوريا وكان حساس الشكمان اللي تحت مجروحه اسلاكة واذا جاه ماء لو بشكل بسيط يقطع الموتر كانه يبي يطفي واحيان يطفي وقمت ولفيت عليه وغطيته عن الماء واصبح الموتر ماشاء الله لو تغوص بالماء ماطفى او قطع
انت حاول تلف عليه كيس وتلف علية شطرطون نوع جيد لازم تغطية كامل لاتنسى الفيش لف عليه وبحول الله يظبط ميه بالمية ان شاء الله

[من الصفرات]

الله يجزاكم خير

[ابو-محمد]

السلام عليكم ورحمة الله وبركاته

اخوي مشكلتك من الكويلات وكثير تمر علي هذه المشكله بسيارات فورد بشكل عام

لأن الماء يخليها ماتعمل بالشكل المطلوب وتسبب تفتفه وتقطيع للمحرك

لازم تفك الكويلات وتشوف الكويل اللي يقطر منه ماء وترش عليه بخاخ Ac Delco

وتنفخ مكانه بالهواء حتى يخرج الماء بعدين تنشفه بالهواء وتركبه وتضبط معك السياره

وإذا كان عندك جهاز فحص OBDII بيعطيك عند الفحص أحد الاكواد التالية

P0301 وحتى P0308 وهي ترمز لعدد اسطوانات المحرك

الرقم 1 يعني سلندر رقم واحد وموقعه إذا كنت مواجه للمحرك أول واحد من جهة اليسار والثاني اللي بعده الخ

والرقم 5 وموقعه إذا كنت مواجه للمحرك أول واحد من جهة اليمين والسادس اللي بعده الخ

واذا تبي تستفسر اكثر راسلني على الخاص لاني ما انتبه للردود بعض الأحيان