بعض المشاكل مع الشيهانه واريد الحل لا هنتوا [الأرشيف]

مشاهدة النسخة كاملة : بعض المشاكل مع الشيهانه واريد الحل لا هنتوا

طارق الحربي

14/12/2006, 01:56 PM

السلام عليكم ورحمة الله وبركاته

اخواني الاعزاء

بعض المشكال واجهتني مع الشيهانه اللي شريت قبل فتره

طبعا هي فرخ جبليه بيتيه بس المشكله انها خااايفه مره يعني ترفض ان المسها او المس منسرها وتحاول انها تنسر يدي حتى انها اذا حركت يدي اليمنى تفز من على الدس تحسبني ابسوي لها شي

الغريبه ان راعيها يقول صايده كراوين وحمام وبط نحم الموسم هذا

وش الحل برأيكم ؟؟

البحارى

14/12/2006, 02:10 PM

هلا اخوى الطيره ماهى طايبه يعنى ماهى متريضه زين ولافضل دائما شيلها على ايدك وامسح عليها علشان تستانس والمعروف انه الشواهين صعبه وتريد بعض الصبر وشكرا

ابرق العزاف

14/12/2006, 02:59 PM

اخوي الشاهين اسرع الطيور في ايلافه للصقار
فيبدو انك مستعجل عليها مادربتها صح
او حاصل لها موقف خوفها قبل الله اعلم

عاشق الشامخات

14/12/2006, 03:16 PM

اخوي العزيز ولا يهون الحاضرين اول شي حاول انك تعلفها من يدك وليس من الدس ..

ثانيا حاول تمسح عليها دايم واصبر عليها ...

وبالتوفيق للجميع ،،

طارق الحربي

15/12/2006, 01:30 AM

صابي

15/12/2006, 01:38 PM

جزاكم الله خير اخواني

ماقصرتوا

بس لو ان الطير مثلا وحش او ماله كم يوم مطروح ومتدهل بس على خفيف يمكن اقول يبيله تدهيل

بس المشكله ان راعيه الاول يقول انه صايد فيه حمام وكراوين وبط نحم يعني الطير متدهل

تحياتي لكم

اذا ماهي وحش وعلي كلام راعيها

الطير ضربها او نكفها طير اخر

او من اي شي اخر اثرت عليها

صبرك عليها راح ترجع افضل من اول

الشياهين الجبلية سهلت الالفة والتدريب

طارق الحربي

15/12/2006, 07:50 PM

جزاك الفله خير صابي ماقصرت

وان شاء الله اعلمكم اول بأول

وحش صافي

16/12/2006, 12:21 AM

الشيهانه اذا تو مطروحه اول يوم تبرقعه تخليها يومين مبرقعه تشيلها علي يدك تهزها تعطيها وهي مبرقع لابع ثندوه بعدين اطوفها يوم
وتفرعها علي ايدك وتحاول تخليها تاكل علي ايدك بشرط تنهمها بسمها الى حطيته لها يومين توكلها علي ايدك تنقزها يومين وتبط حبل بوكرها تحطلها حمامه تخليها تذبها واذا ذبحتها وجيتها تنهمها وتعطيها الثنادي ومن بكرا خيط خمس امتار وربطها هي مع الحمامه وتحذبلها الحمامه لمه تمسكها تعطيها نسور وتعلمها تحذفلها الحمامه مرتين ثلاث وتعشيها ومن بكرا تربطلها حمامه منتوفه شويه يعني تطير شويه وتربط راس الخيط في سبق الشيهانه وتهد الحمامه وتفرع الشيهانه تخلها تطير معاها ولمه تصيدها تداورها وتنهمها تناديها كويتيه كويتيه كويتيه كويتيه اسم شيهانتي موتقلدني :) المهم تسفط شوي عنها وتنزلها شوي شوي كاكه كاكه لمه تصير عندها تعطيها ثنادي وتبرقعه بليل تخليها علي يدك وتناديها تهزها وتناديها سولك جذي يومين ترا الى قلته اربع ايام او خمس شيهانه يمكن عشر ايام تطيح وتجهز بس انا اقول ياحلات الشيهانه تهدها وهي علي وحاشتها تطلب صيدتها اقوى يعني بس تبرقعه لمه تقنص تفك من برقعه تصيد عشها برقعها بس هذي شغلت الشيهانه بس انا الى عندي طرح الكويت طوله15وعرضها16 مسميها كويتيه تبون احطلكم صورتها

طارق الحربي

16/12/2006, 01:23 PM

شكرا لك اخي وحش صافي

الطير مهو وحش بل مدرب

ياليت تحط صور شيهانتك