أستفسار عن موقد كوفيا

[خليل909]

السلام عليكم ورحمة الله وبركاته
الموضوع ومافيه سلمكم الله من كل شر عندي عزبة قهوه وشاي الصغيره اصغر مقاس ولا استغني عنها وين مارحت معاي المهم اول ماشريتها كان الدافور الي فيها صيني على طول طشيته واستبدلته بفوكر ايطالي نفس الي بالصوره

http://i.imgur.com/5iHBXwA.png

المهم يارجال مستخدمه وممتاز الدافور ولاكن لاحظت انه يحتمي من جهة المفتاح وحولها وبصراحه هذي الشغله ماطمنتني قلت لايروح يفقع في وجهي واروح عند محلات الرمايه ادور على عين كويسه وصغيره وطاحت عيني على هالمزيون
من الشركه العريقه كوفيا

http://i.imgur.com/iFeYgvr.jpg

http://i.imgur.com/ZgGLLz5.jpg

السؤًال يارجال هل انا وفقت بالاختيار وراي صايب ولا انطبق علي المثل الي يقول كنك يابوزيد ماغزيت لاني الخبره في المواقد لكم عليها

[ذاكرة الغيم]

الله يبارك لك فيه
الموديل نفسه ما جربته ولكن مواقد كوفيا جيدة وما عليها كلام
وعندي كم نوع منها

[خليل909]

الله يبارك فيك اخوي ذاكرة الغيم وحقيقه الي عجبني فيه ان الشربوش بعيد عن الاسطوانه يعني ان شاء الله امان ولايلحقها حراره

[خالد الخطير]

كانك شريته فمبروك عليك ماشريت

ودامك اخذت شي من كوفيا الكوري فتطمن

لكن انا شخصياً لا احبذ اي رأس فوق الاسطوانه مباشره

احب المواقد العنكبوتيه ويكون لها لي بحيث تبعد الدبه عن مصدر اللهب

بس دامك قهوه وشاي سريع مايظر ان شاء الله

بس احذر من الدبات الصينيه ذات الاستخدام الواحد

عليك بدبات كوفيا او تيرا الكوريه فقط

والله يوفقك لما يحبه ويرضاه

[خليل909]

الله يبارك فيك اخوي خالد وانا بصراحه يوم رحت المحل كنت ناوي على الموقد الي انت ذكرت ولاكن شفت الموقد هذا وعجبني شكله ومن ناحية الامان فهو امن بعد الله لان تصميمه يختلف وبصراحه الاخ المصري الي في محل الرمايه نصحني بالموقد الي مزود بلي وقالي هذا بعد ممتاز ولافيه مشاكل

[خليل909]

مازلنا نطمع بالمزيد من اراء الاخوان اهل الخبره من غير قصور في من قال رايه

[الحربي حاتم]

مثل ماقالوا لك الرجال ولا تهون الشركة عريقة ومنتجاتها جيده

[خليل909]

لاهنت يالحربي بيض الله وجهك انت وجميع من شارك ورد علي والله يوفقنا وأياكم وجميع الاخوان في هالمنتدى المبروك

[أبو شيري]

أختيار موفق

وهنا خيارات أخرى

http://almerba3.com/image/cache/data/رفيق%20الدرب/جديد2/kb%20-%200211-228x228.jpg

::

http://almerba3.com/image/cache/data/DATE/327793_400x400%20(400%20x%20400)-228x228.gif

::

http://almerba3.com/image/cache/data/رفيق%20الدرب/جديد2/tkb%20-%208712-228x228.jpg

.

.

أذا ما ناسبك أحد الخيارات المذكوره أعلاه

ما لك هذا الخيار

.

.

http://www.mekshat.com/pix/upload/images4/coona2.jpg





.







.









.

[خليل909]

الله يجزاك خير يابوشيري ويوفقنا وياك ... والخيار الاخير طيب لاكن ماعاد يحصل

[تزبطي]

مازلنا نطمع بالمزيد من اراء الاخوان اهل الخبره من غير قصور في من قال رايه

[SIZE="5"][/SI
اﻻرآء قبل شراء الشئ
وليس بعد

اﻻن اطلب نصائح وتجارب


مانقول اﻻ الله يبارك لك في حﻻلك

وكوفيا غنيه عن التعريف وتجمل ان شاء الله
انا عندي مون والكر او عقرب القمر صراحه داهيه اطبخ عليه القدر 5 لتر بالراحه
لﻻن الشربوش بعيد من اﻻسطوانه 80 سم

موقدك هذا انتبه تطبخ عليه احتمال كبير جدا ينفجر
مع استخدام الذرايه لﻻنها تجمع الحراره
ويبي يصير ثقل القدور على علبة التغيير وهي ضعيفه


مبروك ان شاء الله ZE]

[خليل909]

الله يجزاك خير اخوي تزبطي ويبارك في حلالك ومالك وانا مثل ماذكرت ابيها لعزبة الشاي والقهوه فقط طبخ وأمور طبخ ماستخدمها وللاسف مواقد كوفيا كثيره واشكال حلوه ولاكن محلات الرحلات ماتوفرها بما فيها الرمايه ماحصلت الشكل هذا ومثله لاكن اكبر حجم